ସାବଧାନ୍ ! ଆପ୍ ହଟାଇବା ପରେ ମଧ୍ୟ ସେୟାର ହେଉଛି ଡାଟା, ଜାଣନ୍ତୁ କିପରି ବର୍ତ୍ତିବେ

ଗୁଗୁଲ୍ ପ୍ଲେ ଷ୍ଟୋର କିମ୍ବା ଆପଲ୍ ଆପ୍ ଷ୍ଟୋରରୁ କୌଣସି ଆପ୍ ଡାଉନଲୋଡ୍ କରିବା ପରେ, ଆପଗୁଡ଼ିକ ଆପଣଙ୍କର ମେସେଜ୍, ଯୋଗାଯୋଗ, ଗ୍ୟାଲେରୀ ଇତ୍ୟାଦି ସହିତ ଅନେକ ଅନୁମତି ମାଗିବା ଆରମ୍ଭ କରନ୍ତି । ଯେପର୍ଯ୍ୟନ୍ତ ଆପଣ ସେମାନଙ୍କୁ ଏହି ସମସ୍ତ ଅନୁମତି ନ ଦିଅନ୍ତି, ସେପର୍ଯ୍ୟନ୍ତ ଆପଗୁଡ଼ିକ କାମ କରନ୍ତି ନାହିଁ । ଆମେ ସମସ୍ତେ ଏହି ଆପ୍ସକୁ ଚଲାଇବା ପାଇଁ ଅନୁମତି ଦେଉଛୁ, କିନ୍ତୁ ଆପଣ କ’ଣ ଜାଣନ୍ତି ଯେ ଆପଣ ଫୋନରୁ ଏହି ଆପ୍ସକୁ ଡିଲିଟ୍ କିମ୍ବା ଅନଇନଷ୍ଟଲ୍ କରିବା ପରେ ମଧ୍ୟ ଏହି ଆପ୍ସ ଆପଣଙ୍କ ଡାଟାକୁ ସମ୍ପୂର୍ଣ୍ଣ ଆକ୍ସେସ୍ କରିପାରିବ?

ଆଜି ଆମେ ଆପଣଙ୍କୁ ବୁଝାଇବୁ ଯେ କେଉଁ ଆପ୍ ଆପଣଙ୍କ ଡାଟା ଡିଲିଟ୍ କରିବା ପରେ ମଧ୍ୟ ଏହାକୁ ଆକ୍ସେସ୍ କରୁଛି ଓ ତାହା ଆପଣ କିପରି ସହଜରେ ଜାଣିପାରିବେ? ଏହା ଏକ ପ୍ରକାରର ‘ଚୋରୀ’ ଯାହା ଆପ୍ ଅନଇନଷ୍ଟଲ୍ ହେବା ପରେ ମଧ୍ୟ ବନ୍ଦ ହୁଏ ନାହିଁ । ଆସନ୍ତୁ ଜାଣିବା ଯେ ଏହି ଆପ୍ଗୁଡ଼ିକୁ ଡାଟା ଆକ୍ସେସ୍ କରିବାରୁ କିପରି ବନ୍ଦ କରାଯାଇପାରିବ?

କିପରି ବର୍ତ୍ତିବେ ?
ପ୍ରଥମେ ମୋବାଇଲ୍ ଫୋନ୍ର ସେଟିଂସ ଖୋଲନ୍ତୁ, ଏହା ପରେ ଆପଣଙ୍କୁ ଗୁଗୁଲ୍ ଅପ୍ସନ୍ ଉପରେ କ୍ଲିକ୍ କରିବାକୁ ପଡିବ । ଗୁଗୁଲ୍ ଅପ୍ସନରେ କ୍ଲିକ୍ କରିବା ପରେ, ଆପଣଙ୍କୁ ‘ଅଲ୍ ସର୍ଭିସେସ୍’ ଉପରେ ଟ୍ୟାପ୍ କରିବାକୁ ପଡିବ, ଏହା ପରେ ଆପଣଙ୍କୁ କନେକ୍ଟଡ୍ ଆପ୍ସ ଅପ୍ସନରେ କ୍ଲିକ୍ କରିବାକୁ ପଡିବ ।

ଏହା ପରେ, ଆପଣ ସମସ୍ତ ଥାର୍ଡ ପାର୍ଟୀ ଆପ୍ସର ନାମ ଜାଣିପାରିବେ ଯାହା ସହିତ ଆପଣ ଡାଟା ସେୟାର କରିଛନ୍ତି, ଏହି ତାଲିକାରେ ଆପଣ ସେହି ଆପ୍ସର ନାମ ମଧ୍ୟ ଦେଖିବେ ଯାହାକୁ ଆପଣ ଫୋନରୁ ଅନଇନଷ୍ଟଲ୍ କରିଛନ୍ତି ।

ଫୋନରୁ ଆପ୍ କିପରି ଡିଲିଟ କରିବେ
ଆପଣଙ୍କୁ Delete All Connections ଉପରେ କ୍ଲିକ୍ କରିବାକୁ ପଡିବ, ଏହା ପରେ ପରବର୍ତ୍ତୀ ପଦକ୍ଷେପରେ ଆପଣଙ୍କୁ Confirm ଉପରେ ଟ୍ୟାପ୍ କରିବାକୁ ପଡିବ । ଆପଣ ଫୋନରୁ ହଟାଇଥିବା ସମସ୍ତ ଆପ୍ ପାଇଁ ଆପଣଙ୍କୁ ଏହି ପ୍ରକ୍ରିୟାକୁ ଗୋଟିଏ ପରେ ଗୋଟିଏ ଅନୁସରଣ କରିବାକୁ ପଡିବ ।