କୋହଲି ବାଙ୍ଗରା….ପଡକାଷ୍ଟରେ ବିରାଟକୁ ନେଇ କାହିଁକି ଏଭଳି କହିଲେ ଦ୍ରାବିଡ

ନୂଆଦିଲ୍ଲୀ: ଭାରତର ଅଭିଜ୍ଞ ଖେଳାଳି ବିରାଟ କୋହଲିଙ୍କୁ ବିଶ୍ୱର ସର୍ବୋତ୍ତମ ବ୍ୟାଟସମ୍ୟାନଙ୍କ ମଧ୍ୟରୁ ଜଣେ ବୋଲି ବିବେଚନା କରାଯାଏ । ସେ ଟିମ୍ ଇଣ୍ଡିଆ ପାଇଁ ଅନ୍ତର୍ଜାତୀୟ କ୍ରିକେଟରେ ବିସ୍ଫୋରକ ବ୍ୟାଟିଂ କରିଛନ୍ତି ଏବଂ ପ୍ରତିପକ୍ଷ ଦଳର ବୋଲରଙ୍କ ବିରୁଦ୍ଧରେ ଉତ୍କୃଷ୍ଟ ସଟ୍ ଖେଳିଛନ୍ତି ।

ନିକଟରେ, ଭାରତର ପୂର୍ବତନ ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ ବିରାଟ କୋହଲିଙ୍କ ବିଷୟରେ ଏକ ବଡ଼ ବୟାନ ଦେଇଛନ୍ତି । ସେ ବିରାଟ କୋହଲିଙ୍କ ଉଚ୍ଚତା ବିଷୟରେ ଏପରି କିଛି କହିଛନ୍ତି ଯାହା ପ୍ରଶଂସକଙ୍କୁ ମଧ୍ୟ ଆଶ୍ଚର୍ଯ୍ୟ କରିଛି । ରାହୁଲ ଦ୍ରାବିଡ କୋହଲିଙ୍କୁ ଉଚ୍ଚତାରେ ଛୋଟ ବୋଲି କହିଛନ୍ତି ।

 ବିରାଟଙ୍କୁ ନେଇ ଦ୍ରାବିଡଙ୍କ ବୟାନ- ହାଲ୍-ଚାଲ୍ ଆଉ ସାୱାଲ୍ ପଡକାଷ୍ଟରେ ଆଶିଷ କୌଶିକଙ୍କ ସହ କଥାବାର୍ତ୍ତା ସମୟରେ ରାହୁଲ ଦ୍ରାବିଡ କହିଛନ୍ତି, ଗାଭାସ୍କର ଜଣେ ବାଲାନ୍ସ ଖେଳାଳି ଥିଲେ । ମୁଁ ସବୁବେଳେ ତାଙ୍କୁ ବ୍ୟାଟିଂ କରୁଥିବାର ଦେଖି ଛି। ମୋର ଉଚ୍ଚତା ତାଙ୍କଠାରୁ ଟିକେ ବଡ଼ ଥିଲା ଏବଂ ସେଥିପାଇଁ ମୁଁ କେବେ ତାଙ୍କୁ କପି କରିନଥିଲି । ସଚିନ ତେନ୍ଦୁଲକର ମଧ୍ୟ ଜଣେ ବହୁତ ସନ୍ତୁଳିତ ଖେଳାଳି ଥିଲେ । ଛୋଟ ଲୋକଙ୍କ ବ୍ୟାଟିଂରେ ଅଧିକ ସୁବିଧା ଥାଏ ।

ଗତ କିଛି ବର୍ଷ ମଧ୍ୟରେ, ଏପରି ଅନେକ ଶକ୍ତିଶାଳୀ ବ୍ୟାଟସମ୍ୟାନ ଅଛନ୍ତି ଯେଉଁମାନେ ଉଚ୍ଚତାରେ ବହୁତ କମ୍ ଅଛନ୍ତି । ଆପଣ ସୁନୀଲ ଗାଭାସ୍କର, ସଚିନ ତେନ୍ଦୁଲକର, ବ୍ରାଏନ୍ ଲାରା ଏବଂ ରିକି ପଣ୍ଟିଂଙ୍କୁ ଦେଖିପାରିବେ। ସାର୍ ଡନ୍ ବ୍ରାଡମ୍ୟାନ୍ ମଧ୍ୟ ଛୋଟ ଥିଲେ । ବିରାଟ କୋହଲି ମଧ୍ୟ ଉଚ୍ଚତାରେ ଛୋଟ।  କୋହଲିଙ୍କୁ ମୁଁ ଛୋଟ ବୋଲି କହିବା ଆଦୌ ପସନ୍ଦ ଆସିବ ନାହିଁ ।