IND vs AUS: ମେଲବର୍ଣ୍ଣରେ ଷ୍ଟିଭ୍ ସ୍ମିଥଙ୍କ ଦମଦାର ଶତକ, ଟେଷ୍ଟ କ୍ୟାରିୟରରେ ସର୍ବାଧିକ ୩୪ତମ ଶତକ ରେକର୍ଡ଼ କଲେ ଅଷ୍ଟ୍ରେଲୀୟ ଷ୍ଟାର ଖେଳାଳି
ଷ୍ଟିଭ୍ ସ୍ମିଥ୍ ୧୬୭ ବଲରେ ନିଜର ଶତକ ପୁରା କରିଛନ୍ତି । ସେ ଶତକୀୟ ଇନିଂସରେ ୯ଟି ଚୌକା ଏବଂ ୨ଟି ଛକା ମାରିଥିଲେ । ଟେଷ୍ଟ କ୍ରିକେଟ ଇତିହାସରେ ଷ୍ଟିଭ୍ ସ୍ମି୍ଥ୍ ସର୍ବାଧିକ ଶତକ ହାସଲ କରିବାରେ ସୁନୀଲ ଗାଭାସ୍କର, ବ୍ରେନ୍ ଲାରା, ମହେଲା ଜୟବର୍ଦ୍ଧନେ ଏବଂ ୟୁନୁସ ଖାନଙ୍କ ଭଳି ବିଶିଷ୍ଟ ଖେଳାଳିଙ୍କ ସମକକ୍ଷ ହୋଇପାରିଛନ୍ତି ।
ନୂଆଦିଲ୍ଲୀ: ଅଷ୍ଟ୍ରେଲୀୟ ଷ୍ଟାର ବ୍ୟାଟ୍ସମ୍ୟାନ ଷ୍ଟିଭ୍ ସ୍ମିଥ୍ ଭାରତ ବିପକ୍ଷରେ ମେଲବର୍ଣ୍ଣ ଟେଷ୍ଟ ମ୍ୟାଚରେ ଦମଦାର ପ୍ରଦର୍ଶନ କରିଛନ୍ତି । ସ୍ମିଥ୍ ତାଙ୍କ ଟେଷ୍ଟ କ୍ୟାରିୟରର ୩୪ ଶତକ ଏବଂ ଭାରତ ବିପକ୍ଷରେ ୧୧ତମ ଟେଷ୍ଟ ଶତକ ହାସଲ କରିଛନ୍ତି । ଏହା ସହ ସେ ଟେଷ୍ଟ କ୍ରିକେଟର ସର୍ବାଧିତ ଶତକ ହାସଲ କରିଥିବା ବ୍ୟାଟ୍ସମ୍ୟାନଙ୍କ ଶ୍ରେଷ୍ଠ ୧୦ ତାଲିକାରେ ସ୍ଥାନ ପାଇଛନ୍ତି ।
ମେଲବର୍ଣ୍ଣରେ ଭାତର ବିପକ୍ଷରେ ବକ୍ସିଂ ଡେ ଟେଷ୍ଟ ମ୍ୟାଚର ଦ୍ୱିତୀୟ ଦିନରେ ଭାରତୀୟ ବୋଲର ନୀତିଶ ରେଡ୍ଡିଙ୍କ ବଲରେ ଚୌକା ମାରି ୩୪ତମ ଶତକ ପୁରା କରିଥିଲେ । ଦ୍ୱିତୀୟ ଦିନର ପ୍ରଥମ ଘଣ୍ଟାରେ ସ୍ମିଥ୍ ଏହି ଦମଦାର ପ୍ରଦର୍ଶନ କରିଥିଲେ । ଏହା ସହ ସେ ଇଂଲଣ୍ଡର ବିଶିଷ୍ଟ ଖେଳାଳି ଜୋ ରୁଟଙ୍କ ରେକର୍ଡ଼ ଭାଙ୍ଗିବାରେ ସଫଳ ହୋଇଛନ୍ତି ।
ପିଠି ଥାପୁଡ଼ାଇଲେ କୋହଲି:
