ନିଆଁ ନେଲା ଜୀବନ, ମାମୁଁ ଭଣଜା ଜୀବନ୍ତ ଦଗ୍ଧ

ଭୁବନେଶ୍ବର:   ବୌଦ୍ଧ ଜିଲ୍ଲା ବାଉଁଶୁଣି ଥାନା ବଲାକିରା ଗ୍ରାମରେ ଅଭାବନୀୟ ଘଟଣା । ପାଳଗଦାରେ ନିଆଁ ଲାଗି ଜଳିଗଲେ 2 ନାବାଳକ । ସେମାନେ ସମ୍ପର୍କରେ ମାମୁ ଭଣଜା ବୋଲି ଜଣାପଡିଛି ।

ମୃତକଙ୍କ ନାମ କୃଷ୍ଣା ଭୋଇ ଏବଂ କ୍ରିଷ୍ଣା ଉର୍ମା । ମାମୁଁର ନାମ କ୍ରିଷ୍ଣା ଭୋଇ ହୋଇଥିବା ବେଳେ ଭଣଜାର ନାମ କ୍ରିଷ୍ଣା ଉର୍ମା ।

ମାମୁର ଘର ବଲାକିରା ହୋଇଥିବା ବେଳେ ଭଣଜାର ଘର ବସନ୍ତବାହଲରେ । ପାଳଗଦାରେ ନିଆଁ ଲାଗି ଜଳିଯାଇଥିବା ଜଣାପଡିଛି । ପାଳଗଦା ନିକଟରେ ଖେଳୁଥିବା ବେଳେ ଅସାବଧନତା ଯୋଗୁଁ ମୃତ୍ୟୁ ହୋଇଥିବା କଥା କୁହାଯାଉଛି ।

ସ୍ଥାନୀୟ ଲୋକେ ଏହି ଦୁଇ ନାବାଳକଙ୍କୁ ଉଦ୍ଧାର କରି ବାଉଁଶୁଣି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ମୃତ ଘୋଷଣା କରିଥିଲେ ।

ଖବର ପାଇ ଘଟଣାସ୍ଥଳରେ ବାଉଁଶୁଣୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । କେଉଁ ପରିସ୍ଥିତିରେ ଏଭଳି ଦୁର୍ଘଟଣା ଘଟିଲା ତାହା ବର୍ତ୍ତମାନ ସୁଦ୍ଧା ଜଣାପଡି ନଥିବା ବେଳେ ତଦନ୍ତ ଶେଷ ହେବା ପରେ ପ୍ରକୃତ କାରଣ ସ୍ପଷ୍ଟ ହୋଇପାରିବ ।