ଶଙ୍ଖ ଭବନରେ ବିଜେଡି ଯୁବନେତ୍ରୀଙ୍କୁ ଚାପୁଡ଼ା

ଭୁବନେଶ୍ୱର: ଶଙ୍ଖ ଭବନରେ ଏକ ଅଘଟଣ ଘଟିଛି । ଆଜି ଶଙ୍ଖ ଭବନରେ ବିଜେଡି ପ୍ରତିଷ୍ଠା ଦିବସ ଅବସରରେ ସେଠାରେ ହାତାହାତି ହୋଇଥିବା ଖବର ବର୍ତ୍ତମାନ ସାମ୍ନାକୁ ଆସିଛି । ବିଜେଡି ଯୁବନେତ୍ରୀ ଇପ୍‌ସିତା ସାହୁଙ୍କୁ ଆକ୍ରମଣ କରାଯାଇଛି । ଇପ୍‌ସିତାଙ୍କୁ ଅନ୍ୟ ଜଣେ ମହିଳା କର୍ମୀ ଚାପୁଡ଼ା ମାରିଛନ୍ତି ।

ଏହି ଘଟଣାର ଭିଡିଓ ରେକର୍ଡ ମଧ୍ୟ ଟିଭି ଚ୍ୟାନେଲରେ ଭାଇରାଲ ହେବାରେ ଲାଗିଛି । ତେବେ ଏହି ଭିଡିଓରେ ଦେଖିବାକୁ ମିଳିଛି ଯେ, ଜଣେ ମହିଳା ଉତ୍ତ୍ୟକ୍ତ ହୋଇ ଇପସିତାଙ୍କ ଉପରକୁ ହାତ ଉଠାଇ ଚାପୁଡ଼ା ମାରିଛନ୍ତି । ତେବେ କେଉଁ କାରଣରୁ ଏହା ଘଟିଛି ଏପର୍ଯ୍ୟନ୍ତ ସଂପୂର୍ଣ୍ଣ ସୂଚନା ମିଳିପାରିନାହିଁ ।