ଜାତକ ଦେଖିବା ବାହାନାରେ ଡାକି କୁଣ୍ଢେଇ ପକେଇଲେ, ଆଉ ତା’ପରେ…

ମହାରାଷ୍ଟ୍ର: ଜାତକ ଦେଖିବା ବାହାନାରେ ଅଫିସକୁ ଡାକି କୁଣ୍ଢେଇ ଧରିଲେ ଜ୍ୟୋତିଷ। ପୁଣେରେ ଜଣେ ଜ୍ୟୋତିଷ ଜଣେ 25 ବର୍ଷୀୟା ଯୁବତୀଙ୍କୁ ତାଙ୍କ ଅଫିସକୁ ଡାକି ତାଙ୍କ ସହିତ ଅଶାଳୀନ ବ୍ୟବହାର କରିଥିଲେ। ଯାହାକୁ ନେଇ ଯୁବତୀ ଜଣକ ପୋଲିସରେ ଅଭିଯୋଗ କରିଛନ୍ତି।

ପ୍ରକୃତରେ, ଜୁଲାଇ 12 ତାରିଖରେ ପୀଡିତା ଯୁବତୀ ତାଙ୍କ ଭାଇର ଜାତକ ନେଇ ଜ୍ୟୋତିଷ ଅଖିଳେଶ ଲକ୍ଷ୍ମଣ ରାଜଗୁରୁଙ୍କ ପାଖକୁ ଯାଇଥିଲେ। ଜଣେ ବନ୍ଧୁଙ୍କ ପରାମର୍ଶରେ ସେ ଧନକୱାଡିର ସେହି ଜ୍ୟୋତିଷ କାର୍ଯ୍ୟାଳୟରେ ପହଞ୍ଚିଥିଲେ। ପ୍ରଥମେ ସବୁକିଛି ସ୍ୱାଭାବିକ ଲାଗୁଥିଲା, କିନ୍ତୁ ଧୀରେ ଧୀରେ ଘଟଣା ଏକ ଅଜବ ମୋଡ଼ ନେବା ଆରମ୍ଭ କଲା।

ଜାତକ ଦେଖିବା ପରେ, ଜ୍ୟୋତିଷ ଜଣଙ୍କ ଝିଅଟିକୁ କହିଲେ ଯେ ତାଙ୍କ ଭାଇର ବାଧା ଦୂର କରିବା ପାଇଁ ଏକ ସ୍ୱତନ୍ତ୍ର ଗଛ ଦିଆଯିବ। କିନ୍ତୁ ସେ ପରଦିନ ଆସି ସେହି ଗଛକୁ ନେବେ।

ଯେତେବେଳେ ଝିଅଟି ତା ପରଦିନ ଅଫିସରେ ପହଞ୍ଚିଲା, ସେତେବେଳେ କେବଳ ଅଭିଯୁକ୍ତ ସେଠାରେ ଉପସ୍ଥିତ ଥିଲେ। ସେ କହିଲେ, “ତୁମ ମୁଣ୍ଡରେ ଗଛ ରଖି କିଛି ମନ୍ତ୍ର ଜପ କରିବାକୁ ପଡିବ।”

ଏହି କଥା ଝିଅଟି ଶୁଣିଲା ପରେ ତାକୁ ଜ୍ୟୋତିଷଙ୍କ ଇଙ୍ଗିତ ଠିକ ଲାଗିନଥିଲା। ସେଥିପାଇଁ ସେ ସେଠାରୁ ଚାଲିଯିବାକୁ ଚେଷ୍ଟା କଲା। ତା’ପରେ ଅଖିଳେଶ ରାଜଗୁରୁ ତାକୁ ଜୋରଜବରଦସ୍ତ କୁଣ୍ଢେଇ ପକାଇ ତାଙ୍କ ସହିତ ଅଶ୍ଳୀଳ କାମ କରିବାକୁ ଚେଷ୍ଟା କଲେ।

ଭୟଭୀତ ଝିଅଟି କୌଣସି ପ୍ରକାରେ ନିଜକୁ ବଞ୍ଚାଇ ଦୌଡ଼ି ପଳାଇଲା ଏବଂ ସହକାରନଗର ଥାନାରେ ପହଞ୍ଚି ଅଭିଯୁକ୍ତଙ୍କ ବିରୁଦ୍ଧରେ ଦୁଷ୍କର୍ମ ଅଭିଯୋଗ ଦାଖଲ କଲା। ଅଭିଯୋଗ ପାଇବା ମାତ୍ରେ ପୋଲିସ ଅଭିଯୁକ୍ତଙ୍କ କାର୍ଯ୍ୟାଳୟରେ ଚଢାଉ କରି ତୁରନ୍ତ ତାଙ୍କୁ ଗିରଫ କରିଥିଲା।