ବାର୍ଷିକ ଏତିକି ଟଙ୍କା ନିବେଶ କଲେ ପାଇବେ ୧,୦୩,୦୮,୦୧୫, ଜାଣନ୍ତୁ ହିସାବ

ନୂଆଦିଲ୍ଲୀ: ସରକାରୀ ନିବେଶ ଯୋଜନାରେ ପିପିଏଫ ଲୋକପ୍ରିୟ ସେଭିଙ୍ଗସ ସ୍କିମ । ଏହି ଲଙ୍ଗ ଟର୍ମ ପ୍ଲାନର ଆରମ୍ଭ ୧୯୬୮ରେ ହୋଇଥିଲା । ଏହାର ଉଦ୍ଦେଶ୍ୟ ନିବେଶକାରୀଙ୍କୁ ଆୟକର ଅଧିନିୟମ ୧୯୬୧ର ସେକ୍ସନ ୮୦ସି ଅନୁଯାୟୀ, ଟ୍ୟାକ୍ସ ବେନିଫିଟ ସହ ଗ୍ୟାରେଣ୍ଟି ରିଟର୍ଣ୍ଣ ପ୍ରଦାନ କରିବା ।

ଯେକୌଣସି ବ୍ୟକ୍ତି ପୋଷ୍ଟ ଅଫିସ ବା ବ୍ୟାଙ୍କରେ ୫୦୦ ଟଙ୍କାର ମିନିମମ ଇନଭେଷ୍ଟମେଣ୍ଟ ସହ ପିପିଏଫ ଆକାଉଣ୍ଟ ଖୋଲିପାରିବେ ।

ଯଦି ଆପଣ ଏହି ନିବେଶରେ ଦେଢ ଲକ୍ଷ ଟଙ୍କା ନିବେଶ କରୁଛନ୍ତି ତେବେ ୧୫ ବର୍ଷରେ ଆପଣ ୨୨.୫୦ ଲକ୍ଷର ନିବେଶ କରୁଛନ୍ତି । ଏହି ସମୟରେ ଏଥିରୁ ଆପଣଙ୍କୁ ୧୮ .୧୮ ଲକ୍ଷ ଟଙ୍କାର ସୁଧ ମିଳିବ ।

ଏହି ହିସାବରେ ମାଚ୍ୟୁରିଟି ଆମାଉଣ୍ଟ ୪୦,୬୮,୨୦୯ ଟଙ୍କା ହେବ । ନିବେଶକ ଏହା ଉପରେ ପାଞ୍ଚ ବର୍ଷର ଏକ୍ସଟେନ୍ସନ ନେଇପାରିବେ ଏବଂ ପୂର୍ବ ଭଳି ପ୍ରତି ବର୍ଷ ୧.୫୦ ଲକ୍ଷ ଟଙ୍କାର ଇନଭେଷ୍ଟମେଣ୍ଟ ଜାରି ରଖିପାରିବେ ।

୨୦ ବର୍ଷରେ ନିବେଶର ରାଶି ବଢି ୩୦,୦୦,୦୦୦ ଟଙ୍କା ହେବ ଏବଂ ଏହା ଉପରେ ୩୬,୫୮,୨୮୮ ଟଙ୍କାର ସୁଧ ମିଳିବ । ଏହି ଭଳି ମାଚ୍ୟୁରିଟି ଆମାଉଣ୍ଟ ହାରାହାରି ୬୬,୫୮,୨୮୮ ଟଙ୍କା ହେବ ।

ଏଠାରେ ନିବେଶକ ପାଞ୍ଚ ବର୍ଷର ଆଉ ଏକ ଏକ୍ସଟେନ୍ସନ ନେଇପାରିବେ । ଏଥିସହ ଆପଣ ବାର୍ଷିକ ଦେଢ ଲକ୍ଷ ଟଙ୍କାର ନିବେଶ ଜାରି ରଖିପାରିବେ ।

ଏହିଭଳି ଆପଣ ୨୫ ବର୍ଷରେ ନିବେଶ ରାଶି ୩୭.୫୦ ଲକ୍ଷ ରେ ସୁଧ ୬୫,୫୮,୦୧୫ ଟଙ୍କା ହେବ । ଏହା ସମୁଦାୟ ମିଶି ମାଚ୍ୟୁରିଟି ଆମାଉଣ୍ଟ ୧,୦୩,୦୮,୦୧୫ ଟଙ୍କା ହେବ ।