ପହଲଗାମ ଆତଙ୍କୀ ହମଲା, ବନ୍ଦ ହୋଇଯିବ ଭାରତ-ପାକିସ୍ତାନ ମ୍ୟାଚ୍ !
"ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ କ୍ରିକେଟକୁ ସବୁଦିନ ପାଇଁ ବନ୍ଦ କରିବାକୁ ବିସିସିଆଇକୁ ଅନୁରୋଧ"।
ନୂଆଦିଲ୍ଲୀ: କାଶ୍ମୀର ଉପତ୍ୟକାରେ ପର୍ଯ୍ୟଟକଙ୍କ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ଅନକେ ପର୍ଯ୍ୟଟକଙ୍କ ମୃତ୍ୟୁ ହୋଇଛି। ଆଉ ଏହି ଆତଙ୍କୀ ଆକ୍ରମଣ ପରେ ପୁରା ଦେଶ ସ୍ତବ୍ଧ ହୋଇ ପଡିଛି।
ଯାହା ଉପରେ ଅନେକ ପ୍ରତିକ୍ରିୟା ସାମ୍ନାକୁ ଆସିଛି। ଆଉ ଏହାରି ଭିତରେ ଏକ ବଡ଼ କଥା ହେଉଛି ପାକିସ୍ତାନ ସହ ଭାରତର ଆଉ କୌଣସି ମ୍ୟାଚ୍ ନ ଖେଳାଯିବା ନେଇ BCCIକୁ ଅନୁରୋଧ କରାଯାଇଛି।
ଭାରତ-ପାକିସ୍ତାନ ମ୍ୟାଚ୍: BCCIକୁ ଆଉ କେହି ନୁହେଁ ବରଂ ଜଣେ ଆଗଧାଡିର ଖେଳାଳୀ, ପୂର୍ବତନ ଭାରତୀୟ ୱିକେଟକିପର-ବ୍ୟାଟର ଶ୍ରୀବତ୍ସ ଗୋସ୍ୱାମୀ ଏହି ଘୃଣ୍ୟ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ କ୍ରିକେଟକୁ ସବୁଦିନ ପାଇଁ ବନ୍ଦ କରିବାକୁ ବିସିସିଆଇକୁ ଅନୁରୋଧ କରିଛନ୍ତି।
ତାଙ୍କ X ଆକାଉଣ୍ଟରେ ଏକ ହୃଦୟସ୍ପର୍ଶୀ ପୋଷ୍ଟରେ, ଶ୍ରୀବତ୍ସ ଗୋସ୍ୱାମୀ ସେହି ଲୋକମାନଙ୍କୁ ଭର୍ତ୍ସନା କରିଛନ୍ତି। ଯେଉଁମାନେ କହିଥିଲେ ଯେ ଖେଳ ରାଜନୀତିରୁ ଉର୍ଦ୍ଧ୍ୱକୁ ଉଠିବା ଉଚିତ। ଯେତେବେଳେ ଭାରତ ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ପାକିସ୍ତାନ ଯାତ୍ରା କରିବାକୁ ମନା କରିଥିଲା।
ସେ ଆହୁରି ମଧ୍ୟ କହିଥିଲେ ଯେ ଏହା ସଂକଳ୍ପ ଏବଂ ମର୍ଯ୍ୟାଦାର ସହିତ ପ୍ରତିଶୋଧ ନେବାର ସମୟ ଆସିଛି। “ଏବଂ ମୁଁ ଠିକ୍ ଏହି କାରଣରୁ କହୁଛି – ତୁମେ ପାକିସ୍ତାନ ସହିତ କ୍ରିକେଟ୍ ଖେଳ ନାହିଁ। ଏବେ ନୁହେଁ କି କେବେ ନୁହେଁ।
ଶୂନ୍ୟ ସହନଶୀଳତା: ସେ ଆହୁରି ମଧ୍ୟ କହିଛନ୍ତି, ଯେତେବେଳେ ବିସିସିଆଇ କିମ୍ବା ସରକାର ପାକିସ୍ତାନରେ ଚାମ୍ପିଅନ୍ସ ଟ୍ରଫିକୁ ଭାରତକୁ ପଠାଇବାକୁ ମନା କରିଦେଲେ, ସେତେବେଳେ କିଛି ଲୋକ କହିବାର ସୁଯୋଗ ପାଇଲେ।
ଏବଂ କହିବାକୁ ଲାଗିଲେ ଖେଳକୁ ରାଜନୀତି ଭିତରେ ନପଶାଇବା ଭଲ। ଖେଳକୁ ରାଜନୀତିଠୁ ଉପରକୁ ଉଠିବା ଉଚିତ୍। କିନ୍ତୁ ବାସ୍ତବରେ ଏବେ ଯେଉଁ ଘଟଣା ଘଟିଲା, ସେଥିରେ ମୁ ନିଜେ ପୁରା ସ୍ତବ୍ଧ ପାଲଟିଯାଇଛି।
ନିର୍ଦ୍ଦୋଷ ନାଗରିକଙ୍କୁ ହତ୍ୟା କରିବା ପାକିସ୍ତାନର ଜାତୀୟ ଖେଳ ପରି ମନେହେଉଛି। ଏବଂ ଯଦି ସେମାନେ ସେହିପରି ଖେଳନ୍ତି, ତେବେ ଆମେ ଏପରି ଭାଷାରେ ଜବାବ ଦେବାର ସମୟ ଆସିଛି ଯାହାକୁ ସେମାନେ ପ୍ରକୃତରେ ବୁଝନ୍ତି। ବ୍ୟାଟ୍ ଏବଂ ବଲ୍ ସହିତ ନୁହେଁ। ବରଂ ଦୃଢ଼ ସଂକଳ୍ପ ସହିତ। ମର୍ଯ୍ୟାଦାର ସହିତ। ଶୂନ୍ୟ ସହନଶୀଳତା ସହିତ,” ସେ କହିଥିଲେ।