ଷ୍ଟିଭ୍ ସ୍ମିଥଙ୍କ ଏଭଳି ସଫଳତାକୁ ନେଇ ପୁରା ମେଲବର୍ଣ୍ଣ ଷ୍ଟାଡିୟମ ଛିଡ଼ା ହୋଇ ତାଙ୍କୁ ଅଭିବାଦନ ଜଣାଇଥିଲା । ସେହିପରି ଭାରତୀୟ ଦଳର କିଙ୍ଗ୍ କୋହଲି ମଧ୍ୟ ତାଙ୍କ ପାଖକୁ ଯାଇ ପିଠି ଥାପୁଡ଼ାଇଥିଲେ ଏବଂ ଶତକ ଇନିଂସର ପ୍ରଶଂସା କରିଥିଲେ ।
Virat Kohli appreciating the Hundred of Steve Smith #INDvsAUS pic.twitter.com/pQsOXrZJge
— Samar (@SamarPa71046193) December 27, 2024
ଷ୍ଟିଭ୍ ସ୍ମିଥ୍ ୧୬୭ ବଲରେ ନିଜର ଶତକ ପୁରା କରିଛନ୍ତି । ସେ ଶତକୀୟ ଇନିଂସରେ ୯ଟି ଚୌକା ଏବଂ ୨ଟି ଛକା ମାରିଥିଲେ । ଟେଷ୍ଟ କ୍ରିକେଟ ଇତିହାସରେ ଷ୍ଟିଭ୍ ସ୍ମି୍ଥ୍ ସର୍ବାଧିକ ଶତକ ହାସଲ କରିବାରେ ସୁନୀଲ ଗାଭାସ୍କର, ବ୍ରେନ୍ ଲାରା, ମହେଲା ଜୟବର୍ଦ୍ଧନେ ଏବଂ ୟୁନୁସ ଖାନଙ୍କ ଭଳି ବିଶିଷ୍ଟ ଖେଳାଳିଙ୍କ ସମକକ୍ଷ ହୋଇପାରିଛନ୍ତି । ଏହି ସମସ୍ତ ଖେଳାଳି ଟେଷ୍ଟ କ୍ରିକେଟରେ ୩୪ ଶତକୀୟ ଇନିଂସ ଖେଳିଛନ୍ତି । ଅନ୍ତର୍ଜାତୀୟ କ୍ୟାରିୟରରେ ଏହା ସ୍ମିଥଙ୍କ ୪୬ତମ ଶତକ ଅଟେ । ଷ୍ଟିଭ ସ୍ମିଥ୍ ୧୬୭ ବଲରେ ନିଜର ଶତକ ପୂରଣ କରିଛନ୍ତି । ସେ ଅଧିନାୟକ ପ୍ୟାଟ୍ କମିନ୍ସଙ୍କ ସହ ୧୧୨ ରନ୍ ଭାଗିଦାରୀ କରିଥିବାବେଳେ ସେ ଷ୍ଟାର୍କଙ୍କ ସହ ୪୩ ରନ୍ ଯୋଡିଥିଲେ । ସ୍ମିଥ୍ ଭାରତ ବିପକ୍ଷ ୩ ଟି ଟେଷ୍ଟ ମ୍ୟାଚରେ ୧୧ ଶତକ ଏବଂ ୫ ଅର୍ଦ୍ଧଶତକ ହାସଲ କରିଛନ୍ତି । ସେହିପରି ଏକ ନମ୍ବର ଟେଷ୍ଟ ବ୍ୟାଟ୍ସମ୍ୟାନ୍ ଜୋ ରୁଟ୍ ଭାରତ ବିପକ୍ଷରେ ୩୦ ଟି ଟେଷ୍ଟ ମ୍ୟାଚରେ ୧୦ ଶତକ ଏବଂ ୧୧ ଅର୍ଦ୍ଧଶତକ ହାସଲ କରିଛନ୍ତି ।
