ଶ୍ରାବଣ ମାସରେ ଆମିଷ ବିକ୍ରି କୁ ନେଇ ହଙ୍ଗାମା, ଆମେ ଖାଇବୁନି କାହାକୁ ଖାଇବାକୁ ବି ଦେବୁନି

ଉତ୍ତରପ୍ରଦେଶ: ଏବେ ଚାଲିଛି ଶ୍ରାବଣ ମାସ। ତେଣୁ ସୋମବାରରେ ପ୍ରତ୍ୟେକ ଶିବ ମନ୍ଦିରରେ କାଉଁଡିଆଙ୍କ ଭିଡ଼ ଦେଖିବାକୁ ମିଳୁଛି। ଯେହେତୁ ଶ୍ରାବଣ ମାସ ଚାଲିଛି ତେଣୁ ଆମିଷ ଦୋକାନରେ ଆଉ ପୂର୍ବପରି ଭିଡ଼ ଦେଖିବାକୁ ମିଳୁନି।

ଏବେ ଅଧିକାଂଶ ଲୋକ ଆମିଷ ଛାଡ଼ି ନିରାମିଷ ଖାଉଛନ୍ତି। ତେଣୁ କିଛି ଲୋକ ନିଜେ ଆମିଷ ଖାଉ ନଥିବାରୁ ଆମିଷ ଦୋକାନ ଆଗରେ ହଙ୍ଗାମା କରିବା ଆରମ୍ଭ କରିଛନ୍ତି। କିଛି ହିନ୍ଦୁ ରକ୍ଷା ଦଳ KFC ଏବଂ ନାଜିର ରେଷ୍ଟୁରାଣ୍ଟ ସମ୍ମୁଖରେ ଗଣ୍ଡଗୋଳ କରିଛନ୍ତି।

ଆମିଷ ପାଇଁ ଗଣ୍ଡଗୋଳ: ଉତ୍ତର ପ୍ରଦେଶର ଗାଜିଆବାଦ ଜିଲ୍ଲାରେ ହିନ୍ଦୁ ରକ୍ଷା ଦଳ KFC ଏବଂ ନାଜିର ରେଷ୍ଟୁରାଣ୍ଟ ସମ୍ମୁଖରେ ପ୍ରତିବାଦ କରି KFC ଷ୍ଟୋରକୁ ବନ୍ଦ କରିଦେଇଛନ୍ତି।

ହିନ୍ଦୁ ରକ୍ଷା ଦଳ କହିଛି ଯେ ଏବେ ଶ୍ରାବଣ ମାସ ଚାଲିଛି। ଏପରି ପରିସ୍ଥିତିରେ ନନ୍-ଭେଜ୍ ବିକ୍ରି କରୁଥିବା ଏହି ରେଷ୍ଟୁରାଣ୍ଟଗୁଡ଼ିକ ଖୋଲିପାରିବ ନାହିଁ। ସଂଗଠନ ଚେତାବନୀ ଦେଇଛି ଯେ ଯଦି ଶ୍ରାବଣ ମାସରେ ମାଂସ ବିକ୍ରି ବନ୍ଦ ନ କରାଯାଏ, ତେବେ ପ୍ରତିବାଦକୁ ଆହୁରି ତୀବ୍ର କରାଯିବ।

କାରଣ ଏହା ଭକ୍ତଙ୍କ ଭାବନାକୁ ଆଘାତ ଦିଏ। ଏହି ଘଟଣାର ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି କୌଣସି ପ୍ରକାରେ ହଙ୍ଗାମା କରୁଥିବା ଲୋକଙ୍କୁ ଶାନ୍ତ କରିଥିଲା।

ଯାହା ପରେ ପୋଲିସ ଏବେ ଘଟଣାର ତଦନ୍ତ କରୁଛି ଏବଂ ଦୁର୍ବୃତ୍ତମାନଙ୍କୁ ଖୋଜା ଚାଲିଛି। ହେଲେ ପ୍ରବଳ ହଙ୍ଗାମା ପରେ KFC ଏକ ବୋର୍ଡ ଲଗାଇଛି ଯେଉଁଥିରେ ଲେଖାଯାଇଛି ଯେ ସେମାନେ କେବଳ ନିରାମିଷ ଖାଦ୍ୟ ବିକ୍ରି କରିବେ।

କାଉଁଡ଼ିଆଙ୍କ ସୁରକ୍ଷା ପାଇଁ କଡ଼ା ବ୍ୟବସ୍ଥା: ଆପଣଙ୍କୁ ଜଣାଇ ଦେଉଛୁ ଯେ ଶ୍ରାବଣ ମାସ ଆରମ୍ଭ ହେବା ସହିତ କାଉଁଡ଼ିଆ ଯାତ୍ରା ଆରମ୍ଭ ହୋଇଛି। ଏବଂ ଦେଶର ପ୍ରତ୍ୟେକ କୋଣରୁ ଲୋକମାନେ କାଉଁଡ଼ିଆ ଯାତ୍ରାରେ ବାହାରୁଛନ୍ତି।

ଏହି ବର୍ଷ କାଉଁଡ଼ିଆଙ୍କ ଭିଡ଼ ସାଧାରଣ ଅପେକ୍ଷା ଅଧିକ। ଏପରି ପରିସ୍ଥିତିରେ ପ୍ରଶାସନ ମଧ୍ୟ ସେମାନଙ୍କ ସୁରକ୍ଷା ଏବଂ ସୁବିଧା ପାଇଁ ସ୍ୱତନ୍ତ୍ର ବ୍ୟବସ୍ଥା କରିଛି। ଏହି ପରିପ୍ରେକ୍ଷୀରେ କାଉଁଡ଼ିଆଙ୍କ ପାଇଁ ଜାତୀୟ ରାଜପଥ ୩୪କୁ ସଂରକ୍ଷିତ କରାଯାଇଛି।

NS-34 ର ଗୋଟିଏ ଲେନ୍ ସଂରକ୍ଷିତ: ଉତ୍ତର ପ୍ରଦେଶ ଟ୍ରାଫିକ୍ ପୋଲିସ ଜାତୀୟ ରାଜପଥ-୩୪, ଯାହା ପୂର୍ବରୁ ଜାତୀୟ ରାଜପଥ ୫୮ ଭାବରେ ଜଣାଶୁଣା।

କାଉଁଡ଼ିଆମାନଙ୍କ ସୁରକ୍ଷା ଏବଂ କାଉଁଡ଼ିଆମାନଙ୍କ ନିରାପଦ ଯାତ୍ରା ପାଇଁ  ଗୋଟିଏ ଲେନ୍ ସଂରକ୍ଷିତ କରିଛି। ଗାଜିଆବାଦର ସାଧାରଣ ଜନତାଙ୍କୁ ସୁଗମ ଯାତାୟାତ ଯୋଗାଇବା ଲକ୍ଷ୍ୟରେ, ଟ୍ରାଫିକ୍ ପୋଲିସ NH-୩୪ ରେ କାଉଁରିଆଙ୍କ ସଂଖ୍ୟା ବୃଦ୍ଧିକୁ ଧ୍ୟାନରେ ରଖି ଏହି ନିଷ୍ପତ୍ତି ନେଇଛି।