ବିମାନ ଯାତ୍ରୀଙ୍କ ପାଇଁ ଖୁସିଖବର: ଯାତ୍ରା ତାରିଖ ବଦଳାଇଲେ ବି କଟିବନି ଟଙ୍କା
ନୂଆଦିଲ୍ଲୀ: କୋଭିଡ୍-୧୯ ସଙ୍କଟକୁ ଆଖି ଆଗରେ ରଖି ଏୟାର ଇଣ୍ଡିଆ ନିଜ ଯାତ୍ରୀଙ୍କ ପାଇଁ ଏକ ଆଶ୍ୱସ୍ତିକର ଖବର ଆଣିଛି । ସଂକ୍ରମଣ କାରଣରୁ ଉପୁଜିଥିବା ଅନିଶ୍ଚିତତାକୁ ନଜରରେ ରଖି ଘରୋଇ ଫ୍ଲାଇଟ୍ ପାଇଁ ତାରିଖ ବଦଳାଇବା ଦ୍ୱାରା କୌଣସି ଚାର୍ଜ ଲାଗିବ ନାହିଁ । ଏହା କେବଳ ଥରେ ହିଁ ହୋଇପାରିବ । ଯଦି ଆପଣ ଦ୍ୱିତୀୟ ଥର ତାରିଖ ବଦଳାଉଛନ୍ତି ତାହେଲେ ଶୁଳ୍କ ଦେବାକୁ ପଡ଼ିବ । ଟୁଇଟ୍ କରି ଏୟାର ଇଣ୍ଡିଆ ପକ୍ଷରୁ ଏହି ସୂଚନା ଦିଆଯାଇଛି ।
ଟୁଇଟ୍ ରେ କୁହାଯାଇଛି ଯେ, ଘରୋଇ ଫ୍ଲାଇଟ୍ ଯାତ୍ରୀ ୨୦୨୨, ୩୧ ମାର୍ଚ୍ଚ ପର୍ଯ୍ୟନ୍ତ ପ୍ରଥମ କନଫର୍ମ ଟିକେଟ୍ ତାରିଖ କିମ୍ବା ଉଡ଼ାଣ ସଂଖ୍ୟା ବଦଳାଇ ପାରିବେ । ସୁଚନାଯୋଗ୍ୟ ଯେ, କରୋନା ମାମଲା ଦିନକୁ ଦିନ ବୃଦ୍ଧି ପାଉଥିବା ଫଳରେ ଏୟାରଲାଇନ୍ସ ଉଦ୍ୟୋଗ ଅତ୍ୟଧିକ ଚାପ ଭିତରେ ରହିଛଇ । ଯାତ୍ରା ସଂଖ୍ୟା କମୁଥିବାରୁ ବ୍ୟବସାୟ କ୍ଷତିଗ୍ରସ୍ତ ହେବାରେ ଲାଗିଛି । ଯାତ୍ରୀ ମାନେ ସଂକ୍ରମଣ ଭୟରେ ଅନ୍ୟ ଦେଶକୁ ଯାତ୍ରା କରୁନାହାନ୍ତି । ବର୍ତ୍ତମାନ ଇଣ୍ଡିଗୋ ମଧ୍ୟ ନିଜର ଫ୍ଲାଇଟ୍ ସଂଖ୍ୟା ୨୦ ପ୍ରତିଶତ କମାଇବାକୁ ନିଷ୍ପତ୍ତି ନେଇଛି ।
#FlyAI : In view of recent uncertainties due to surge in COVID cases, Air India is offering ??? ???? ?????? of date or flight number or sector for all domestic tickets (098) with confirmed travel on/before 31.03.22.
For details please visit https://t.co/T1SVjRluZv .— Air India (@airindiain) January 9, 2022
