ମିଛ ପ୍ରମାଣ ପତ୍ର କରି ସରକାରଙ୍କୁ ଠକୁଥିଲା ପ୍ରେମିକା, ପୋଲ୍ ଖୋଲିଦେଲା ପ୍ରେମିକ

ଉତ୍ତରପ୍ରଦେଶ: ପ୍ରେମିକା ରଚିଥିଲା ବଡ଼ ଷଡ଼ଯନ୍ତ୍ର। ସରକାରଙ୍କୁ ଲଗାଉଥିଲା ଚୂନା। ହେଲେ ପ୍ରେମିକ ଖୋଲିଦେଲା ପ୍ରେମିକାର କଳା ଚିଠା। ତାପରେ ସାମ୍ନାକୁ ଆସିଲା ସବୁ ସତ।

ଲୋକ ଗୋଟିଏ ହେଲେ ଭିନ୍ନ ଭିନ୍ନ ଜାତିର ୩ଟି ପ୍ରମାଣ ପତ୍ର ତିଆରି କରିଥିଲା ପ୍ରେମିକା। କେବଲ ସେତିକି ନୁହେଁ ଭିନ୍ନ ଭିନ୍ନ  ପ୍ରମାଣ ପତ୍ର ଦେକାଇ ସରକାରଙ୍କ ବିଭିନ୍ନ ପ୍ରକାର ସ୍କିମର ମଧ୍ୟ ଫାଇଦା ଉଠାଉଥିଲା। ଯାହା ଜାଣିବା ପରେ ସୋସିଆଲ ମିଡିଆରେ ଭିଡ଼ିଓ କରି ପୋଲ ଖୋଲିଦେଲା ପ୍ରେମିକ।

ପ୍ରେମିକାର ପୋଲ୍ ଖୋଲିଲା ପ୍ରେମିକ: ଘଟଣାଟି ହେଉଛି ଉତ୍ତରପ୍ରଦେଶର ବଦାୟୁଁର।  ପ୍ରେମିକା ସରକାରଙ୍କୁ ଭିନ୍ନ ଭିନ୍ନ ପ୍ରମାଣ ପତ୍ର ଦେଖାଇ ଠକୁଥିଲା। ଏହା ଜାଣିବା ପରେ ବୟଫ୍ରେଣ୍ଡସ ଜଣକ ରାଗିଯାଇଥିଲା.

ଯେତେବେଳେ ପ୍ରେମିକ ଏହା ଜାଣିଲା, ସେ ଏହାକୁ ବିରୋଧ କଲା। ଉଭୟଙ୍କ ମଧ୍ୟରେ ପୁଣି ଝଗଡ଼ା ହେଲା। କ୍ରୋଧିତ ପ୍ରେମିକ ସୋସିଆଲ ମିଡିଆରେ ପ୍ରେମିକାର ଖେଳର ପର୍ଦ୍ଦାଫାସ କଲା। ପ୍ରକୃତରେ ଝିଅଟି ବିଡିଓ ଚାକିରି ପାଇବା ପାଇଁ ଭିନ୍ନ ଭିନ୍ନ ଜାତିର ତିନୋଟି ପ୍ରମାଣପତ୍ର ତିଆରି କରିଥିଲା।

ସାମ୍ନାକୁ ଆସିଲା ଘଟଣା: ଏହି ମାମଲା ଉସିହାଟ ତହସିଲର ନରପତ ନାଗଲା ଗାଁର। ଏଠାରେ ରହୁଥିବା ଯୁବତୀ ପ୍ରୀତି ବିଡିଓ ଚାକିରି ପାଇଁ ଆବେଦନ କରିଥିଲେ।

କିନ୍ତୁ ତାଙ୍କ ପୂର୍ବତନ ପ୍ରେମିକ ସତ୍ୟ ପ୍ରକାଶ କରି ଉସାୱାନ ଥାନାରେ ଏଫଆଇଆର ଦାୟର କରିବା ପରେ ଘଟଣାଟି ସାମ୍ନାକୁ ଆସିଲା। ଏବେ ପ୍ରଶ୍ନ ଉଠୁଛି ଯେ ସେହି ବ୍ୟକ୍ତି କିପରି ବିଭିନ୍ନ ବର୍ଗର ପ୍ରମାଣପତ୍ର ପାଇଲେ? ତହସିଲ ସ୍ତରରେ କଣ ତଦନ୍ତ ବିନା ଜାତି ପ୍ରମାଣପତ୍ର ପ୍ରଦାନ କରାଯାଏ?

