ଜୟଲଳିତାଙ୍କ ସମ୍ପତ୍ତିରେ ଥିଲା ଝିଆରୀଙ୍କ ନଜର, କିନ୍ତୁ କୋର୍ଟ ଶୁଣେଇଦେଲେ ଏତେ ବଡ଼ ନିଷ୍ପତି

କର୍ଣ୍ଣାଟକ: ତାମିଲନଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ସୁନା ଗହଣାକୁ ନେଇ ଏବେ ଜୋର ଚର୍ଚ୍ଚା ଆରମ୍ଭ ହୋଇଯାଇଛି । ଜୟଲଳିତାଙ୍କ ଜବତ ୨୭ କେଜି ସୁନା ଏବଂ ୧,୧୧୬ କେଜିର ରୁପା ଅଳଙ୍କାର ଏବେ କାହାପାଖରେ ଅଛି ତାକୁ ନେଇ ଚାରିଆଡ଼େ ଆଲୋଚନା । ୠତ ଶୁକ୍ରବାର କର୍ନାଟକ ସ୍ୱତନ୍ତ୍ର କୋର୍ଟ ଗହଣାସବୁକୁ ତାମିଲନାଡ଼ୁ ସରକାରଙ୍କୁ ହସ୍ତାନ୍ତର କରିଛନ୍ତି ।

ଆଖେଇଥିଲେ ଝିଆରୀ: ଶୁକ୍ରବାର ଦିନ ସ୍ୱତନ୍ତ୍ର କୋର୍ଟ ଜୟଲଳିତାଙ୍କ ସବୁ ସୁନା ଓ ରୁପା ଅଳଙ୍କାର ତାମିଲନାଡୁ ସରକାରଙ୍କୁ ହସ୍ତାନ୍ତର କରିଛନ୍ତି । ସରକାରୀ ଡକ୍ୟୁମେଣ୍ଟ ଅନୁସାରେ ଜୟଲଳିତାଙ୍କ ୨୭ କେଜି ୫୫୮ ଗ୍ରାମ ସୁନା ଅଳଙ୍କାର ଏବଂ ୧,୧୧୬ କେଜି ସିଲଭର ସାଙ୍ଗକୁ ୧୫୨୬ ଏକର ଜମିର ମାଲିକାଣୀ ହେଉଛନ୍ତି ଜୟଲଳିତା । ଏ ସମ୍ପତ୍ତି ସବୁ କର୍ଣ୍ଣାଟକ ବିଧାନ ସୌଧ ଟେଜେରିରେ ରଖାଯାଇଥିଲା । ସରକାରୀ କର୍ମଚାରୀ ଏବଂ କୋଟଙ୍କ ଉପସ୍ଥିତିରେ ଏହି ଟ୍ରେଜେରିକୁ ଖୋଲାଯାଇଥିଲା ।

ସମ୍ପତ୍ତି ସବୁ ସରକାରଙ୍କୁ ହସ୍ତାନ୍ତର କରିବା ସମୟରେ ପ୍ରତ୍ୟେକ ଜିନିଷର ଫଟୋ ଉତ୍ତୋଳନ କରାଯାଇ ରଖାଯାଇଛି । ଜୟଲଳିତାଙ୍କ ସମ୍ପତ୍ତିର ହସ୍ତାନ୍ତର ପାଇଁ ସୁପ୍ରିମ କୋର୍ଟରେ ତାଙ୍କ ଝିଆରୀ ଆବେଦନ କରିଥିଲେ । କିନ୍ତୁ ଝିଆରୀଙ୍କ ଆବେଦନକୁ କୋର୍ଟ ପକ୍ଷରୁ ଖାରଜ କରିଦିଆଯାଇଥିଲା । ଏଥି ସହ ସମ୍ପତ୍ତି ସବୁକୁ ରାଜ୍ୟ ସରକାରଙ୍କୁ ଦେବା ଲାଗି ନିର୍ଦ୍ଦେଶ ଦେଇଥିଲେ ।