ପୁତ୍ର ସନ୍ତାନକୁ ଜନ୍ମ ଦେଲେ ବି-ଟାଉନର ହଟ୍ ଅଭିନେତ୍ରୀ ସନା, ଧର୍ମ ପାଇଁ ଛଡିଦେଲେ ଗ୍ଲାମର ଦୁନିଆ

ମୁମ୍ବାଇ: ବଲିଉଡ୍ ଅଭିନେତ୍ରୀ ସନା ଖାନ୍ ପୁଣିଥରେ ମା’ ହୋଇଛନ୍ତି । ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ସନା । ଏ ନେଇ ପୂର୍ବତନ ବଲିଉଡ୍ ଅଭିନେତ୍ରୀ ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି ।

ଗତ ୫ ତାରିଖ ଦିନ ସନା ଏହି ପୁତ୍ର ସନ୍ତାନକୁ ଜନ୍ମ ଦେଇଥିବାବେଳେ ପୂର୍ବରୁ ତାଙ୍କର ପୁତ୍ର ସନ୍ତାନ ରହିଛି । ଗତବର୍ଷ ଜୁଲାଇ ୫ ସନା ତାଙ୍କ ବଡ଼ ପୁଅ ତାରିକ ଜମିଲଙ୍କୁ ଜନ୍ମ ଦେଇଥିଲେ ।

୨୦୨୦ରୁ ସନା ଅଭିନୟ ଜଗତରୁ ସବୁଦିନ ପାଇଁ ଅଲବିଦା କହିଥିଲେ । ବିଶେଷକରି ମୁସଲିମ୍ ଧର୍ମରେ ଅନୁପ୍ରାଣୀତ ହୋଇ ସେ ବିଲିଉଡ୍ ଛାଡ଼ିଥିବା କୁହାଯାଏ । କିନ୍ତୁ ସତ୍ୟାସତ୍ୟ ଏବେଯାକେ ଅଜଣା ।

ଧର୍ମ ପାଇଁ ଛାଡିଦେଲେ ସିନେମା : ସିନେମା ହେଉ ଅବା ଆଲବମ ପ୍ରତିଟିରେ ସନା ବୋଲ୍ଡ ସଟ୍ ଦେଉଥିଲେ । ଛୋଟ ଡ୍ରେସ ପିନ୍ଧି ନାୟକଙ୍କ ସହ ନାଜିବା ସହ ଅଭିନୟ ମଧ୍ୟ କରୁଥିଲେ । ଏକାଧିକ ଆଇଟମ୍ ଗୀତରେ ତାଙ୍କ ନାଚକୁ ଦର୍ଶକ ବେଶ୍ ପସନ୍ଦ କରିଛନ୍ତି ।

ଅଭିନୟରେ ସନାଙ୍କୁ ବେଶୀ ସଫଳତା ମିଳି ନ ଥିଲା । ଇଣ୍ଡଷ୍ଟ୍ରିରେ ସେ ଏକ ପ୍ରକାର ସଂଘର୍ଷ କରୁଥିଲେ । ଏହାପରେ ୨୦୨୦ରେ ହଠାତ୍ ସନା ଫିଲ୍ମ ଜଗତରୁ ବିଦାୟ ନେଇଥିଲେ । ଇସଲାମ ଧର୍ମରେ ଅନୁପ୍ରାଣିତ ହୋଇ ବୁର୍ଖା ପିନ୍ଧିବା ଆରମ୍ଭ କଲେ । ଛୋଟ କିମ୍ବା ମର୍ଡନ୍ ଡ୍ରେସ ପିନ୍ଧିବା ଛାଡ଼ିଦେଲେ । ଏ ପରି ସନା ଏବେ ପୁରା ବଦଳିଯାଇଛନ୍ତି ।

ମୁସଲିମ ବିଜନେସମ୍ୟାନ ଅନସ ସୟଦଙ୍କୁ ସନା ବିବାହ କରିଛନ୍ତି । ଦୁହେଁ ଏବେ ସୁଖରେ ସଂସାର କାଟୁଥିବାବେଳେ ସନା ଅଭିନେତ୍ରୀରୁ ପାଲଟିଯାଇଛନ୍ତି ବ୍ଲଗର । ୟୁଟ୍ୟୁବ୍, ଫେସବୁକରେ ସନା ଡେଳି ବ୍ଲଗ୍ ପୋଷ୍ଟ କରୁଛନ୍ତି । ଯେଉଁଥିରେ ତାଙ୍କୁ ଲୋକଙ୍କ ଖୁବ ଭଲପାଇବା ମଧ୍ୟ ମିଳୁଛି ।