‘GIRLFRIEND’ ମୋବାଇଲରେ ପଶି ଆକାଉଣ୍ଟ କରି ଦେଉଛି ଖାଲି! ନୂଆ ଭାଇରସକୁ ନେଇ ବଢୁଛି ଚିନ୍ତା

ନୂଆଦିଲ୍ଲୀ: ଏକ ନୂଆ ମାଲଓୟାର ଗୁଗଲ ପ୍ଲେ ଇନଷ୍ଟଲ ମାଧ୍ୟମରେ ଡିଭାଇସ ପାଇଁ ସାଜିଛି ବିପଦ । ଏହି ଭାିରସର ନାମ ଡିସି କମିକ୍ସ ୟୁନିଭର୍ସରୁ ଜୋକରର ଫିକ୍ସନାଲ ଗାର୍ଲଫ୍ରେଣ୍ଡ ହାର୍ଲେ କ୍ୱିନ ରଖାଯାଇଛି । ଏହାପୂର୍ବରୁ ଜୋକର ମାଲଓୟାର ଲକ୍ଷ ଲକ୍ଷ ଲୋକଙ୍କୁ ଠକି ସାରିଛି । ତେବେ ଏହି ଦୁଇ ମାଲଓୟାର ମଧ୍ୟରେ ଗୋଟିଏ ପାର୍ଥକ୍ୟ ରହିଛି । ଜୋକର ମାଲଓୟାର ଏକ ବୈଧ ଦେଖାଯାଉଥିବା ଆପ୍ ମାଧ୍ୟମରେ ଡିଭାଇସରେ ଏଣ୍ଟ୍ରି କରିବା ପରେ କିଛି ଖରାପ କୋଡ ଡାଉନଲୋଡ କରିବାର ଆବଶ୍ୟକତା କରିଥାଏ । ତେବେ ହାର୍ଲେ ମାଲଓୟାର ଏହା ସହିତ ଦୁର୍ଭାବନାପୂର୍ଣ୍ଣ କୋଡ ରଖିଥାଏ ଏବଂ ଦୂରରୁ ନିୟନ୍ତ୍ରଣ ହେବାରେ ନିର୍ଭର କରେନାହିଁ ।

ହାର୍ଲେ ମାଲଓୟାର ୟୁଜର୍ସକୁ ସେମାନଙ୍କ ଅଜାଣତରେ ସଦସ୍ୟଙ୍କ ସହିତ ସେମାନଙ୍କ ଆକାଉଣ୍ଟକୁ ସାଇନ ଅପ କରି ଟାର୍ଗେଟ କରିବା ପାଇଁ ଡିଜାଇନ କରାଯାଇଛି । ଥରେ ଏହା ଡିଭାଇସକୁ ଆସିଯିବା ପରେ ହାର୍ଲେ ମହଙ୍ଗା ସବସ୍କ୍ରିପ୍ସନ ପାଇଁ ସାଇନ ଅପ କରାଇ ନେଇଥାଏ । ତେବେ ଏହା ୟୁଜର୍ସଙ୍କ ମାସିକ ଫୋନ ବିଲରେ ଯୋଡି ହୋଇଯାଏ । ବିଭିନ୍ନ ସେବା ପାଇଁ ସଦସ୍ୟତା ଆକ୍ଟିଭ କରିବା, ବିଶେଷ କରି ଏସଏମଏସ ଭେରିଫିକେସନ ଏବଂ ଏକ ଅଟୋମେଟିକ ନମ୍ବରରେ ଫୋନ କଲ ମାଧ୍ୟମରେ କରାଯାଇପାରେ । ଯାହାର ଫାଇଦା ଉଠାଇଥାଏ ଏହି ମାଲଓୟାର । ତେବେ ପ୍ରାୟ ୧୯୦ଟି ଆଣ୍ଡ୍ରଏଡ ଆପରେ ଏହି ମାଲଓୟାର ଥିବା ନେଇ ସୂଚନା ମିଳିଛି, ଯାହାକୁ ପ୍ରାୟ ୪.୮ ମିଲିୟନ ୟୁଜର୍ସ ଡାଉନଲୋଡ କରିସାରିଛନ୍ତି ।

କିପରି ରହିବେ ସୁରକ୍ଷିତ:-

• ପ୍ଲେଷ୍ଟୋରରୁ କୌଣସି ଆପ ଡାଉନଲୋଡ କରିବା ପୂର୍ବରୁ ଏହାର ରିଭ୍ୟୁଜର ଯାଞ୍ଚ କରନ୍ତୁ । ଏହି ଆପକୁ ଡାଉନଲୋଡ କରି ଅସୁବିଧାର ସମ୍ମୁଖୀନ ହୋଇଥିବା ୟୁଜର ମୁଖ୍ୟତଃ ପ୍ଲେଷ୍ଟୋରରେ କମ ରେଟିଙ୍ଗ ଦେଇ ଅନ୍ୟମାନଙ୍କୁ ଚେତାବନୀ ଦେଇଥାନ୍ତି ।

• ଯେଉଁ ଆପ ଦ୍ୱାରା ଆପଣଙ୍କ ଡିଭାଇସ ସଂକ୍ରମିତ ହେବାର ଆଶଙ୍କାକୁ କମ କରେ ନାହିଁ, ଏସବୁକୁ ଇନଷ୍ଟଲ କରିବାରୁ ନିବୃତ୍ତ ରୁହନ୍ତୁ ।

• ସମ୍ଭବତଃ ନିଜ ଫୋନ ବିଲରେ ଏକ ପ୍ରେରଣ ସୀମା ନିର୍ଦ୍ଧାରଣ କରନ୍ତୁ, ଯାହାଦ୍ୱାରା ସଦସ୍ୟତା ସେବାଗୁଡିକ ଆପଣଙ୍କୁ ଚାର୍ଜ କରିବାର ସମ୍ଭାବନା ମଧ୍ୟ କମ ରହିବ ।

• ପେଡ୍ ଆଣ୍ଟି ଭାଇରସ ସଲ୍ୟୁସନ ସହିତ ନିଜ ଡିଭାଇସକୁ ସୁରକ୍ଷିତ ରଖନ୍ତୁ ।