ନାବାଳିକା ଯୁବତୀଙ୍କୁ ମିଳିଲା ଗର୍ଭପାତ ଅନୁମତି ଦେଲେ ହାଇକୋର୍ଟ, ଜନ୍ମ ହେବାକୁ ଥିବା ପିଲା ନିଜ ଭାଇ…
ନୂଆଦିଲ୍ଲୀ: କେରଳ ହାଇକୋର୍ଟ ଏକ ୧୫ ବର୍ଷୀୟ ନାବାଳିକା ଯୁବତୀକୁ ଗଭ୍ରପାତ କରିବାକୁ ଅନୁମତି ଦେଇଛନ୍ତି। ଯିଏ ନିଜ ଭାଇ ଦ୍ୱାରା ଗର୍ଭବତି ହୋଇଥିଲେ। ରିପୋର୍ଟ ଅନୁଯାୟୀ ନାବାଳିକା ଜଣକର ବାପା କୋର୍ଟରେ ଗର୍ଭପାତ ଅନୁମତି ପାଇଁ ଆବେଦନ କରି କହିଥିଲେ, ଯଦି ଗର୍ଭପାତ ଅନୁମତି ନମିଳୁଛି ତେବେ ଅନେକ ବିଭିନ୍ନ ସାମାଜିକା ଏବଂ ମେଡିକାଲ ସମସ୍ୟା ଉପୁଜିପାରେ ।
ଜଷ୍ଟିସ ଜିଆଦ ରେହମାନ. ଏଏ. କହିଛନ୍ତି ଯେ, ଯୁବତୀଙ୍କ ପରୀକ୍ଷା କରିବା ପାଇଁ ଗଠିତ ଏକ ମେଡିକାଲ ବୋର୍ଡର ରିପୋର୍ଟ ଅନୁଯାୟୀ, ୩୨ ସପ୍ତାହରୁ ଅଧିକ ଗର୍ଭଧାରଣ ଜାରି ରଖିବା ଦ୍ୱାରା ୧୫ ବର୍ଷ ବୟସ୍କା ପୀଡିତାଙ୍କ ସାମାଜିକ ତଥା ମାନସିକ ସ୍ୱାସ୍ଥ୍ୟରେ ଗୁରୁତର କ୍ଷତି ହୋଇପାରେ । ସେ କହିଛନ୍ତି ଯେ ତାଙ୍କଠାରୁ ଜନ୍ମ ହୋଇଥିବା ଶିଶୁଟି ତାଙ୍କର ପ୍ରକୃତ ଭାଇ ହେବ ବୋଲି ଦୃଷ୍ଟିରେ ରଖି ତାଙ୍କ ପାଇଁ ବିଭିନ୍ନ ସାମାଜିକ ତଥା ଚିକିତ୍ସା ସମ୍ବନ୍ଧୀୟ ଜଟିଳତା ଦେଖାଦେଇପାରେ । ଏପରି ପରିସ୍ଥିତିରେ, ଗର୍ଭଧାରଣ ବନ୍ଦ କରିବାକୁ ଆବେଦନକାରୀଙ୍କ ଦ୍ୱାରା ମାଗାଯାଇଥିବା ଅନୁମତି ଅନିବାର୍ଯ୍ୟ ଅଟେ ।
କୋର୍ଟ କହିଛନ୍ତି ଯେ ଡାକ୍ତରୀ ରିପୋର୍ଟକୁ ବିଚାର କରିବା ପରେ ଜଣାପଡିଛି ଯେ ଯୁବତୀ ଜଣକ ଗର୍ଭପାତ ପାଇଁ ଶାରୀରିକ ଏବଂ ମାନସିକ ସ୍ତରରେ ଫିଟ୍ ଅଛନ୍ତି । ତେବେ ଗର୍ଭାବସ୍ଥାର ଅବ୍ୟାହତି ତାଙ୍କ ସାମାଜିକ ଏବଂ ମାନସିକ ସ୍ୱାସ୍ଥ୍ୟରେ ଗୁରୁତର ଆଘାତ ଦେଇପାରେ । କୋର୍ଟ କହିଛନ୍ତି ଯେ ମେଡିକାଲ ବୋର୍ଡ ଅନୁଯାୟୀ ଯୁବତୀ ଜୀବନ୍ତ ସନ୍ତାନ ଜନ୍ମ କରିବାର ସମ୍ଭାବନା ରହିଛି । ଜଷ୍ଟିସ ରେହମାନ କହିଛନ୍ତି ଯେ ଏଭଳି ପରିସ୍ଥିତିରେ ମୁଁ ଆବେଦନକାରୀଙ୍କ ଯୁବତିଙ୍କୁ ଡାକ୍ତରୀ ଗର୍ଭପାତ କରିବାକୁ ଅନୁମତି ଦେଉଛି ।
ତେବେ ଏହି ମାମଲାର ପରବର୍ତ୍ତି ଶୁଣାଣି ମେ ୧୯ ରୁ ଏକ ସପ୍ତାହ ପରେ ହେବ । ପ୍ରକ୍ରିୟା ଶେଷ ହେବା ସମ୍ପର୍କରେ ଏକ ରିପୋର୍ଟ ପରବର୍ତ୍ତୀ ତାରିଖରେ କୋର୍ଟରେ ଉପସ୍ଥାପନ କରାଯିବା ଉଚିତ ବୋଲି କୋର୍ଟ କହିଛନ୍ତି । ନାବାଳିକାଙ୍କ ଗର୍ଭଧାରଣକୁ ବିଳମ୍ବ ନକରି ଚିକିତ୍ସା ପାଇଁ ତୁରନ୍ତ ପଦକ୍ଷେପ ନେବାକୁ କୋର୍ଟ ଜିଲ୍ଲା ମେଡିକାଲ ଅଫିସର ତଥା ସରକାରୀ ମେଡିକାଲ କଲେଜ ହସ୍ପିଟାଲର ଅଧୀକ୍ଷକଙ୍କୁ ନିର୍ଦ୍ଦେଶ ଦେଇଛନ୍ତି ।
