ସାଇବର ଠକେଇ ଉପରେ ଲାଗିବ ରୋକ୍! ସରକାର ଲଞ୍ଚ କଲେ ଏକ ନୂଆ App, ଘରୁ କରିପାରିବେ ରିପୋର୍ଟ

ନୂଆଦିଲ୍ଲୀ : ଲୋକଙ୍କ ସୁବିଧା ପାଇଁ ଦୂରସଂଚାର ବିଭାଗ (ଡିଓଟି) ସଞ୍ଚାର ସାଥୀ ଆପ୍ ଲଞ୍ଚ କରିଛି । ଏହି ଆପ୍ ମାଧ୍ୟମରେ, ଅନଲାଇନ୍ ଠକେଇଠାରୁ ଆରମ୍ଭ କରି ହଜିଯାଇଥିବା ଫୋନ୍ ପର୍ଯ୍ୟନ୍ତ ଅଭିଯୋଗ ମୋବାଇଲରେ ହିଁ ଦାଖଲ କରାଯାଇପାରିବ ।

ଏହି ଆପ୍ ଲଞ୍ଚ ହେବା ସହିତ ରିପୋର୍ଟିଂ ପ୍ରକ୍ରିୟା ସହଜ ହୋଇଯାଇଛି । ଆପଣଙ୍କୁ ଜଣାଇ ଦେଉଛୁ ଯେ ଏହା ପୂର୍ବରୁ ଫୋନ୍ ଚୋରି ଏବଂ ନକଲି କଲ୍ ବିଷୟରେ ଅଭିଯୋଗ କରିବାକୁ ସଞ୍ଚାର ସାଥୀର ୱେବସାଇଟ୍ ଯିବାକୁ ପଡ଼ୁଥିଲା । କିନ୍ତୁ ଏବେ ଆପଣ ମୋବାଇଲ୍ ଫୋନ୍ ମାଧ୍ୟମରେ ମଧ୍ୟ ରିପୋର୍ଟ କରିପାରିବେ ।

କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ସଞ୍ଚାର ସାଥୀ ଆପ୍ ଲଞ୍ଚ ସମୟରେ କହିଥିଲେ ଯେ, ଏହି ଆପ୍ ମାଧ୍ୟମରେ ଦେଶର ଲୋକମାନେ ସୁରକ୍ଷିତ ରହିବେ ଏବଂ ଗୋପନୀୟତା ବଜାୟ ରହିବ । ଏହି ଆପ୍ଲିକେସନ୍କୁ ଗୁଗୁଲ ପ୍ଲେ-ଷ୍ଟାର ଓ ଆପଲ୍ ଆପ୍ ଷ୍ଟୋରକୁ ଯାଇ ଡାଉନଲୋଡ୍ କରାଯାଇପାରିବ ।

ଆପଣ ନକଲି ମେସେଜ୍ ଏବଂ କଲ୍ ବିଷୟରେ ଅଭିଯୋଗ କରିପାରିବେ:
ଏହି ଆପକୁ ଯାଇ ଆପଣ ଜାଣିପାରିବେ ଯେ ଆପଣଙ୍କ ନାମରେ କେତେ କନେକ୍ସନ୍ ଭୁଲ ଭାବରେ ନିଆଯାଇଛି । ବିଶେଷ କଥା ହେଉଛି ସେହି କନେକ୍ସନଗୁଡ଼ିକୁ ବ୍ଲକ୍ ମଧ୍ୟ କରାଯାଇପାରିବ । ଏହା ବ୍ୟତୀତ, ଆପ୍ କୁ ଯାଇ ହଜିଯାଇଥିବା କିମ୍ବା ଚୋରି ହୋଇଥିବା ଫୋନର ରିପୋର୍ଟ ଦାଖଲ କରାଯାଇପାରିବ ।

ଏଥିରେ ଡିଭାଇସକୁ ଟ୍ରାକ୍ କରାଯାଇପାରିବ । ଏହା ସହିତ ନକଲି ମେସେଜ୍ ଏବଂ କଲ୍ ସମ୍ପର୍କରେ ଅଭିଯୋଗ କରାଯାଇପାରିବ । ଆପଣଙ୍କୁ ଜଣାଇ ଦେଉଛୁ ଯେ ସଞ୍ଚାର ସାଥୀ ପୋର୍ଟାଲ୍ ଦୁଇ ବର୍ଷ ପୂର୍ବେ ଅର୍ଥାତ୍ ୨୦୨୩ ମସିହାରେ ଲଞ୍ଚ ହୋଇଥିଲା । କିନ୍ତୁ ଏବେ ଏହି ଆପ୍ ପ୍ରଚଳନ କରାଯାଇଛି । ଏହାକୁ ବ୍ୟବହାର କରି ଅଧିକରୁ ଅଧିକ ଲୋକ ନିଜକୁ ସୁରକ୍ଷିତ ରଖିପାରିବେ ।