କୁମ୍ଭମେଳାରେ LIC ଅଧ୍ୟକ୍ଷ ସିଦ୍ଧାର୍ଥ ମହାନ୍ତି, ଯୁବ ଚେତନା ସେବା କାର୍ଯ୍ୟକ୍ରମରେ ହେଲେ ସାମିଲ

ପ୍ରୟାଗରାଜ: ଉତ୍ତର ପ୍ରଦେଶ ପ୍ରୟାଗରାଜ କୁମ୍ଭମେଳାରେ ସାମିଲ ହୋଇଛନ୍ତି ଭାରତୀୟ ଜୀବନ ବୀମା (ଏଲଆଇସି) ଅଧ୍ୟକ୍ଷ ସିଦ୍ଧାର୍ଥ ମହାନ୍ତି । ନେତାଜୀ ସେବା ସଂସ୍ଥାନ ଶିବିରରେ ଆୟୋଜିତ ଯୁବ ଚେତନାର ସେବା କାର୍ଯ୍ୟକ୍ରମରେ ସାମିଲ ହୋଇଛନ୍ତି ଏଲଆଇସି ଅଧ୍ୟକ୍ଷ ।

ଏ ଅବସରରେ ସିଦ୍ଧାର୍ଥ ମହାନ୍ତି ଅଭିଷେକ ବ୍ରହ୍ମଚାରୀଙ୍କ ଦର୍ଶନ କରି ତାଙ୍କ ଆର୍ଶୀବାଦ ଗ୍ରହଣ କରିଛନ୍ତି । ଆୟୋଜିତ କାର୍ଯ୍ୟକ୍ରମରେ ଏଲଆଇସି ଅଧ୍ୟକ୍ଷ ସିଦ୍ଧାର୍ଥ ମହାନ୍ତିଙ୍କ ସମେତ ଯୁବ ଚେତନାର ରାଷ୍ଟ୍ରୀୟ ସଂଯୋଜକ ରୋହିତ କୁମାର ସିଂ ଏବଂ ଅନ୍ୟ ବିଶିଷ୍ଟ ବ୍ୟକ୍ତି ବିଶେଷ ସାମିଲ ହୋଇଥିଲେ ।

ଏ ଅବସରରେ ଶ୍ରୀ ମହାନ୍ତି କହିଛନ୍ତି ଯେ, ସନାତନ ଧର୍ମ ଶାଶ୍ୱତ । ମହାକୁମ୍ଭ ଆସି ମନକୁ ପ୍ରସନ୍ନତା ମିଳିଛି । ଅଭିଷେକ ବ୍ରହ୍ମଚାରୀ ଉଚ୍ଚକୋଟିର ସନ୍ଥ ହେବା ସହ ରୋହିତଙ୍କ କାର୍ଯ୍ୟ ପାଇଁ ତାଙ୍କୁ ପ୍ରଶଂସା କରିଛନ୍ତି ଏଲଆଇସି ଅଧ୍ୟକ୍ଷ । ସ୍କୁଟିରେ ସେବା କାର୍ଯ୍ୟକୁ ଯାଇ ଚବନପ୍ରାସ ବାଣ୍ଟିଛନ୍ତି ଶ୍ରୀ ମହାନ୍ତି ।

କୁମ୍ଭମେଳା ପାଇଁ ରାଜ୍ୟ ସରକାରଙ୍କ ତରଫରୁ ସୁବ୍ୟବସ୍ଥା କରାଯାଇଛି । ସମାଜର ଦାୟିତ୍ୱ ବୁଝି ଯୁବପିଢ଼ି ସେବା କାର୍ଯ୍ୟରେ ନିୟୋଜିତ ହେବାର ଆବଶ୍ୟକତା ଥିବା ସନ୍ଥ ଅଭିଷେକ ହ୍ରହ୍ମଚାରୀ କହିଛନ୍ତି । ସେହିପରି ଯୁବପିଢ଼ି ଏକତ୍ରିତ ହୋଇ କୁମ୍ଭମେଳାକୁ ଆସୁଥିବା ଶ୍ରଦ୍ଧାଳୁଙ୍କ ସେବା କାର୍ଯ୍ୟ ଚାଲାଇଛନ୍ତି । ଦେଶ ବିକାଶ ପଛରେ ସନାତନୀ ଶକ୍ତି ଥିବାବେଳେ ସମର୍ପଣ ଭାବରେ ସେବା କରୁଥିବା କହିଛନ୍ତି ରୋହିତ ।