୩୫% ବୃଦ୍ଧି ପାଇଲା ସୁନା ବିକ୍ରି, ଅଧିକ ଦର ସୁଦ୍ଧା ଅକ୍ଷୟ ତୃତୀୟାରେ ଦମଦାର ରୋଜଗାର
ଅକ୍ଷୟ ତୃତୟାରେ ୩୫% ବୃଦ୍ଧି ପାଇଲା ସୁନା ବିକ୍ରି
ନୂଆଦିଲ୍ଲୀ: ବୁଧବାର ଅକ୍ଷୟ ତୃତୀୟାର ଶୁଭ ଅବସରରେ ଭାରତରେ ସୁନା ଓ ରୂପା କ୍ରୟ ବହୁ ପରିମାଣରେ ବୃଦ୍ଧି ପାଇଛି। ବିଶେଷ କଥା ହେଉଛି ସୁନା ଓ ରୂପା ମୂଲ୍ୟ ଅଧିକ ହୋଇଥିଲେ ମଧ୍ୟ ସପିଂ ପ୍ରତି ଲୋକଙ୍କ ମଧ୍ୟରେ ଅତୁଳନୀୟ ଆକର୍ଷଣ ଥିଲା।
ଅଳଙ୍କାର ବିକ୍ରେତାମାନଙ୍କର ଏକ ସଂଗଠନ ଅଲ ଇଣ୍ଡିଆ ରତ୍ନ ଏବଂ ଅଳଙ୍କାର ଘରୋଇ ପରିଷଦ ଆକଳନ କରିଛି ଯେ, ଚଳିତ ବର୍ଷ ସୁନା ବିକ୍ରି ଗତ ବର୍ଷ ତୁଳନାରେ 35 ପ୍ରତିଶତ ଅଭିବୃଦ୍ଧି ହେଇଛି।
ଦିନର ପ୍ରଥମାର୍ଦ୍ଧରେ ଦକ୍ଷିଣ ଭାରତରେ ଗ୍ରାହକଙ୍କ ସଂଖ୍ୟା ଅଧିକ ଥିଲା ଏବଂ ସନ୍ଧ୍ୟାରେ ମହାରାଷ୍ଟ୍ର ଏବଂ ଉତ୍ତର ପ୍ରଦେଶରେ ମଧ୍ୟ ସପିଂ ବୃଦ୍ଧି ପାଇଥିଲା।
ବୁଧବାର ଦିଲ୍ଲୀରେ ସୁନା 10 ଗ୍ରାମ ପିଛା 98,550 ଟଙ୍କା (ଟ୍ୟାକ୍ସ ସମେତ) ଥିବାବେଳେ ଗତ ବର୍ଷ ଏହି ଉତ୍ସବରେ ଏହା 72,300 ଟଙ୍କା ଥିଲା।
ଜିଜେସି ଅଧ୍ୟକ୍ଷ ରାଜେଶ ରୋକଡେ କହିଛନ୍ତି ଯେ, ଅଧିକ ମୂଲ୍ୟରେ ସୁନା କିଣିବାକୁ ଦ୍ୱିଧାବୋଧ କରୁଥିବା ଗ୍ରାହକମାନେ ବର୍ତ୍ତମାନ କ୍ରୟ କରୁଛନ୍ତି କାରଣ ଏକ ଉଚ୍ଚ ସ୍ତରକୁ ଆସିବା ପରେ ମୂଲ୍ୟ ପ୍ରାୟ ସ୍ଥିର ହୋଇ ରହିଛି।