ମେଘାଳୟ ଘଟଣାର ପୁନରାବୃତ୍ତି, ସ୍ୱାମୀକୁ ମାରିବାକୁ ନୂଆ ପ୍ଲାନ

ରାଞ୍ଚି: ମେଘାଳୟ ଘଟଣାର ପରି ଆଉ ଏକ ଘଟଣା। ଏହି ଘଟଣା ଦେଖିବାକୁ ମିଳିଛି ରାଞ୍ଚିରେ। ଜଣେ 22 ବର୍ଷୀୟା ମହିଳାଙ୍କୁ ବିବାହର ମାତ୍ର 36 ଦିନ ପରେ, ତାଙ୍କ ସ୍ୱାମୀଙ୍କୁ ବିଷ ଦେବା ଅଭିଯୋଗରେ ଗିରଫ କରାଯାଇଛି।

ସ୍ୱାମୀଙ୍କ ପ୍ରତି ଘୃଣାଭାବ: ରାଞ୍ଚିର ବାହୋକୁଣ୍ଡ ଗାଁର ବାସିନ୍ଦା ବୁଦ୍ଧନାଥ ସିଂହ ଚଳିତ ବର୍ଷ ମେ 11 ତାରିଖରେ ସୁନୀତାଙ୍କୁ ବିବାହ କରିଥିଲେ। କିନ୍ତୁ, ବିବାହ ପରଦିନ ଠାରୁ ସୁନୀତା ତାଙ୍କ ସ୍ୱାମୀଙ୍କୁ ଘୃଣା କରିବାକୁ ଲାଗିଲେ ଏବଂ ତାଙ୍କ ସହିତ ରହିବାକୁ ମନା କରିଦେଲେ। ଯାହାଫଳରେ ସେମାନଙ୍କ ମଧ୍ୟରେ ସମସ୍ୟା ଆରମ୍ଭ ହୋଇଗଲା।

ଝଗଡା ଯେତେବେଳେ ଅତିରିକ୍ତ ବଢ଼ିବାରେ ଲାଗିଲା, ପରିବାର ଲୋକେ ହସ୍ତକ୍ଷେପ କଲେ ଏବଂ ଜୁନ 5 ତାରିଖରେ ଏକ ଗ୍ରାମ ପଞ୍ଚାୟତ ବସିଲା। କିନ୍ତୁ କୌଣସି ସମାଧାନ ହେଲାନି।

ଖାଦ୍ୟରେ କୀଟନାଶକ ମିଶାଇ ମାରିଦେଲା: ଜୁନ୍ 14 ତାରିଖରେ ସୁନିତା ବୁଦ୍ଧନାଥଙ୍କୁ ଚାଷ ପାଇଁ ବ୍ୟବହାର କରାଯିବ ବୋଲି କହି ରାମାନୁଜଗଞ୍ଜ ବଜାରରୁ କୀଟନାଶକ କିଣିବାକୁ ରାଜି କରାଇଥିଲେ। ଜୁନ୍ 15 ରାତିରେ ସୁନିତା ତାଙ୍କ ସ୍ୱାମୀଙ୍କ ଖାଦ୍ୟରେ କୀଟନାଶକ ମିଶାଇ ତାଙ୍କୁ ଖାଇବାକୁ ଦେଇଥିଲେ। ଫଳରେ ତା ପରଦିନ ସକାଳେ ପରିବାର ଲୋକେ ବୁଦ୍ଧନାଥଙ୍କୁ ମୃତ ଅବସ୍ଥାରେ ପାଇଥିଲେ।

ପୋଲିସର ତଦନ୍ତ: ଏହି ଘଟଣାକୁ ନେଇ ପୀଡିତାଙ୍କ ମାଆ ରାଜମତୀ ଦେବୀ ତାଙ୍କ ବୋହୂଙ୍କ ବିରୋଧରେ ଅଭିଯୋଗ ଦାଖଲ କରିବା ପରେ ରାଙ୍କା ପୋଲିସ ତଦନ୍ତ ଆରମ୍ଭ କରିଛି, ଏବଂ ମୃତ୍ୟୁର ସଠିକ୍ କାରଣ ନିଶ୍ଚିତ କରିବା ପାଇଁ ବୁଦ୍ଧନାଥଙ୍କ ମୃତଦେହକୁ ପୋଷ୍ଟମର୍ଟମ୍ ପାଇଁ ପଠାଇଛି। ତା ସହିତ ଅଭିଯୁକ୍ତ ସୁନୀତାଙ୍କୁ ସୋମବାର ସନ୍ଧ୍ୟାରେ ନ୍ୟାୟିକ ହେପାଜତକୁ ନିଆଯାଇଛି।