(Video) ମାଟି-ଖପରା ଘର, ଆଗରେ ଟଙ୍କା ଗଛ… ଡାଳ ପତ୍ରରେ ଝୁଲୁଛି ବିଡ଼ା ବିଡ଼ା ନୋଟ୍
ଓଡ଼ିଶା ଭାସ୍କର: ଟଙ୍କା କ’ଣ ଗଛରେ ଫଳୁଛି? ମୁଁ କ’ଣ ଗରେ ଟଙ୍କା ଗଛ ଲଗେଇଛି?… କଥା କଥାରେ ଏମିତି ଡାଇଲଗ୍ ଅନେକ ଥର ଆପଣ ଶୁଣିଥିବେ । କିନ୍ତୁ ପ୍ରକୃତରେ କ’ଣ ଟଙ୍କା ଗଛ ଅଛି? କେବେ ନା କେବେ ଆପଣଙ୍କ ମନରେ ବି ଏମିତି ପ୍ରଶ୍ନ ଆସିଥିବ । ଏହି ପ୍ରଶ୍ନର ଉତ୍ତର ବୋଧହୁଏ, ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଦେଖାଯାଇଛି । ଘର ଆଗରେ ଟଙ୍କାର ଗଛ ଥିବା ବେଳେ ଏଥିରେ ବିଡ଼ା ବିଡ଼ା ନୋଟ ଦେଖିବାକୁ ମିଳିଛି । ୧୦, ୨୦, ୫୦, ୧୦୦ ଏବଂ ୫୦୦ ଟଙ୍କିଆ ନୋଟରେ ଭରି ହୋଇଯାଇଛି ଏହି ଗଛ । ପତ୍ର ଆଉ ଫୁଲ ଜାଗାରେ ଗଛରେ ଝୁଲୁଛି ଟଙ୍କା ନୋଟ୍ । ସୋସିଆଲ ମିଡିଆରେ ଏହାର ଏକ ପୋଷ୍ଟ ଭାଇରାଲ ହେବାରେ ଲାଗିଛି ।
ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଡାଇଲଗ୍ ସୁପରଷ୍ଟାର ୨୮ ନାମକ ଏକ ଆକାଉଣ୍ଟରେ ଏକ ଭିଡିଓ ପୋଷ୍ଟ କରାଯାଇଛି । ଏହି ଭିଡିଓରେ ଭାରତୀୟ ଟଙ୍କାରେ ଭରା ଏକ ଗଛ ଚଳପ୍ରଚଳ କରିବା ସହ ନାଚୁଥିବା ଦେଖାଯାଇଛି । ଏହି ଭାଇରାଲ ଭିଡିଓର କ୍ୟାପ୍ସନରେ ଲେଖା ଯାଇଛି ‘ମେରେ ପାସ୍ ପେସେ କା ପେଡ଼ ହେ, ପେସେ କା ଲଗା ଦୁଁ ଢେର’ । ଭିଡିଓରେ ଜଣେ ଯୁବକ ନିଜ ଶରୀରରେ ନୋଟ୍ ଲଗାଇବା ସହ ମୁଣ୍ଡରେ ଗଛ ଡାଳ ଭଳି ନୋଟ୍ ଗୁଡ଼ିକୁ ଝୁଲାଇ ଦେଇଛନ୍ତି । ଏହାସହିତ ମୁଣ୍ଡ ଉପରେ ଏହାକୁ ଏକ ମୁକୁଟ ଭଳି ମୁଣ୍ଡରେ ପିନ୍ଧିଛନ୍ତି ଏହି ଯୁବକ । ମାଟି-ଖପରାର ଘର ଆଗରେ ଯୁବକ ଜଣକ ଗୀତ ଗାଇ ନାଚୁଥିବାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
View this post on Instagram
ଭିଡିଓର ବ୍ୟାକଗ୍ରାଉଣ୍ଡରେ, ବଲିଉଡର ଲୋକପ୍ରିୟ ଗୀତ ‘କ୍ୟୁ ପେସା ପେସା କରତି ହେ କ୍ୟୁ ପେସୋପେ ତୁ ମରତି ହେ…’ ବାଜୁଥିବାର ଶୁଣାଯାଉଛି । ଏହି ଗୀତର ତାଳେ ତାଳେ ଯୁବକ ଜଣକ ନାଚୁଥିବାର ଏହି ଭିଡିଓରେ ଦେଖାଯାଇଛି । ଇନଷ୍ଟାଗ୍ରାମରେ ଏହି ଭାଇରାଲ୍ ଭିଡିଓକୁ ବର୍ତ୍ତମାନ ପର୍ୟ୍ୟନ୍ତ ୨୯ ହଜାର ଲୋକ ପସନ୍ଦ କରିଛନ୍ତି ଏବଂ ପ୍ରାୟ ୪୦ ହଜାର ଲୋକ ସେୟାର କରିଛନ୍ତି । ଏଥି ସହିତ, ପାଞ୍ଚଶହରୁ ଅଧିକ ଉପଭୋକ୍ତା ଏହି ଭିଡିଓରେ ମଜାଳିଆ କମେଣ୍ଟ ପୋଷ୍ଟ କରିଛନ୍ତି ।
