ବିବାହ କରିବାକୁ ପହଞ୍ଚିଥିଲେ ଯୁବକ, କନ୍ୟାର ଓଢ଼ଣୀ ଟେକି ଯାହା ଦେଖିଲେ ହୋଇଗଲେ ହତବାକ୍, ଆଉ ତା’ ପରେ…

ଲକ୍ଷ୍ନୌ,୧୯ା୪: ଉତ୍ତରପ୍ରଦେଶର ମିରଟରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଜଣେ ଯୁବକଙ୍କର ଜଣେ ୨୧ ବର୍ଷୀୟା ଯୁବତୀ ସହିତ ବିବାହ ସ୍ଥିର ହୋଇଥିଲା । ମାତ୍ର ବିବାହ ସମୟରେ ଓଢ଼ଣୀ ଟେକି ଯାହା ଦେଖିଲେ ସେ ହତବାକ୍ ହୋଇଗଲେ । ଜାଣନ୍ତୁ ପୂରା ମାମଲା…

ଯେତେବେଳେ ଯୁବକ ଜଣକ  ବିବାହ କରିବାକୁ ଗଲେ, ସେ ତାଙ୍କର ୪୫ ବର୍ଷୀୟା ବିଧବା ଶାଶୁଙ୍କୁ ଦେଖିଥିଲେ। ଏହି ମାମଲାରେ, ଯୁବକ ଜଣକ ତାଙ୍କ ଭାଇ ଏବଂ ଭାଉଜଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି ଏବଂ କହିଛନ୍ତି ଏହି ଲୋକମାନେ ମିଶି ତାଙ୍କୁ ପ୍ରତାରଣା କରି ଜଣେ ବିଧବା ମହିଳାଙ୍କ ସହିତ ବିବାହ କରାଇ ଦେଇଛନ୍ତି। କେବଳ ଏତିକି ନୁହେଁ, ପ୍ରତିବାଦ କଲେ ତାଙ୍କୁ ମିଥ୍ୟା ଅଭିଯୋଗରେ ଫସାଇ ଦିଆଯିବ ବୋଲି ମଧ୍ୟ ଧମକ ଦିଆଯାଇଥିଲା।

ପ୍ରକୃତରେ ଗତ ସପ୍ତାହରେ ମିରଟର ବ୍ରହ୍ମପୁରୀ ଅଞ୍ଚଳର ବାସିନ୍ଦା ୨୨ ବର୍ଷୀୟ ମହମ୍ମଦ ଅଜିମ ଯେତେବେଳେ ବିବାହ ପାଇଁ ପହଞ୍ଚିଥିଲେ, ସେ ଭାବିଥିଲେ ଯେ ସେ ଜଣେ ୨୧ ବର୍ଷୀୟ ଝିଅକୁ ବିବାହ କରିବାକୁ ଯାଉଛନ୍ତି, କିନ୍ତୁ ଯେତେବେଳେ ସେ କନ୍ୟାର ଓଢ଼ଣୀ ଉଠାଇଲେ, ସେ ଜଣେ ୪୫ ବର୍ଷୀୟ ବିଧବା ମହିଳାଙ୍କୁ ଦେଖି ଆଶ୍ଚର୍ଯ୍ୟ ହୋଇଗଲେ। ଜଣାପଡିଲା ଯେ ସେ ସେହି ଝିଅର ମାଆ ଯାହାଙ୍କ ସହିତ ତାଙ୍କ ବିବାହ ସ୍ଥିର ହୋଇଥିଲା।

ଆଜିମ ପୋଲିସକୁ କହିଥିଲେ ଯେ, ତାଙ୍କ ବାପାମାଆଙ୍କ ମୃତ୍ୟୁ ହୋଇସାରିଛି ଏବଂ ସେ ତାଙ୍କ ଭାଇ ଏବଂ ଭାଉଜଙ୍କ ସହିତ ତାଙ୍କ ପୈତୃକ ଘରେ ରହୁଥିଲେ। ମାର୍ଚ୍ଚ ୩୧ ତାରିଖରେ, ତାଙ୍କ ବଡ଼ ଭାଇ ନଦୀମ ଏବଂ ଭାଉଜ ଶୈଦା ତାଙ୍କୁ ପ୍ରତିଶ୍ରୁତି ଦେଇଥିଲେ ଯେ ତାଙ୍କର ବିବାହ ଶୈଦାଙ୍କ ୨୧ ବର୍ଷୀୟା ଭାଣିଜୀ ମନତାଶାଙ୍କ ସହିତ ସ୍ଥିର ହୋଇଛି, ଯିଏ କି କଙ୍କାରଖେଡାର ଫଜଲପୁରର ବାସିନ୍ଦା। ଆଜିମଙ୍କ ଅନୁସାରେ, ଯେତେବେଳେ ସେମାନେ ବିବାହ ପାଇଁ ପହଞ୍ଚିଲେ, ମୌଲବୀ କନ୍ୟାର ନାମ ତାହିରା ରଖିଥିଲେ, ଯିଏ ମନ୍ତଶାଙ୍କ ମା’। ସେ ଏହା ବିଷୟରେ ସନ୍ଦେହ କଲେ ଏବଂ ଯେତେବେଳେ ସେ କନ୍ୟାର ଓଢ଼ଣୀ ଉଠାଇଲେ, ସେ ଦେଖିଲେ ଯେ ଏହା ପ୍ରକୃତରେ ମନତାଶାଙ୍କ ମା, ତାହିରା। “ଏହା ଦେଖି ସେ ଆଶ୍ଚର୍ଯ୍ୟ ହୋଇଗଲେ,” ଆଜିମ କହିଥିଲେ।

ଆଜିମ କହିଛନ୍ତି  ବିବାହ ଚୁକ୍ତିନାମାରେ ତାଙ୍କ ଦସ୍ତଖତ ନିଆଯାଇଛି । ଯେତେବେଳେ ସେ ଏହାର ପ୍ରତିବାଦ କଲେ ଏବଂ କନ୍ୟାକୁ ତାଙ୍କ ଘରକୁ ନେବାକୁ ମନା କଲେ, ତାଙ୍କ ଭାଇ ଏବଂ ଭାଉଜ ତାଙ୍କୁ ମିଥ୍ୟା ବଳାତ୍କାର ମାମଲାରେ ଫସାଇ ଦେବାକୁ ଧମକ ଦେଲେ। ତଥାପି, ଅଜିମ ବିବାହ ନକରି ନିଜ ଘରକୁ ଫେରି ଆସିଲେ ଏବଂ ପୋଲିସରେ ଅଭିଯୋଗ କରିବା ପାଇଁ ମିରଟ ଏସଏସପି କାର୍ଯ୍ୟାଳୟରେ ପହଞ୍ଚିଲେ।

ଏହି ମାମଲା ସମ୍ପର୍କରେ, ଏସଏସପି  ଡକ୍ଟର ବିପିନ ତାଡା କହିଛନ୍ତି, “ଏହି ମାମଲା ସମ୍ପର୍କରେ ଏକ ଅଭିଯୋଗ ଦାଖଲ କରାଯାଇଛି। ଏହାର ପୁଙ୍ଖାନୁପୁଙ୍ଖ ତଦନ୍ତ କରାଯିବ ଏବଂ ତଥ୍ୟ ଆଧାରରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।” ବର୍ତ୍ତମାନ ପୋଲିସ ଏହି ମାମଲାର ତଦନ୍ତ କରୁଛି।