ମୁମ୍ବାଇକୁ ମିଳିଲାନି ପ୍ରଥମ ବିଜୟ: ଓଡିଅନଙ୍କ ଚକ୍ରାନ୍ତରେ ଓଲଟିଗଲା ଗଲା ମୁମ୍ବାଇ ପଲଟନ

ମୁମ୍ବାଇ: ପଞ୍ଜାବ କିଙ୍ଗସ-ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଇଥିବା ଏହି ମ୍ୟାଚରେ ଦମଦାର ବିଜୟ ହାସଲ କରିଛି । ଏହା ସହିତ ଚଳିତ ସିଜନରେ ଦଳର ପ୍ରଥମ ବିଜୟ ସ୍ୱପ୍ନ ପୁଣିଥରେ ଭାଙ୍ଗିଯାଇଛି । ଡିୱାଲ୍ଡ ବ୍ରେଭିସ ଏବଂ ସୂର୍ଯ୍ୟକୁମାରଙ୍କ ଦମଦାର ବ୍ୟାଟିଂ ପରେ ମଧ୍ୟ ମୁମ୍ବାଇକୁ ପରାଜୟର ସାମନା କରିବାକୁ ପଡିଛି । ଏପର୍ଯ୍ୟନ୍ତ ଖେଳାଯାଇଥିବା ୫ଟି ଯାକ ମ୍ୟାଚରେ ପରାଜୟ ବରଣ କରିଛି ମୁମ୍ବାଇ ପଲଟନ ।

୧୯୯ ରନର ବିଜୟ ଲକ୍ଷ୍ୟ ନେଇ ମୁମ୍ବାଇର ପାଳି ଆରମ୍ଭ କରିବାକୁ ପଡିଆକୁ ଆସିଥିଲେ ଅଧିନାୟକ ରୋହିତ ଶର୍ମା ଏବଂ ଇଶାନ କିଶାନ । କିନ୍ତୁ ମାତ୍ର ୩ ରନ କରି ପାଭିଲିୟନ ଫେରିଯାଇଥିଲେ ଇଶାନ । ରୋହିତ ମଧ୍ୟ ଦଳକୁ ମଜବୁତ ସ୍ଥିତିରେ ଠିଆ କରିବା ପୂର୍ବରୁ ନିଜ ୱିକେଟ ହରାଇଥିଲେ । ପୁଣିଥରେ ଫେଲ ମାରିଛନ୍ତି କ୍ୟାପଟେନ ରୋହିତ । କିନ୍ତୁ ଏହାପରେ ଡିୱାଲ୍ଡ ବ୍ରେଭିସ ଏବଂ ତିଲକ ବର୍ମାଙ୍କ ଦମଦାର ପାଳି ଦେକିବାକୁ ମିଳିଛି ମୁମ୍ବାଇର ଏହି ମଇଦାନରେ । ରାହୁଲ ଚହର ଏବଂ ଅନ୍ୟ ବୋଲରଙ୍କୁ ଟାର୍ଗେଟ କରି ଆରମ୍ଭ କରିଥିଲେ ବିସ୍ଫୋରକ ବ୍ୟାଟିଂ । ମାତ୍ର ୨୫ ବଲରେ ୪୯ ରନର ଏକ ବିସ୍ଫୋରକ ଇନିଂସ ଖେଳିଛନ୍ତି ବେବି ଏବି ଡିଭିଲିୟର୍ସ । ଏହି ପାଳିରେ ୫ ଛକା ସହିତ ୪ ଚୌକା ସାମିଲ ରହିଛି ।

ସେପଟେ ତିଲକ ବର୍ମା ମଧ୍ୟ ୨୦ ବଲରୁ ୨ଟି ଛକା ଏବଂ ୩ ଚୌକା ସହ ୩୬ ରନର ଦମଦାର ପାଳି ଖେଳୁଥିବା ବେଳେ ରନ ଆଉଟ ହୋଇଯାଇଥିଲେ । ପୁଣିଥରେ ତାଙ୍କ ୱିକେଟ ପରେ ମୁମ୍ବାଇ ଅସୁବିଧାରେ ପଡିଯାଇଥିଲା । ଏହାପରେ ଦଳର ଷ୍ଟାର ଅଲରାଉଣ୍ଡର କାଏରନ ପୋଲାର୍ଡ ମଧ୍ୟ ୧୧ ବଲରୁ ୧୦ ରନ କରି ପାଭିଲିୟନ ଫେରିଥିଲେ । ତେବେ ସୂର୍ଯ୍ୟକୁମାର ଯାଦବ ଏକ ବଡ ପାରି ଖେଳି ମ୍ୟାଚରେ ବିଜୟ ଆଡକୁ ଅଗ୍ରସର ହେଉଥିଲେ । କିନ୍ତୁ ୧୯ତମ ଓଭରରେ କାଗିସୋ ରାବାଡା ତାଙ୍କୁ ପାଭିଲିୟନର ରାସ୍ତା ଦେଖାଇଥିଲେ ଏବଂ ମୁମ୍ବାଇର ପ୍ରଥମ ବିଜୟ ସ୍ୱପ୍ନ ଭାଙ୍ଗି ଦେଇଥିଲେ । ଶେଷ ଓଭରରେ ୨୨ ରନର ଆବଶ୍ୟକତା ଥିବା ବେଳେ ଗୋଟିଏ ଛକା ମାରି ଆଉଟ ହୋଇଯାଇଥିଲେ ଜୟଦେବ ଉନାଦକତ ୧୨(୭) । ଶେଷ ଓଭରରେ ୩ଟି ୱିକେଟ ନେଇ ପଞ୍ଜାବକୁ ବିଜୟ ଭେଟି ଦେଇଛନ୍ତି ଓଡିଅନ ସ୍ମିଥ । ଏହି ମ୍ୟାଚକୁ ୧୨ ରନରେ ଜିତି ନେଇଛି ପଞ୍ଜାବ କିଙ୍ଗସ ।

ଅନ୍ୟ ପକ୍ଷରେ ପଞ୍ଜାବ ପକ୍ଷରୁ ବୋଲିଂ କରି ଓଡିଅନ ସ୍ୱିଥ ୪ଟି ଏବଂ କାଗିସୋ ରାବାଡା ଏବଂ ୨ଟି ୱିକେଟ ଅକ୍ତିଆର କରିଛନ୍ତି । ସେହିପରି ମ୍ୟାଚରେ ଗୋଟିଏ ୱିକେଟ ହାସଲ କରିଛନ୍ତି ବୈଭବ ଆରୋରା । ତେବେ ରାହୁଲ ଚହର ଏବଂ ଲିଆମ ଲିଭିଙ୍ଗଷ୍ଟୋନ ଦଳ ପାଇଁ ମହଙ୍ଗା ସାବ୍ୟସ୍ତ ହୋଇଛନ୍ତି । ଏହି ଦୁଇ ବୋଲରଙ୍କ ସମେତ ଅର୍ଶଦୀପ ସିଂହ ମଧ୍ୟ ମ୍ୟାଚରେ ୱିକେଟଶୂନ୍ୟ ରହିଛନ୍ତି ।