କାର୍ଯ୍ୟରେ ଅବହେଳା ଅଭିଯୋଗରେ SIଙ୍କୁ ସସପେଣ୍ଡ କଲେ ଏସପି

ଜଳେଶ୍ୱର: କାର୍ଯ୍ୟରେ ଅବହେଳା ଅଭିଯୋଗରେ SI ସସପେଣ୍ଡ । ସ୍ୱାର୍ଥ ଫାଣ୍ଡି SI ଚନ୍ଦ୍ର ଶେଖର ମହାନ୍ତିଙ୍କୁ ନିଲମ୍ବନ କଲେ ଏସପି । ସ୍ୱାର୍ଥ ଫାଣ୍ଡି SI ଚନ୍ଦ୍ର ଶେଖର ମହାନ୍ତିଙ୍କୁ ନିଲମ୍ବନ କଲେ ଏସପି । ଜଣେ ଯୁବକଙ୍କୁ ପିଟି ପିଟି ହତ୍ୟା ଘଟଣାକୁ କେନ୍ଦ୍ର କରି ଏହି କାର୍ଯ୍ୟାନୁଷ୍ଠାନ ନିଆଯାଇଛି ।

ସୂଚନାରୁ ପ୍ରକାଶ ଡିସେମ୍ବର ୨୨ ତାରିଖରେ ସିଲଙ୍ଗ୍ ଥାନା ଅନ୍ତର୍ଗତ ସ୍ୱାର୍ଥ ଗାଁରେ ଏକ ଲୁଗା ଦୋକାନରୁ ଚୋରି ସନ୍ଦେହରେ ୪ ଜଣଙ୍କୁ ପିଟିଥିଲେ ଦୋକାନୀ ଓ ତାଙ୍କ ପୁଅ । ଉକ୍ତ ୪ ଜଣଙ୍କୁ ଏକ ଗଛରେ ବାନ୍ଧି ରଡରେ ନିର୍ଦ୍ଧୁମ ପିଟିଥିଲେ । ଏହି ୪ ଜଣ ହେଉଛନ୍ତି ତ୍ରିଲୋଚନ ପ୍ରଧାନ, ସତୀଶ ସିଂହ, ଭାନୁ ପ୍ରଧାନ ଏବଂ ତପୁ ମହାନ୍ତି । ଏହି ଘଟଣାରେ ୩ ଜଣ ଗୁରୁତର ହୋଇଥିବା ବେଳେ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିଲା । ଖବର ପାଇ ସିଲଙ୍ଗ୍ ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଫାଣ୍ଡିରୁ ଅଳ୍ପ ଦୂରରେ ଘଟଣା ପରେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିବାରୁ ଫାଣ୍ଡି ଏସଆଇଙ୍କୁ ନିଲମ୍ବିତ କରାଯାଇଛି ।