‘ଡିଜେଲ ଭରୋ, ଇନାମ ଜିତୋ’: Indian Oil ଦେଉଛି ୨ କୋଟି ଜିତିବାର ସୁଯୋଗ, ଜାଣନ୍ତୁ କ’ଣ ରହିଛି ପ୍ରକ୍ରିୟା
ନୂଆଦିଲ୍ଲୀ, ୧୭ା୪: କୋଟିପତି ହେବାର ସ୍ୱପ୍ନ କାହାର ବା ନଥାଏ । ତେବେ ଏପରି ସୁଯୋଗ ଆସିଯାଇଛି ଆପଣଙ୍କ ପାଇଁ । Indian Oil ଆପଣମାନଙ୍କ ପାଇଁ ଏହି ସୁଯୋଗ ଆଣି ଦେଇଛି । Indian Oilର ରିଟେଲ ଆଉଟଲେଟରେ ଡିଜେଲ ପକାଇ ଆପଣ ୨ କୋଟି ଟଙ୍କା ଜିତିପାରିବେ । ଏହି ଅଫରର ନାମ ରହିଛି ‘ଡିଜେଲ ଭରୋ, ଇନାମ ଜିତୋ’ । ୧୮ ବର୍ଷରୁ ଅଧିକ ବୟସର ଯେକୌଣସି ଭାରତୀୟ ନାଗରିକ ଏହି ଅଫରର ଫାଇଦା ଉଠାଇ ପାରିବ । Indian Oil ତରଫରୁ ଟ୍ୱିଟ୍ ମାଧ୍ୟମରେ ଏନେଇ ସୂଚନା ଦିଆଯାଇଛି ।
Prizes upto ₹2 crores are up for grabs. To participate in the Diesel Bharo Inaam Jeeto campaign, fill minimum 25 litres of diesel in one bill. SMS DEALER CODE <SPACE> BILL NUMBER <SPACE> QUANTITY to 77990 33333.#DieselBharoInaamJeeto *TnC apply https://t.co/LHBxIU5WTe pic.twitter.com/sWAe6EPmaK
— Indian Oil Corp Ltd (@IndianOilcl) April 15, 2021
ତେବେ ଏହି ଅଫରରେ ଭାଗ ନେବା ପାଇଁ ଆପଣଙ୍କୁ Indian Oilର ଆଉଟଲେଟରୁ ଅତିକମରେ ୨୫ ଲିଟର ଡିଜେଲ କିଣିବାକୁ ପଡ଼ିବ । ମାତ୍ର ଏହି ଡିଜେଲ କେବଳ ଗୋଟିଏ ଥରରେ କିଣିବାକୁ ହେବ । ଅଲଗା ଅଲଗା ସମୟରେ ଡିଜେଲ କିଣିଲେ ଏହାକୁ ବିଚାରକୁ ନିଆଯିବ ନାହିଁ । ଡିଜେଲ କିଣିବା ପରେ ଆପଣଙ୍କୁ ଗୋଟିଏ ପ୍ରିଣ୍ଟେଡ୍ ବିଲ୍ ମିଳିବ । ସେଥିରେ ଥିବା ବିଲ ନମ୍ବର ଓ ଡିଲର କୋଡକୁ ଆପଣ 7799033333 ନମ୍ବରକୁ ଏସଏମଏସ କରିବାକୁ ପଡ଼ିବ । ମେସେଜ ପଠାଇବାକୁ ଆପଣଙ୍କୁ ପ୍ରଥମେ ଡିଲର କୋଡ, ତାପରେ ସ୍ପେଶ ଦେଇ ବିଲ ନମ୍ବର ଟାଇପ କରିବାକୁ ପଡ଼ିବ । ଏହା ପରେ ସ୍ପେସ ଦେଇ ଡିଜେଲର ପରିମାଣ ଟାଇପ କରି ଉକ୍ତ ନମ୍ବରକୁ ପଠାଇବାକୁ ପଡ଼ିବ ।
