ସୋମବାର ଠାରୁ ଭୁବନେଶ୍ୱରରେ ମଦର ହୋମ ଡେଲିଭରି

ଭୁବନେଶ୍ୱର, ୧୪/୦୫: ଖୋର୍ଦ୍ଧା ଜିଲ୍ଲାରେ ସୋମବାରଠାରୁ ମଦର ହୋମ ଡେଲିଭରି ଆରମ୍ଭ ହେବ। ଏନେଇ ଆଜି ଜିଲ୍ଲା ପ୍ରଶାସନ ନିର୍ଦ୍ଦେଶ ଦେଇଛନ୍ତି।

ସୂଚନା ଅନୁଯାୟୀ, ମଦ ଦୋକାନଗୁଡ଼ିକ ସୋମବାରରୁ ଶୁକ୍ରବାର ସକାଳ ୭ ଟାରୁ ୫ ଟା ପର୍ଯ୍ୟନ୍ତ ନିଜର ଡେଲିଭରି ବଏ ଏବଂ ଖାଦ୍ୟ ଡେଲିଭରି କରୁଥିବା ସଂସ୍ଥା ମାଧ୍ୟମରେ ମଦର ହୋମ ଡେଲିଭରି କରିପାରିବେ । କୌଣସି ଦୋକାନକୁ ସେମାନଙ୍କ ଦୋକାନ କାଉଣ୍ଟରରେ ବିକ୍ରୟ କିମ୍ବା ମଦ ପିଇବାକୁ ଅନୁମତି ନାହିଁ । ତେବେ ସପ୍ତାହାନ୍ତ ସଟଡାଉନ ସମୟରେ ବନ୍ଦ ଦୋକାନଗୁଡ଼ିକ ବନ୍ଦ ରହିବ ।

ଦୋକାନଗୁଡ଼ିକ ଅର୍ଡର ପାଇବା ପାଇଁ ସେମାନଙ୍କର ଫୋନ୍, ମୋବାଇଲ. ହ୍ୱାଟସଆପ ନମ୍ବର,ଇମେଲ୍ ଆଇଡିକୁ ଦର୍ଶାଇବେ । ସେହିଭଳି ମଦର ହୋମ ଡେଲିଭରି ପାଇଁ ବ୍ୟବସାୟୀଙ୍କୁ ଫୋନ୍ ମାଧ୍ୟମରେ କିମ୍ବା ଏସ୍ଏମ୍ଏସ୍, ହ୍ୱାଟସଆପ ମାଧ୍ୟମରେ ଅର୍ଡର ଗ୍ରହଣ କରାଯାଇପାରିବ। ସରକାରୀ ନିର୍ଦ୍ଦେଶାବଳୀ ଅନୁଯାୟୀ ବିତରଣ ଦେୟ ହାର ନିର୍ଦ୍ଧାରିତ ପରିମାଣରୁ ଅଧିକ ହେବା ଉଚିତ ନୁହେଁ।