ଯୁବତୀଙ୍କ କାର୍ନାମା: ଯୁବତୀଙ୍କ ପ୍ରେମିକ ପ୍ରମୋଦ ଅଭିଯୋଗ କରିଛନ୍ତି ଯେ ପ୍ରୀତି ନାମକ ଜଣେ ଝିଅ ତାଙ୍କ ଜାତି ପରିବର୍ତ୍ତନ କରି ତାଙ୍କୁ ପ୍ରେମ ଜାଲରେ ଫସାଇ ଦେଇଛି।

ଝିଅଟି ପ୍ରକୃତରେ ଖାଟିକ୍ ଜାତିର। ଯେତେବେଳେ ପୁଅଟି ପଚାରିଲା ଯେ ସେ ତାଙ୍କଠାରୁ କାହିଁକି ଅସଲ ପରିଚୟ ଲୁଚାଇଥିଲେ, ସେତେବେଲେ ଝିଅଟି ପାଖରେ ଥିବା ତିନୋଟି ଭିନ୍ନ ଜାତିର ପ୍ରମାଣପତ୍ର ଦେଖାଇଲା।

ଯାହା ମଧ୍ୟରୁ ଗୋଟିଏ ଖାଟିକ୍, ଦ୍ୱିତୀୟ ଯାଦବ ଏବଂ ତୃତୀୟ ଜାତଭ ଜାତି ଆଧାରରେ ତିଆରି କରାଯାଇଥିଲା। ଯୁବତୀଟି ଏହା ମଧ୍ୟ କହିଲା ଯେ ସେ ସରକାରୀ ଯୋଜନାର ଲାଭ ଉଠାଇବା ପାଇଁ ଏହି ପ୍ରମାଣପତ୍ର ତିଆରି କରିଥିଲେ ଏବଂ ସେ ଅନେକ ଯୋଜନାର ଲାଭ ମଧ୍ୟ ଉଠାଇଛନ୍ତି।

ଯାହାକୁ ସମର୍ଥନ କରିନଥିଲା ପ୍ରେମିକ ଜଣକ. ଏବଂ ଏହା ଅପରାଧ ବୋଲି କହି ଯୁବତୀଙ୍କୁ ଗାଲି ଗୁଲଜ କରିଥିଲେ। ଏଥିରେ ଯୁବତୀ ଜଣକ ତାଙ୍କୁ ଛାଡ଼ି ଚାଲିଯାଇଥିଲେ। ଏବଂ ସେହି ଗାଁର ଅନିଲ ବୋଲି ଆଉ ଜଣେ ଯୁବକଙ୍କ ସହ ରହିବା ଆରମ୍ଭ କଲେ।

ମିଛ ମାମଲା: ପ୍ରମୋଦ କୁମାର ଅଭିଯୋଗ କରିଛନ୍ତି ଯେ ପ୍ରୀତି ସୁଧୀର କୁମାର, ଶାଳକ ପପ୍ପୁ ରାଠୋର ଏବଂ ମୁନ୍ନା ଲାଲ, ଅଶୋକ ବର୍ମାଙ୍କ ବିରୋଧରେ ମିଥ୍ୟା ବଳାତ୍କାର ମାମଲା ରୁଜୁ କରିଛନ୍ତି।

ପ୍ରମୋଦ ଆହୁରି କହିଛନ୍ତି ଯେ କିଛି ମାମଲାରେ ପୋଲିସ ଚୂଡ଼ାନ୍ତ ରିପୋର୍ଟ ଦାଖଲ କରିଛି, କିନ୍ତୁ କିଛି ଏବେ ବି ବିଚାରାଧୀନ ଅଛି। ପ୍ରୀତିର ପୂର୍ବତନ ପ୍ରେମିକ ପ୍ରମୋଦ କୁମାରଙ୍କ ଅନୁଯାୟୀ, ଯେତେବେଳେ ସେ ନକଲି ଜାତି ଆଧାରରେ ତିଆରି ପ୍ରମାଣପତ୍ର ଉପରେ କାର୍ଯ୍ୟାନୁଷ୍ଠାନ ନେବା କଥା କହିଥିଲେ, ସେତେବେଳେ ପ୍ରୀତିର ପରିବାର ରାଗି ଯାଇଥିଲେ।

ଏହା ପରେ, ଗୋଟିଏ ଦିନ ପ୍ରୀତିର ବାପା ଲାଲାରାମ, ଭାଇ ରୂପେନ୍ଦ୍ର ଏବଂ ପ୍ରେମିକ ଅନିଲ କୁମାର ଘରେ ପଶି ତାଙ୍କୁ ଗାଳିଗୁଲଜ କରିବା ସହିତ ମାଡ଼ ମାରିଥିଲେ। ଏହା ବ୍ୟତୀତ ସେମାନେ ଘରର ଟ୍ରଙ୍କ ତାଲା ଭାଙ୍ଗି ଅଳଙ୍କାର ସହିତ ୨୦ ହଜାର ଟଙ୍କା ନେଇଯାଇଥିଲେ।