ସୁବାଷ ଚନ୍ଦ୍ର ବୋଷ ଆଜି ବି ଅମର, ଜାଣନ୍ତୁ ତାଙ୍କର ବିମାନ ଦୁର୍ଘଟଣା ଏବଂ ନିଖୋଜ ହେବାର ରହସ୍ୟ

ନୂଆଦିଲ୍ଲୀ: ମହାନ ସ୍ୱାଧୀନତା ସଂଗ୍ରାମୀ ନେତାଜୀ ସୁବାଷ ଚନ୍ଦ୍ର ବୋଷଙ୍କର ଆଜି ଜନ୍ମ ଦିବସ । ସାରା ଦେଶ ଏହି ଦିନକୁ ପରାକ୍ରମ ଦିବସ ଭାବେ ପାଳନ କରୁଛି । ସରକାର ୨୦୨୧ ମସିହାରେ ନେତାଜୀ ସୁବାଷ ଚନ୍ଦ୍ର ବୋସଙ୍କ ଜନ୍ମଦିନକୁ ୨୩ ଜାନୁଆରୀ ଦିନ ପରାକ୍ରମ ଦିବସ ଭାବେ ପାଳନ କରିବାକୁ ଘୋଷଣା କରିଥିଲେ ।

ଆଜି ବି ସୁବାଷ ଚନ୍ଦ୍ର ବୋଷଙ୍କର ମୃତ୍ୟୁକୁ ନେଇ ଦ୍ୱନ୍ଦ୍ୱ ରହିଛି। ଅନେକଙ୍କ କହିବାନୁଯାୟୀ, ବିମାନ ଦୁର୍ଘଟଣାରେ ସୁବାଷ ଚନ୍ଦ୍ର ବୋଷଙ୍କର ମୃତ୍ୟୁ ଘଟିଥିଲା । କିଛି ଲୋକଙ୍କ ବିଶ୍ୱାସ ଅନୁଯାୟୀ, ଏହି ଦୁର୍ଘଟଣାରେ ତାଙ୍କର ମୃତ୍ୟୁ ଘଟିନଥିଲା ।

ବିମାନ ଦୁର୍ଘଟଣା: ୧୯୪୫ ମସିହା ଅଗଷ୍ଟ ୧୮ ତାରିଖରେ ତାଇବାନର ତାଇପେଇରେ ଉଡାଣ ଭରିବା ସମୟରେ ଏକ ବିମାନ ଦୁର୍ଘଟଣା ଘଟିଥିଲା । କୁହାଯାଏ ଯେ, ସୁବାଷ ଚନ୍ଦ୍ର ବୋଷ ଏହି ବିମାନରେ ଯାତ୍ରା କରୁଥିଲେ । ଏହାପରେ ବୋଷ କୋମାକୁ ଚାଲିଯାଇଥିଲେ ଏବଂ ରାତି ୯ ରୁ ୧୦ଟା ମଧ୍ୟରେ ତାଙ୍କର ଦେହାନ୍ତ ଘଟିଥିଲା ।

ହେଲେ ବୋଷଙ୍କର ମୃତଦେହ ବା କୌଣସି ଫଟୋ ଏପର୍ଯ୍ୟନ୍ତ ମିଳିନାହିଁ କି କୌଣସି ଅଫିସିଆଲ ଭାବେ ମୃତ୍ୟୁ ପ୍ରମାଣପତ୍ର ଜାରି କରାଯାଇନାହିଁ । ଏହି କାରଣରୁ ଭାରତୀୟ ଜାତୀୟ ସେନାର ଲୋକେ ଏନେଇ ସହମତ ହୋଇନଥିଲେ ।

ସେ ଏହାକୁ ଷଡଯନ୍ତ୍ର ବୋଲି କହିଥିଲେ । ନେତାଜୀଙ୍କ ଦେହାନ୍ତର କିଛି ଘଣ୍ଟା ମଧ୍ୟରେ କୌଣସି ବିମାନ ଦୁର୍ଘଟଣା ଘଟିନଥିଲା ବୋଲି ସେମାନେ ଦାବି କରିଥିଲେ।

ଲୋକଙ୍କ ମତ: ୧୯୫୦ ଦଶକରେ ସୁବାଷ ଚନ୍ଦ୍ର ବୋଷଙ୍କୁ ନେଇ କିଛି କମ୍ପାନୀଗୁଡିକ ସାମ୍ନାକୁ ଆସିଥିଲେ। ଏପରି କୁହାଗଲା ଯେ, ସୁବାଷ ଚନ୍ଦ୍ର ବୋଷ ଯୋଗୀ ହୋଇଯାଇଛନ୍ତି । ଐତିହାସିକ ଲିୟୋନାର୍ଡ ଏ ଗାର୍ଡେନ ୧୯୬୦ ମସିହାରେ ଏନେଇ ନିଜର ଦାବି ପ୍ରକାଶ କରିଥିଲେ ।

ବୋଷଙ୍କର କିଛି ସହଯୋଗୀ ସୁବାଷବାଦୀ ଜନତା ଗୋଷ୍ଠୀ ଗଠନ କରିଥିଲେ । ଏମାନଙ୍କ କହିବା ଅନୁଯାୟୀ, ବୋଷ କଲିକତାର ଶୌଲମାରୀ ସ୍ଥିତ ଅଭ୍ୟାରଣ୍ୟକୁ ଚାଲିଯାଇଛନ୍ତି ।

ରିପୋର୍ଟ: କିଛି ଏପରି ମଧ୍ୟ ରିପୋର୍ଟ ଅଛି ଯାହା ବିମାନ ଦୁର୍ଘଟଣାରେ ନେତାଜୀଙ୍କ ମୃତ୍ୟୁକୁ ଏପରି ଦାବି କରିଛନ୍ତି । ସେମାନଙ୍କ କହିବାନୁଯାୟୀ, ବୋଷ ମିସ୍ୟୁବିଶୀ କେ-୨୧ ବୋମାରେ ଯାତ୍ରା କରୁଥିଲେ । ଯାହା ତାଇପେଇରେ ଉଡାଣ ଭରିବାର କିଛି କ୍ଷଣିରେ ଦୁର୍ଘଟଣାଗ୍ରସ୍ତ ହୋଇଛି।

ତେବେ ଆଜି ବି ସୁବାଷ ବୋଷଙ୍କ ମୃତ୍ୟୁକୁ ନେଇ ଦ୍ୱନ୍ଦ୍ୱ ଲୋକଙ୍କ ମଧ୍ୟରେ ରହିଛି। ଏହାକୁ ସ୍ପଷ୍ଟ କରାଯାଉ ବୋଲି ଦାବି ମଧ୍ୟ କରାଯାଉଛି।