ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି: ଏଣିକି ଏତିକି ଟଙ୍କା ଉଠାଇ ପାରିବେ

ନୂଆଦିଲ୍ଲୀ,୨୪ା୨: ନ୍ୟୁ ଇଣ୍ଡିଆ ସମବାୟ ବ୍ୟାଙ୍କର ଗ୍ରାହକମାନେ ଏକ ବଡ଼ ଆଶ୍ୱସ୍ତି ପାଇଛନ୍ତି । ଆକାଉଣ୍ଟରୁ ୨୫ ହଜାର ଟଙ୍କା ଡ୍ର’ କରିବାକୁ ଆରବିଆଇ ଅନୁମତି ଦେଇଛି। ଗ୍ରାହକମାନେ ୨୭ରୁ ସେମାନଙ୍କର ଟଙ୍କା ଉଠାଇ ପାରିବେ । ବ୍ୟାଙ୍କର ୫୦ ପ୍ରତିଶତ ଗ୍ରାହକ ସେମାନଙ୍କର ୧୦୦ ପ୍ରତିଶତ ଜମା ଉଠାଇବାକୁ ସକ୍ଷମ ହେବେ। ଫେବୃଆରୀ ୧୩ରେ, ଆରବିଆଇ NICB ବ୍ୟାଙ୍କ ଉପରେ ପ୍ରତିବନ୍ଧକ ଲଗାଇଥିଲା।

ଏହି ନିଷେଧାଦେଶ ଲାଗୁ କରିବା ପରେ ଆରବିଆଇ ୧୨ ମାସ ପାଇଁ ବ୍ୟାଙ୍କର ନିର୍ଦ୍ଦେଶକ ବୋର୍ଡକୁ ବିଲୋପ କରିଛି। ବ୍ୟାଙ୍କ ବ୍ୟାଙ୍କର ପରିଚାଳନା ପାଇଁ ଆଡମିନିଷ୍ଟ୍ରେଟର ଭାବରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ)ର ପୂର୍ବତନ ମୁଖ୍ୟ ଜେନେରାଲ ମ୍ୟାନେଜର ଶ୍ରୀକାନ୍ତଙ୍କୁ ନିଯୁକ୍ତ କରାଯାଇଥିଲା।

ସୋମବାର  ଜାରି କରାଯାଇଥିବା ବିବୃତ୍ତିରେ କୁହାଯାଇଛି ଯେ, ଗ୍ରାହକମାନେ ବ୍ୟାଙ୍କ ଶାଖା କିମ୍ବା ଏଟିଏମରୁ ଟଙ୍କା ଉଠାଇ ପାରିବେ। ଏହି ବ୍ୟାଙ୍କର ମୋଟ ୨୮ଟି ଶାଖା ଅଛି, ଯେଉଁଥିରୁ ଅଧିକାଂଶ ଶାଖା ମୁମ୍ବାଇ ଅଞ୍ଚଳରେ ଅଛି।

ଫେବୃଆରୀ ୧୬ରେ, EOW ୧୨୨ କୋଟି ଟଙ୍କା ନ୍ୟୁ ଇଣ୍ଡିଆ ସମବାୟ ବ୍ୟାଙ୍କ ସ୍କାମ ମାମଲାରେ ଅନ୍ୟ ଜଣେ ଅଭିଯୁକ୍ତକୁ ଗିରଫ କରିଥିଲା। EOW ଦ୍ୱାରା ଗିରଫ ହୋଇଥିବା ଠିକାଦାରଙ୍କ ନାମ ଧର୍ମେଶ ପାଉନ୍ ବୋଲି ଜଣାପଡିଛି। ଇକୋନୋମିକ୍ ଅଫେନ୍ସ ୱିଙ୍ଗ ଅନୁଯାୟୀ, ଧର୍ମେନ୍ଦ୍ର ମେ ଏବଂ ଡିସେମ୍ବର ୨୦୨୪ରେ ୧.୭୫ କୋଟି ଏବଂ ଜାନୁଆରୀ ୨୦୨୫ରେ ମୁଖ୍ୟ ଅଭିଯୁକ୍ତ ଜେନେରାଲ ମ୍ୟାନେଜର ହିତେଶ ମେହେଟ୍ଟାଙ୍କଠାରୁ ୫୦ ଲକ୍ଷ ଟଙ୍କା ପାଇଥିଲେ। ଏହି ମାମଲାରେ ଦୀର୍ଘ ଦିନ ଧରି ପଚରାଉଚରା ପରେ ପୋଲିସ ହିତେଶ ମେହେଟ୍ଟାଙ୍କୁ ଗିରଫ କରିଥିଲା।