ଦାମୀ ପାଣି ପିଅନ୍ତି ସିଦ୍ଧାନ୍ତ! ଖୋଲି କହିଲେ ଗୋଟି ଗୋଟି ସବୁ ସତ…

ଓଡ଼ିଶା ଭାସ୍କର: ସିଦ୍ଧାନ୍ତ ମହାପାତ୍ର, ନାମ ହିଁ ଯଥେଷ୍ଟ । ଓଲିଉଡ୍ ଜଗତରେ ରାଜ୍ କରିଥିବା ନାୟକ ସିଦ୍ଧାନ୍ତ, ଓଡ଼ିଆ ଯୁବପିଢ଼ିଙ୍କ ମନପସନ୍ଦ ହିରୋ । ଅନେକ ସମୟରେ ନିଜ କାମକୁ ନେଇ ଚର୍ଚ୍ଚାରେ ରୁହନ୍ତି ସିଦ୍ଧାନ୍ତ । କିନ୍ତୁ ନିକଟରେ ସିଦ୍ଧାନ୍ତଙ୍କ ପିଇବା ପାଣିକୁ ନେଇ ବେଶ୍ ଚର୍ଚ୍ଚା ହେଉଥିବା ଦେଖିବାକୁ ମିଳିଛି ।

ଖବର ଅନୁସାରେ, କ୍ରିକେଟର ବିରାଟ କୋହଲି ପିଉଥିବା ଦାମୀ ପାଣି ସିଦ୍ଧାନ୍ତ ପିଉଥିବା ନେଇ ଖବର ପ୍ରକାଶ ପାଇଛି । କିନ୍ତୁ ଏକଥାରେ ସତ୍ୟାସତ୍ୟ ନ ଥିବା ନିଜେ କହିଛନ୍ତି ସିଦ୍ଧାନ୍ତ ମହାପାତ୍ର ।

କିଛିଦିନତଳେ ସେ ଦେଇଥିବା ଏକ ସାକ୍ଷାତକାରରେ କହିଛନ୍ତି, ମୁଁ କୌଣସି ଦାମୀ ପାଣି ପିଏ ନାହିଁ । ଘରେ ଟ୍ୟାପ୍ ପାଣିରୁ ଲାଗିଥିବା ଆକ୍ୱାଗାର୍ଡ଼ ପାଣି ପିଏ । ଏହାଛଡ଼ା ସିଙ୍ଗଲ ୟୁଜ୍ ପ୍ଲାଷ୍ଟିକରେ ପାଣିପିଇବା ତାଙ୍କୁ ଭଲ ଲାଗେ ନାହିଁ ବୋଲି ସେ ନିଜ ପାଣି ବୋତଲ ନିଜ ସାଥୀରେ ନେଇ ବାହାରକୁ ଯାଆନ୍ତି ।

ଆକ୍ୱାଗାର୍ଡ ପାଣି ବ୍ୟତୀତ ତାଙ୍କୁ କୂଅ ପାଣି ଭଲ ଲାଗେ ବୋଲି ସେ କହିଛନ୍ତି । କିନ୍ତୁ ବର୍ତ୍ତମାନ ସମୟରେ କୂଅ ପାଣି ମିଳିବା ଯେତେବେଳେ କଷ୍ଟକର ସେଥିପାଇଁ ସେ ଆକ୍ୱାଗାର୍ଡ ପାଣି ପିଉଥିବା କହିଛନ୍ତି । ଦାମୀ ପାଣି ସେ ପିଉ ନ ଥିବା ସ୍ପଷ୍ଟ କରିଛନ୍ତି ।
ନିକଟରେ ସିଦ୍ଧାନ୍ତଙ୍କ ଅଭିନୀତ ଫିଲ୍ମ ପରବ ରିଲିଜ ହୋଇଛି । ଯେଉଁଥିରେ ତାଙ୍କ ସହ ସ୍କ୍ରିନ୍ ଶେୟାର କରିଛନ୍ତି ଓଲିଉଡ୍ର ବହୁ ନାମି କଳାକାର । ଫିଲ୍ମ ସଫଳ ହେବା ନେଇ ଯେତେ ଆଶା ଥିଲା କିନ୍ତୁ ତାହା ଫଳପ୍ରଦ ହୋଇ ନାହିଁ ।