ଡ୍ୟୁଟି ଟାଇମରେ ଚାଲିଲା ‘ଟୁକୁରୁ ଟୁକୁରୁ …..’, ଫସିଲେ ଦୁଇ କନଷ୍ଟେବଳ (ଦେଖନ୍ତୁ ଭିଡିଓ)
ନୂଆଦିଲ୍ଲୀ: ଡ୍ୟୁଟି ସମୟରେ ‘ଟୁକୁରୁ ଟୁକୁରୁ….’ଗୀତରେ ଝୁମିବା ଦୁଇ କନଷ୍ଟେବଳଙ୍କୁ ମହଙ୍ଗା ପଡ଼ିଛି । ଦୁଇଜଣ କନଷ୍ଟେବଳ ବଲିଉଡର ଏହି ଗୀତରେ ଭିଡିଓ ତିଆରି କରିଥିଲେ । ଫଳରେ ଏହି ଦୁଇ ଜଣ କନଷ୍ଟେବଳଙ୍କୁ ଡିସିପି କାରଣ ଦର୍ଶାଅ ନୋଟିସ୍ ଜାରି କରିଛନ୍ତି ।
#JUSTIN: A show cause notice has been issued to woman head constable and constable of Delhi Police for making videos in uniform during their official duties during lockdown and sharing on social media – said DCP (north-west) Usha Rangnani in her order. @IndianExpress, @ieDelhi pic.twitter.com/DVwwxYNtoC
— Mahender Singh Manral (@mahendermanral) June 8, 2021
ଏହି ଦୁଇଜଣ କନଷ୍ଟେ ନୂଆଦିଲ୍ଲୀର ମଡେଲ ପୋଲିସ ଷ୍ଟେସନରେ କାର୍ଯ୍ୟ କରୁଛନ୍ତି । ପୋଲିସ ୟୁନିଫର୍ମ ପିନ୍ଧି ଭିଡିଓ ତିଆରି କରିଥିବା କାରଣ ପାଇଁ ଉଭୟଙ୍କୁ ନୋଟିସ୍ ପଠାଯାଇଥିବା ପୋଲିସ ସୂତ୍ରରୁ ଜଣାପଡ଼ିଛି । ଭିଡିଓ ସୁଟିଂ ସମୟରେ ଉଭୟେ ସାମାଜିକ ଦୂରତା ବଜାୟ ରଖିନଥିଲେ । ଏହାସହ ମହିଳା ଜଣକ ମାସ୍କ ପରିଧାନ କରିଥିବା ବେଳେ ପୁରୁଷ ଜଣକ ମାସ୍କ ପିନ୍ଧିନଥିଲେ । ଉଭୟେ ଶୃଙ୍ଖଳିତ ପୋଲିସ ଅଫିସର ହୋଇ ମଧ୍ୟ ଅଣପେଶାଦାରଙ୍କ ଭଳି ଆଚରଣ କରିଛନ୍ତି । ତେଣୁ ସେମାନଙ୍କୁ ଏହାର ଉତ୍ତର ୧୫ ଦିନ ମଧ୍ୟରେ ଦେବାକୁ ନୋଟିସରେ କୁହାଯାଇଛି । ଭିଡିଓରେ ଜଣେ ପୁରୁଷ ଓ ଜଣେ ମହିଳା କନେଷ୍ଟବଳ ଦେଖାଯାଉଛନ୍ତି । ମାତ୍ର ୧୫ ସେକେଣ୍ଡର ଏହି ଭିଡିଓଟି ବର୍ତ୍ତମାନ ଭାଇରାଲ ହେବାରେ ଲାଗିଛି । ଏହି ସ୍ୱଳ୍ପ ଅବଧିର ଭିଡିଓ ପାଇଁ ବର୍ତ୍ତମାନ ଉଭୟଙ୍କ ଚାକିରି ବିପଦ ମଧ୍ୟକୁ ଠେଲି ହୋଇଯାଇଛି ।
