ବିଜେଡି ସାଂସଦଙ୍କୁ ବଳାତ୍କାର ଧମକ ଦେଲେ ମହିନ୍ଦ୍ରା ଗ୍ରୁପ୍ କର୍ମଚାରୀ, କମ୍ପାନୀ ନେଲା ଏହି ବଡ଼ କାର୍ଯ୍ୟାନୁଷ୍ଠାନ

ଭୁବନେଶ୍ବର: ବିଜେଡି ସାଂସଦ ସୁଲତା ଦେଓଙ୍କ ସହ ଦୁର୍ବ୍ୟବହାର କରିବା ଏବଂ ସୋସିଆଲ ମିଡିଆରେ ତାଙ୍କୁ ବଳାତ୍କାର ଏବଂ ହତ୍ୟା ଧମକ ଦେବା ପାଇଁ ମହିନ୍ଦ୍ରା ଗ୍ରୁପର ଜଣେ କର୍ମଚାରୀଙ୍କୁ ବହୁତ ମୂଲ୍ୟ ଦେବାକୁ ପଡିଲା। ବର୍ତ୍ତମାନ ଉକ୍ତ ଯୁବକଙ୍କୁ ନେଇ ଚର୍ଚ୍ଚା ବୃଦ୍ଧି ପାଇବାରେ ଲାଗିଛି ।

କମ୍ପାନୀ ଏବେ ତାଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଆରମ୍ଭ କରିଛି । ସୋମବାର ମହିନ୍ଦ୍ରା ଗ୍ରୁପ ଏକ ବିବୃତ୍ତି ଜାରି କରି କହିଛି ଯେ ଅଭିଯୁକ୍ତ କର୍ମଚାରୀଙ୍କ ବିରୁଦ୍ଧରେ ତଦନ୍ତ ଆରମ୍ଭ କରାଯାଇଛି ଏବଂ କମ୍ପାନୀର ଯେକୌଣସି ପ୍ରକାରର ଅଶ୍ଳୀଳତା କିମ୍ବା ଧମକ ବିରୁଦ୍ଧରେ ଶୂନ୍ୟ ସହନଶୀଳତା ନୀତି ରହିଛି  ।

କର୍ମଚାରୀଙ୍କ ବିପକ୍ଷରେ ମହିନ୍ଦ୍ରା ଗ୍ରୁପ- ବିବୃତ୍ତିରେ, କମ୍ପାନୀ କହିଛି ଯେ ଫେସବୁକରେ ଆମର ଜଣେ କର୍ମଚାରୀ ଜଣେ ରାଜନେତାଙ୍କୁ ଧମକପୂର୍ଣ୍ଣ ବାର୍ତ୍ତା ପଠାଇ ତାଙ୍କ ସହିତ ଅଶାଳୀନ ବ୍ୟବହାର କରିଛନ୍ତି । ଆମେ ଏହି ଘଟଣା ବିଷୟରେ ଭଲ ଭାବରେ ଜାଣୁ । ମହିନ୍ଦ୍ରା ଗ୍ରୁପ୍ ସବୁବେଳେ ଲୋକଙ୍କ ସମ୍ମାନକୁ ଗୁରୁତ୍ୱ ଦିଏ । ଏହି ନୀତିରେ କୌଣସି ସାଲିସ କରାଯିବ ନାହିଁ ।

ମହିନ୍ଦ୍ରା ଗ୍ରୁପ୍ ବିବୃତ୍ତିରେ ଆହୁରି କହିଛି ଯେ ଏହା ଏହି ମାମଲାକୁ ଗମ୍ଭୀରତାର ସହ ନେଇଛି ଏବଂ ତୁରନ୍ତ ତଦନ୍ତ ଆରମ୍ଭ କରିଛି । ଯଦି ଏହି ତଦନ୍ତ ସମୟରେ କର୍ମଚାରୀ ଦୋଷୀ ସାବ୍ୟସ୍ତ ହୁଅନ୍ତି, ତେବେ କମ୍ପାନୀର ଆଚରଣ ସଂହିତା ଅନୁଯାୟୀ ତାଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ ।

ସମ୍ପୂର୍ଣ୍ଣ ମାମଲା କ’ଣ- ପ୍ରକୃତରେ ବିଜେଡି ସାଂସଦ ବଳାତ୍କାର ଏବଂ ହତ୍ୟା ଧମକର ସ୍କ୍ରିନ ସଟ୍ ସେୟାର କରିଛନ୍ତି, ଯାହାଙ୍କୁ ମହିନ୍ଦ୍ରା ଗ୍ରୁପ୍ କର୍ମଚାରୀ ସତ୍ୟବ୍ରତ ନାୟକ ଭାବରେ ଚିହ୍ନଟ କରାଯାଇଛି । ତାଙ୍କ ଫେସବୁକ୍ ପ୍ରୋଫାଇଲ୍ ଅନୁଯାୟୀ, ସେ ମହିନ୍ଦ୍ରା ଗ୍ରୁପର ନାସିକ୍ ଶାଖାରେ କାର୍ଯ୍ୟ କରନ୍ତି । ବିଜେଡି ସାଂସଦ ଏହା ମଧ୍ୟ କହିଛନ୍ତି ଯେ ଅଭିଯୁକ୍ତ ଜଣେ ବିଜେପି କର୍ମୀ ।