ଥିଏଟରରେ ଥରହର କରୁଛି ରାମ ଚରଣଙ୍କ ଗେମ୍ ଚେଞ୍ଜର: ଦେଖିବା ପୂର୍ବରୁ ପଢନ୍ତୁ ଏହି ରିଭ୍ୟୁ

ମୁମ୍ୱାଇ: ତେଲୁଗୁ ସିନେମାସୁପରଷ୍ଟାର ରାମ ଚରଣ ଏବଂ ନିର୍ଦ୍ଦେଶକ ଶଙ୍କରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଗେମ୍ ଚେଞ୍ଜର ଆଜି ପ୍ରେକ୍ଷାଳୟରେ ମୁକ୍ତିଲାଭ କରିଛି।

ଏହି ଫିଲ୍ମକୁ ଦୀର୍ଘ ଦିନ ଧରି ଅପେକ୍ଷା କରାଯାଇଥିଲା ଏବଂ ଏହାର ରିଲିଜକୁ ନେଇ ପ୍ରବଳ ଉତ୍ସାହ ଦେଖିବାକୁ ମିଳିଛି। ଆନ୍ଧ୍ରପ୍ରଦେଶ, ତେଲେଙ୍ଗାନା ଓ କର୍ଣ୍ଣାଟକ ଭଳି ପ୍ରମୁଖ ରାଜ୍ୟ ସରକାର ଅନେକ ପ୍ରେକ୍ଷାଳୟରେ ମର୍ଣ୍ଣିଂ ସୋ’କୁ ଅନୁମତି ଦେଇଥିଲେ।

ସୋସିଆଲ ମିଡିଆରେ ରିଭ୍ୟୁ: ଏହି ସୋ’ ସରିବା ମାତ୍ରେ ଦର୍ଶକମାନେ ସୋସିଆଲ ମିଡିଆରେ ଫିଲ୍ମକୁ ନେଇ ନିଜ ନିଜର ପ୍ରତିକ୍ରିୟା ଦେବା ଆରମ୍ଭ କରି ଦେଇଛନ୍ତି।

ଫିଲ୍ମର ରିଭ୍ୟୁରେ ରାମ ଚରଣଙ୍କ ଅଭିନୟକୁ ସବୁଠାରୁ ଅଧିକ ପ୍ରଶଂସା କରାଯାଉଛି। ଟ୍ରୋଲରମାନେ ମଧ୍ୟ ରାମ ଚରଣଙ୍କୁ ପ୍ରଶଂସା କରିବାରୁ ନିଜକୁ ରୋକି ପାରିନାହାନ୍ତି।

ଡବଲ୍ ରୋଲ୍: ବିଶେଷ କରି ଡବଲ୍ ଚରିତ୍ର ପାଇଁ ସେ ତାଙ୍କ ଅଭିନୟକୁ ଚମତ୍କାର ବୋଲି ବର୍ଣ୍ଣନା କରିଛନ୍ତି। ଏହି ଚଳଚ୍ଚିତ୍ରରେ ରାମ ଚରଣ ଏକାଧିକ ଚରିତ୍ରରେ ଅଭିନୟ କରିଛନ୍ତି ଏବଂ ତାଙ୍କ ଅଭିନୟ ଦକ୍ଷତାକୁ ଏହି ଚଳଚ୍ଚିତ୍ରରେ ଭଲ ଭାବରେ ପ୍ରଦର୍ଶିତ କରାଯାଇଛି।

କିଛି ସମୀକ୍ଷକ ଫିଲ୍ମର କିଛି ଅଂଶରେ ମନ୍ଥର ଗତିକୁ ସମାଲୋଚନା କରିଥିବା ବେଳେ ଅଧିକାଂଶ ଫିଲ୍ମର ଉଦ୍ଦେଶ୍ୟ ଓ ବାର୍ତ୍ତାକୁ ପ୍ରଶଂସା କରିଛନ୍ତି।

୪୫୦ କୋଟି ଖର୍ଚ୍ଚ: ଶଙ୍କରଙ୍କ ନିର୍ଦ୍ଦେଶିତ ଫିଲ୍ମ ‘ଗେମ୍ ଚେଞ୍ଜର’ ପ୍ରାୟ ୪୫୦ କୋଟି ଟଙ୍କାର ବଜେଟରେ ନିର୍ମିତ ଏକ ପଲିଟିକାଲ ଥ୍ରିଲର ଅଟେ।

ଶଙ୍କରଙ୍କ ନିର୍ଦ୍ଦେଶନାରେ ନିର୍ମିତ ଏହି ସିନେମା ମନୋରଞ୍ଜନ କରିବା ସହ ଏକ ଗଭୀର ରାଜନୈତିକ ବାର୍ତ୍ତା ମଧ୍ୟ ଦେଇଛି। ଶଙ୍କର ଏହି ଫିଲ୍ମକୁ ବହୁତ ଭଲ ଢଙ୍ଗରେ ଉପସ୍ଥାପନ କରିଛନ୍ତି।

ରାମ ଚରଣଙ୍କ ବ୍ୟତୀତ କିଆରା ଆଡଭାନୀ, ଏସଜେ ସୂର୍ଯ୍ୟ, ଅଞ୍ଜଳି, ଜୟରାମ, ନବୀନ ଚନ୍ଦ୍ର ଙ୍କ ସମେତ ଅନେକ ସହଯୋଗୀ କଳାକାର ମଧ୍ୟ ଏହି ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଛନ୍ତି।

ଫିଲ୍ମରେ କିଆରା ଆଡଭାନୀଙ୍କ ଅଭିନୟ ଚମତ୍କାର ରହିଛି ଏବଂ ତାଙ୍କ ଚରିତ୍ର କାହାଣୀକୁ ମଜବୁତ କରିଛି।