ଯଦି ଆପଣ ପ୍ରତିଦିନ ଏତିକି ମାତ୍ରାରେ ମଦ ପିଇବେ ତେବେ ହାର୍ଟଆଟାକରୁ ରକ୍ଷା ପାଇବେ, କୋଲେଷ୍ଟ୍ରଲ ମଧ୍ୟ ବଢ଼ିବ ନାହିଁ

ଯେଉଁ ଲୋକମାନେ କେବେ କେବେ ମଦ ପିଅନ୍ତି, ସେମାନଙ୍କ ଧାରଣା କି ଏଥିରୁ ତାଙ୍କର ସ୍ୱାସ୍ଥ୍ୟ ଭଲ ରହିବ । କିଛି ଲୋକଙ୍କୁ ତ କେବଳ ମଦ ପିଇବରେ ବାହାନାର ଦରକାର ଓ ସେମାନେ ପ୍ରାୟ ସବୁଦିନ ଏହାର ସେବନ କରନ୍ତି । କିଛି ଅଧିକ ପିଅନ୍ତି ତ ଆଉ କିଛି କମ୍ ପିଅନ୍ତି । କିନ୍ତୁ ଆପଣ ଜାଣନ୍ତି କି, ଲିମିଟରେ ମଦ ପିଇବା ଦ୍ୱାରା ଆପଣଙ୍କ ହାର୍ଟର ସ୍ୱାସ୍ଥ୍ୟରେ ଉନ୍ନତି ଆସିପାରେ । ଅବଶ୍ୟ ଏହାର ଅର୍ଥ ଏହା ନୁହେଁ ଯେ ଆପଣ ଆଜିଠାରୁ ମଦ ପିଇବା ଆରମ୍ଭ କରିଦେବେ ।

ଏହି ସୂଚନା କେବଳ ସେହି ଲୋକମାନଙ୍କ ପାଇଁ, ଯେଉଁମାନେ ପ୍ରତିଦିନ ମଦ୍ୟପାନ କରନ୍ତି । ଡାକ୍ତରମାନେ କହିଛନ୍ତି ଯେ, ପ୍ରତିଦିନ ମଦ ପିଉଥିବା ଲୋକମାନେ ଯଦି ଏକ ନିର୍ଦ୍ଦିଷ୍ଟ ସୀମା ମଧ୍ୟରେ ମଦ୍ୟପାନ କରନ୍ତି, ତେବେ ସେମାନଙ୍କର ହୃଦଘାତ ହେବାର ଆଶଙ୍କା କମ୍ ରହିବ । ଏହା ବ୍ୟତୀତ ଖରାପ କୋଲେଷ୍ଟ୍ରଲ୍ର ସ୍ତର ମଧ୍ୟ ନିୟନ୍ତ୍ରଣରେ ରହିଥାଏ । ତଥାପି ଏହା ପ୍ରତ୍ୟେକ ବ୍ୟକ୍ତିଙ୍କ ସହିତ ଘଟେ ନାହିଁ ।

