Breaking: ୪ ଦିନ ହେଲା ନୌସେନା ଅଧିକାରୀଙ୍କ ମିଳୁନି ପତା, ପୁଅକୁ ଖୋଜିବା ଲାଗି ରାଜ୍ୟ ସରକାରଙ୍କୁ ଗୁହାରି କଲେ ସୌରଭଙ୍କ ମା’
ବ୍ରହ୍ମପୁର: ବ୍ରହ୍ମପୁରର ନୌସେନା ଅଧିକାରୀ ସୌରଭ କୁମାର ପାତ୍ର ନିଖୋଜ । ୪ ଦିନ ହେଲା ତାଙ୍କର କୌଣସି ପତା ମିଳୁନାହିଁ । କେରଳର କୋଚିରେ ଚାକିରି କରିଥିଲେ ସୌରଭ ।
ସମ୍ପର୍କୀୟଙ୍କ ବାହାଘରରେ ଯୋଗଦେବା ଲାଗି ଛୁଟିରେ ଆସିଥିଲେ । ଛୁଟି କାଟି ପୁଣିଥରେ ଡ୍ୟୁଟି ଯିବା ପାଇଁ ଘରୁ ବାହାରିଥିଲେ ।
୪ ଦିନ ହେଲା ସୌରଭଙ୍କ ଫୋନ୍ ସୁଇଚ ଅଫ୍ ଥିବାବେଳେ ତାଙ୍କ ସହ ଯୋଗାଯୋଗ ହୋଇପାରୁ ନ ଥିବା ମା’ କହିଛନ୍ତି ।
ଭୋର ୩ଟା ୫୦ରେ ଷ୍ଟେଶନ୍ ଛାଡ଼ିଥିଲା ବ୍ରହ୍ମପୁରରୁ ବିଶାଖାପାଟନମ୍ ଯାଉଥିବା ଟ୍ରେନ୍ । ସୌରଭଙ୍କ ଫୋନର ଲାଷ୍ଟ ଲୋକେଶନ୍ ଇଚ୍ଛାପୁରମ୍ ଦେଖାଉଛି ।
ଏନେଇ ସୌରଭଙ୍କ ମା’ ଓ ଭାଇ ଥାନାରେ ଏତଲା ଦେବା ସହ ପୁଅ ସୌରଭଙ୍କୁ ଖୋଜିବାରେ ଓଡ଼ିଶା ସରକାର ସାହାଯ୍ୟ କରନ୍ତୁ ବୋଲି ସେ ଅନୁରୋଧ କରିଛନ୍ତି ।
