ଏହି ଗାଁରେ Marriage ହିଁ ମୃତ୍ୟୁର ବାଟ: ନୂଆ ବୋହୂର ଚାଲିଯିବ ଜୀବନ! ରହସ୍ୟମୟୀ ଗାଁର ଅଦ୍ଭୁତ କାହାଣୀ

ନୂଆଦିଲ୍ଲୀ: ପ୍ରତ୍ୟେକ ଗାଁ’ର କିଛି ନା କିଛି ନିଜସ୍ୱ କାହାଣୀ ରହିଥାଏ। ତେବେ ଏଭଳି ଏକ ଗାଁ’ର କିଛି କାହାଣୀ ଅଛି ଯାହା ସମ୍ପୂର୍ଣ୍ଣ ଅଦ୍ଭୁତ। କାରଣ ଏଠାକୁ କୌଣସି ଝିଅ ବୋହୂ ହୋଇ ଯିବାକୁ ଭୟ କରିଥାନ୍ତି। କେହି ବାପା ଚାହାଁନ୍ତି ନାହିଁ ଯେ ଏଠାରେ ତାଙ୍କ ଝିଅକୁ ବାହା ଦେବା ପାଇଁ। କାରଣ ଏହି ଗାଁ’ରେ ଯେଉଁ ବୋହୂ ଥରେ ଅସୁସ୍ଥ ହୋଇପଡେ ସେଠାରେ ତାଙ୍କର ମୃତ୍ୟୁ ହେବା ସୁନିଶ୍ଚିନ୍ତ। ତେବେ ଏହା ପଛରେ ଥିବା କାହାଣୀକୁ ଗ୍ରାମବାସୀ ଜାତୀୟ ଗଣମାଧ୍ୟମ ଆଗରେ କହିଛନ୍ତି। ପ୍ରାୟ ୧୦୦୦ ଜନସଂଖ୍ୟା ବିଶିଷ୍ଟ ଏହି ଗ୍ରାମରେ ପହଞ୍ଚିବାର କୌଣସି ଉପାୟ ନାହିଁ।

ସୂଚନା ଅନୁଯାୟୀ, ଏହି ଗାଁର ଲୋକମାନେ ବର୍ତ୍ତମାନ ଶ୍ରମ ସାହାଯ୍ୟରେ ନଦୀ ପାର ହୋଇ ଏକ ଅସ୍ଥାୟୀ ରାସ୍ତା ନିର୍ମାଣ କରୁଛନ୍ତି। ଗୟା ଜିଲ୍ଲା ମୁଖ୍ୟାଳୟଠାରୁ ପ୍ରାୟ ୮୦ ରୁ ୮୫ କିଲୋମିଟର ଦୂରରେ ଥିବା ଇମାମଗଞ୍ଜର “ଭାଗର” ଗ୍ରାମକୁ ସବୁ ପାର୍ଶ୍ୱରୁ ନଦୀ ଜଳ ଘେରି ରହିଛି। ଅନ୍ୟ ଅର୍ଥରେ, ଏହି ଗ୍ରାମ ଏକ ଦ୍ୱୀପରେ ଅବସ୍ଥିତ ଏବଂ ଗାଁର ଜନସଂଖ୍ୟା ପ୍ରାୟ ୧୦୦୦। ଏହି ଗାଁ ଏକ ଅଭିଶାପ ଠାରୁ କମ୍ ନୁହେଁ ଯେଉଁଥିପାଇଁ ଗାଁର ବିକାଶ ଗତି ବନ୍ଦ ହୋଇଯାଇଥିବା କୁହାଯାଏ। ନଦୀରେ ଜଳର ଉପସ୍ଥିତି ଯୋଗୁଁ ପିଲାମାନେ ମଧ୍ୟ ବିଦ୍ୟାଳୟକୁ ଯିବାକୁ ଇଚ୍ଛା କରନ୍ତି। ସେହିପରି ଏହି ଗାଁ’ରେ କୌଣସି ଲୋକ ନିଜ ଝିଅକୁ ବିବାହ କରିବାକୁ ଚାହାଁନ୍ତି ନାହିଁ। କାରଣ ଯଦି କୌଣସି ମୁହୂର୍ତ୍ତରେ କେହି ବି ଅସୁସ୍ଥ ହୋଇପଡନ୍ତି, ତେବେ ତାଙ୍କୁ ଏଠାରେ ମରିବାକୁ ପଡିଥାଏ। ତେବେ ଜଳ ହେତୁ ଗାଁ ବାହାରକୁ ଯିବା ସମ୍ଭବ ହୋଇନଥାଏ।

ଅନ୍ୟପଟେ ଯଦି ବି କେହି ଏହି ଗାଁ’ରେ ତାଙ୍କ ଝିଅକୁ ବିବାହ ଦେଇଥାଏ ତେବେ ଏକ ରାସ୍ତା ନିର୍ମାଣ ପାଇଁ ସେ ଗାଁ’କୁ କିଛି ଦାନ ଦିଅନ୍ତି। ଯାହାଦ୍ୱାରା ରାସ୍ତା ନିର୍ମାଣ ହେଲେ ସେ ସେମାନଙ୍କ ଝିଅ ଘରେ ପହଞ୍ଚି ପାରିବେ ବୋଲି କୁହାଯାଏ। ସେହିପରି ରାସ୍ତା ନିର୍ମାଣ ପାଇଁ ଯେତେବେଳେ ବି ଟଙ୍କା କମ୍ ହୁଏ, ଗ୍ରାମବାସୀମାନେ ନିଜେ ସ୍ୱେଚ୍ଛାସେବୀ ହୋଇ ତାହାର ବିକଳ୍ପ ଖୋଜନ୍ତି। ଗ୍ରାମବାସୀ କହିଛନ୍ତି ଯେ ବର୍ଷା ସମୟରେ ସବୁ କିଛି ମାସ ମାସ ଧରି ଗାଁରେ ଅଟକି ରହିଥାଏ। ବହୁ ବର୍ଷ ଧରି ଲୋକମାନେ ଏହି ନଦୀ ଉପରେ ଏକ ସେତୁ ନିର୍ମାଣ କରିବାକୁ ଦାବି କରିଆସୁଛନ୍ତି, ହେଲେ ତାଙ୍କ କଥା କେହି ଶୁଣୁନାହାନ୍ତି। ସ୍ଥାନୀୟ ନୀତୀଶ ସରକାର ହୁଅନ୍ତୁ କିମ୍ବା ମୋଦୀ ସରକାର କେହି ତାଙ୍କ କଥାକୁ ଆଦୌ କର୍ଣ୍ଣପାତ କରୁ ନାହାଁନ୍ତି ବୋଲି ସେମାନେ ଅଭିଯୋଗ କରିଛନ୍ତି। ଏହା ସହ ଗ୍ରାମବାସୀ କହିଛନ୍ତି ଯେ ନିର୍ବାଚନ ସମୟରେ ନେତାମାନେ କେବଳ ଭୋଟ୍ ନେବାକୁ ଏଠାକୁ ଆସନ୍ତି, ତାହା ପରେ କାହାର ଆଉ ଦେଖା ମିଳେ ନାହିଁ।