ଗୋଲାମିର ଶିକୁଳି ଛିଡାଇଛି ତାଲିବାନ; ସମର୍ଥନ ଜଣାଇଲେ ପାକ ପ୍ରଧାନମନ୍ତ୍ରୀ ଇମ୍ରାନ ଖାନ

ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନ ବଳପୂର୍ବକ ଶାସନ କ୍ଷମତା ଅକ୍ତିଆର କରିଥିବା ବେଳେ ସମଗ୍ର ବିଶ୍ୱରେ ଏହାକୁ ନେଇ ଅସନ୍ତୋଷ ପ୍ରକାଶ ପାଇଛି । ତେବେ ଏଭଳି ପରସ୍ଥିତିରେ ତାଲିବାନ ସରକାର ପ୍ରତି ସମର୍ଥନ ଜାହିର କରିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ । ତାଲିବାନ ସରକାର ପ୍ରତି ପ୍ରଥମ ରାଷ୍ଟ୍ର ଭାବରେ ଆଧିକାରିକ ସମର୍ଥନ ଜାହିର କରିଛି ।

ସୋମବାର ଇମ୍ରାନ ଖାନ ନିଜର ସମର୍ଥନ ଜାହିର କରିବା ସହିତ ଦୀର୍ଘ ବର୍ଷର ଗୋଲାମିର ଶିକୁଳିରୁ ତାଲିବାନ ମୁକ୍ତ ହୋଇଛି ବୋଲି କହିଛନ୍ତି । ଅନ୍ୟ କୌଣସି ସଂସ୍କୃତିକୁ ଗ୍ରହଣ କରିବା ଦ୍ୱାରା ଏହା ଆମ ଠାରୁ ଶ୍ରେଷ୍ଠ ବୋଲି ଆମର ଧାରଣା ସୃଷ୍ଟି ହୋଇଥାଏ । ତେଣୁ ନିଜକୁ ଗୋଲାମିର ଶିକୁଳିରୁ ମୁକ୍ତ କରିଥିବା ତାଲିବାନକୁ ଶୁଭେଚ୍ଛା ଜଣାଇଛନ୍ତି ଇମ୍ରାନ ଖାନ୍ । ଉଲ୍ଲେଖଯୋଗ୍ୟ ଯେ, ଆମେରିକାର ସୈନ୍ୟ ପ୍ରତ୍ୟାହାର ପରେ ତାଲିବାନୀ ବିଦ୍ରୋହ ସମୟରେ ପାକିସ୍ତାନ ପକ୍ଷରୁ ତାଲିବାନୀ ଆତଙ୍କୀଙ୍କୁ ସହାୟତା ପ୍ରଦାନ କରାଯିବା ସହିତ ଆହତ ତାଲିବାନୀଙ୍କୁ ପାକିସ୍ତାନ ମାଟିରେ ଚିକିତ୍ସା ବ୍ୟବସ୍ଥା ପ୍ରଦାନ କରାଯାଉଥିଲା ।