ପାଞ୍ଚ ବର୍ଷରେ KIA ମୋଟର୍ସରୁ୯୪୦ ଇଞ୍ଜିନ୍ ଚୋରି, ୯ ଅଭିଯୁକ୍ତଙ୍କୁ ବାନ୍ଧିଛି ପୋଲିସ
କାରର ଇଞ୍ଜିନ ଗତ ପାଞ୍ଚ ବର୍ଷ ଧରି ଚୋରି ହୋଇ ଆସୁଥିଲା। ଚୋରି ହୋଇଥିବା ଇଞ୍ଜିନଗୁଡ଼ିକୁ ଭାରତର ବିଭିନ୍ନ ରାଜ୍ୟରେ ଚୋରା ଚାଲାଣ ଏବଂ ବିକ୍ରି କରାଯାଇଥିଲା।
ଆନ୍ଧ୍ରପ୍ରଦେଶ: ମାତିଛନ୍ତି ଲୁଟେରା। ଶେଷରେ କାର ସୋରୁମରୁ ଲୁଟ୍। ଏଥର ଟଙ୍କା, ସୁନା, ଗହଣା ନୁହେଁ ଏଥର ଚୋରି ହୋଇଛି କାର ଇଞ୍ଜିନ୍। ସେ ପୁଣି ଗୋଟେ କି ଦୁଇଟା ନୁହେଁ ପୁରାପୁରି ୯୪୦ ଇଞ୍ଜିନ୍ ହୋଇଛି ଚୋରି।
ଆନ୍ଧ୍ରପ୍ରଦେଶର ଶ୍ରୀ ସତ୍ୟସାଇ ଜିଲ୍ଲାରେ ଥିବା ଦକ୍ଷିଣ କୋରିଆର କମ୍ପାନୀ କିଆ ମୋଟର୍ସର ପେନୁକୋଣ୍ଡା ପ୍ଲାଣ୍ଟରୁ ପ୍ରାୟ ୯୪୦ କାର ଇଞ୍ଜିନ ଚୋରି ହୋଇଥିଲା। ଏହି ଘଟଣାରେ ପୋଲିସ ୯ ଜଣ ଅଭିଯୁକ୍ତଙ୍କୁ ଗିରଫ କରିଛି।
ପୋଲିସ କହିଛି ଯେ ରବିବାର ପେନୁକୋଣ୍ଡା କୋର୍ଟ ଅଭିଯୁକ୍ତକୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି। କାର ଇଞ୍ଜିନ ଚୋରି ମାମଲାରେ ପୋଲିସ ତଦନ୍ତ ଜାରି ରହିଛି। ଏପର୍ଯ୍ୟନ୍ତ ମାତ୍ର ୧୦ ପ୍ରତିଶତ ତଦନ୍ତ ସମ୍ପୂର୍ଣ୍ଣ ହୋଇଛି। ଏଥିରେ କିଏ ସମସ୍ତ ସମ୍ପୃକ୍ତ ତାହା ତଦନ୍ତ କରାଯାଉଛି।
ଗତ ପାଞ୍ଚ ବର୍ଷ ଧରି ଇଞ୍ଜିନଗୁଡ଼ିକ ଚୋରି ହେଉଥିଲା: ପୋଲିସ କହିଛି ଯେ କାରର ଇଞ୍ଜିନ ଗତ ପାଞ୍ଚ ବର୍ଷ ଧରି ଚୋରି ହୋଇ ଆସୁଥିଲା। ଚୋରି ହୋଇଥିବା ଇଞ୍ଜିନଗୁଡ଼ିକୁ ଭାରତର ବିଭିନ୍ନ ରାଜ୍ୟରେ ଚୋରା ଚାଲାଣ ଏବଂ ବିକ୍ରି କରାଯାଇଥିଲା।
ଏଥିପାଇଁ ଏକ ବଡ଼ ଅବୈଧ ନେଟୱାର୍କ କାର୍ଯ୍ୟ କରୁଛି। ଗତ ମାସରେ ଏକ ଆଭ୍ୟନ୍ତରୀଣ ଅଡିଟ୍ ସମୟରେ, କିଆ ଅଧିକାରୀମାନେ ଲକ୍ଷ୍ୟ କରିଥିଲେ ଯେ କାରଗୁଡ଼ିକର ଇଞ୍ଜିନ ନାହିଁ।
କମ୍ପାନୀ ମାର୍ଚ୍ଚ ୧୯ ତାରିଖରେ ପୋଲିସରେ ଅଭିଯୋଗ କରିଥିଲା। ଶ୍ରୀ ସତ୍ୟସାଇ ଜିଲ୍ଲାର ପେନୁକୋଣ୍ଡାରେ କିଆ କମ୍ପାନୀର ଏକ କାର୍ ନିର୍ମାଣ କାରଖାନା ଅଛି।
ପୂର୍ବରୁ, ପୋଲିସ ଅଧିକାରୀ ଭେଙ୍କଟେଶ୍ୱରଲୁ କହିଥିଲେ ଯେ ୨୦୨୦ ମସିହାରୁ ଇଞ୍ଜିନଗୁଡ଼ିକ ଚୋରି ହେଉଛି। ଇଞ୍ଜିନଗୁଡ଼ିକ ପ୍ଲାଣ୍ଟ ଭିତରୁ କିମ୍ବା ସେଠାକୁ ଯିବା ବାଟରେ ଚୋରି ହୋଇଥିବ, କାରଣ କମ୍ପାନୀର ଅନୁମତି ବିନା ଏହାର ଏକ ଛୋଟ ଅଂଶ ମଧ୍ୟ ବାହାରକୁ ଯାଇପାରିବ ନାହିଁ। ଯାହାର ଏବେବି ତଦନ୍ତ ଚଳାଇଛି ପୋଲିସ।