ରାତିଅଧରେ ହଠାତ୍ ନିଜ ଗୁପ୍ତାଙ୍ଗ କାଟିଲେ ବ୍ୟକ୍ତି, ଶିବ ମନ୍ଦିରରେ ନେଇ ଚଢ଼ାଇଦେଲେ, କାରଣ ଜାଣିଲେ…

ଲକ୍ଷ୍ନୌ,୨୭ା୧: ଉତ୍ତରପ୍ରଦେଶର ସୀତାପୁରରେ ଏକ ଅଜବ ଘଟଣା ଦେଖିବାକୁ ମିଳିଛି । ଜଣେ ବ୍ୟକ୍ତି ରାତି ଅଧରେ ନିଜ ଗୁପ୍ତାଙ୍ଗ କାଟି ଶିବ ମନ୍ଦିରରେ ନେଇ ଚଢ଼ାଇ ଦେଇଛନ୍ତି । ଯାହା ଏବେ ଖୁବ୍ ଚର୍ଚ୍ଚାର ବିଷୟ ପାଲଟିଛି । ବ୍ୟକ୍ତି ଜଣକ ଗୁପ୍ତାଙ୍ଗ କାଟି ବିଛଣାରେ ଚୁପଚାପ୍ ଶୋଇଥିଲେ। ପରିବାର ଲୋକେ ସକାଳେ ରକ୍ତ ଦେଖିବା ପରେ ଏହା ଜାଣିବାକୁ ପାଇଲେ। ପରିବାର ଲୋକ ତାଙ୍କୁ ତୁରନ୍ତ ଡାକ୍ତରଖାନା ନେଇଗଲେ। ଯେଉଁଠାରେ ଡାକ୍ତରମାନେ ପ୍ରାଥମିକ ମାମଲାଟି ମହମୁଦାବାଦ କୋତୱାଲି ଅଞ୍ଚଳର ବହରୌଲି ଗାଁର।

ଶୁକ୍ରବାର ରାତିରେ ମହମୁଦାବାଦ କୋତୱାଲି ଅଞ୍ଚଳର ବାହାରୌଲି ଗାଁର ବାସିନ୍ଦା ୫୦ ବର୍ଷୀୟ ବିହାରୀ ଲାଲ ରାତି ଭୋଜନ ପାଇଁ ତାଙ୍କ କୋଠରୀକୁ ଯାଇଥିଲେ। ବିଳମ୍ବିତ ରାତିରେ, ବିହାରୀ ଲାଲ ହଠାତ୍ ତାଙ୍କର ଗୁପ୍ତାଙ୍ଗ କାଟି ଦେଇଥିଲେ।  ପରିବାର ସଦସ୍ୟମାନେ କୋଠରୀକୁ ଯାଇ ଦେଖିଲେ ଯେ, ବିହାରୀ ଲାଲଙ୍କ ବିଛଣାରେ ରକ୍ତ ପଡ଼ିଛି। ଏହା ପରେ ପରିବାର ସଦସ୍ୟଙ୍କ ପଚାରିବାରୁ ବିହାରୀ ଲାଲ କହିଥିଲେ, ତାଙ୍କର ଗୁପ୍ତାଙ୍ଗ କାଟି ଦେଇଛନ୍ତି।

ଶିବଲିଙ୍ଗରେ ଗୁପ୍ତାଙ୍ଗ ଅର୍ପଣ ଆଲୋଚନା
ମଧ୍ୟବୟସ୍କ ବ୍ୟକ୍ତି ଜଣକ ମାନସିକ ବିକାରଗ୍ରସ୍ତ ବୋଲି କୁହାଯାଉଛି। ଅଞ୍ଚଳରେ ଏହା ମଧ୍ୟ ଆଲୋଚନା ହେଉଛି ଯେ,  ବ୍ୟକ୍ତି ଜଣକ ତାଙ୍କର ଗୁପ୍ତାଙ୍ଗ କାଟି ଶିବଲିଙ୍ଗକୁ ଅର୍ପଣ କରିଥିଲେ କିନ୍ତୁ ପରିବାର ସଦସ୍ୟ ଏହି କଥାକୁ ଅସ୍ୱୀକାର କରିଛନ୍ତି । କହିଛନ୍ତି ଯେ, ଏହା ଏକ ଗୁଜବ, ଏପରି କିଛି ନୁହେଁ। ବର୍ତ୍ତମାନ ପୋଲିସ ସମ୍ପୂର୍ଣ୍ଣ ମାମଲାର ତଦନ୍ତ କରୁଛି।