ସ୍ୱାସ୍ଥ୍ୟ ପାଇଁ ମଦ୍ୟପାନ କେତେ ଲାଭଦାୟକ:-

ଫୋର୍ଟିସ୍ ଏସ୍କର୍ଟସ୍ ହାର୍ଟ ଇନଷ୍ଟିଚ୍ୟୁଟ୍ର ଇଣ୍ଟରଭେନସନାଲ କାର୍ଡିଓଲୋଜି ବିଭାଗର ଡକ୍ଟର ବିଶାଲ ରସ୍ତୋଗୀ କହିଛନ୍ତି ଯେ, ମହିଳାମାନଙ୍କ ପାଇଁ ପ୍ରତିଦିନ ଗୋଟିଏ ଡ୍ରିଙ୍କ ଏବଂ ପୁରୁଷଙ୍କ ପାଇଁ ଦୁଇଟି ଡ୍ରିଙ୍କ ପିଇବା ଅତ୍ୟନ୍ତ ଲାଭଦାୟକ । ଯଦି ଏହି ପରିମାଣରେ ମଦ୍ୟପାନ କରାଯାଏ ତେବେ ଏହା ହୃଦୟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ଏହା ଶରୀରରେ ଭଲ କୋଲେଷ୍ଟ୍ରଲ୍ର ସ୍ତରକୁ ବଢ଼ାଇଥାଏ ଏବଂ ହୃଦଘାତର ଆଶଙ୍କା ମଧ୍ୟ ହ୍ରାସ କରିଥାଏ । ଅବଶ୍ୟ, ଏହାର ଅର୍ଥ ନୁହେଁ ଯେ ଯେଉଁମାନେ ମଦ୍ୟପାନ ନକରନ୍ତି, ସେମାନେ ଏହାକୁ ଆରମ୍ଭ କରିବା ଉଚିତ୍ । ଏହାର ଅର୍ଥ ଏହାବି ନୁହେଁ ଯେ, ପ୍ରତିଦିନ ଏତେ ମଦ୍ୟପାନ କରିବାକୁ ପଡିବ । ମଦ୍ୟପାନ କ୍ଷେତ୍ରରେ, ପ୍ରତ୍ୟେକ ବ୍ୟକ୍ତିର ଶାରୀରିକ ପ୍ରତିକ୍ରିୟା ଏବଂ ଶରୀର ଉପରେ ଏହାର ପ୍ରଭାବ ଅନେକ କାରଣ ଉପରେ ନିର୍ଭର କରେ ।

ଖାଦ୍ୟ ଏବଂ ଅନ୍ୟାନ୍ୟ କାରଣ ।
ଜଣେ ବ୍ୟକ୍ତିର ଖାଦ୍ୟ, ବ୍ୟାୟାମ ଏବଂ ଧୂମପାନ ଅଭ୍ୟାସ ମଧ୍ୟ ମଦ୍ୟପାନ ସହିତ ଜଡିତ ବିପଦ ଏବଂ ଉପକାରରେ ବଡ଼ କାରଣ । ତାହା ହେଉଛି, ଯଦି ଜଣେ ବ୍ୟକ୍ତି ପ୍ରତିଦିନ ବ୍ୟାୟାମ କରନ୍ତି, ଭଲ ଜୀବନଶୈଳୀ ଏବଂ ଭଲ ଖାଇବା ଅଭ୍ୟାସ କରନ୍ତି, ଧୂମପାନ କରନ୍ତି ନାହିଁ, ତେବେ ସୀମିତ ପରିମାଣରେ ମଦ୍ୟପାନ କରିବା ତାଙ୍କ ଶରୀର ଉପରେ ସେତେ ପ୍ରଭାବ ପକାଇବ ନାହିଁ, ଯେତିକି ସାଧାରଣ ଲୋକଙ୍କ ଉପରେ ପ୍ରଭାବ ପକାଇବ ।

ଅତ୍ୟଧିକ ପିଇବାର ଅସୁବିଧା :-

ଅତ୍ୟଧିକ ପରିମାଣର ମଦ୍ୟପାନ କରିବା ଅତ୍ୟନ୍ତ ବିପଜ୍ଜନକ ହୋଇପାରେ । ଏହି କାରଣରୁ ବିପି ବୃଦ୍ଧି ହୁଏ ଏବଂ ହୃଦଘାତ ମଧ୍ୟ ଅନିୟମିତ ହୋଇଯାଏ । ଷ୍ଟ୍ରୋକ୍ ହେବାର ଆଶଙ୍କା ମଧ୍ୟ ରହିଛି । ମଦ୍ୟପାନ ଯକୃତକୁ କ୍ଷତି ପହଞ୍ଚାଏ ଏବଂ ହଜମ ପ୍ରକ୍ରିୟା ଏବଂ ଯକୃତ ସିରୋସିସ୍ ହେବାର ଆଶଙ୍କା ଥାଏ ।

ଭଲ ହୃଦୟ ସ୍ୱାସ୍ଥ୍ୟ ପାଇଁ ଏହିସବୁ କରନ୍ତୁ :-

ଆମେରିକୀୟ ହାର୍ଟ ଆସୋସିଏସନ ଅନୁଯାୟୀ, ହୃଦୟକୁ ଫିଟ୍ ରଖିବା ପାଇଁ ଭଲ ଖାଦ୍ୟ ଗ୍ରହଣ କରିବା, ବ୍ୟାୟାମ କରିବା ଏବଂ ତମାଖୁ ସେବନ ନକରିବାକୁ ପରାମର୍ଶ ଦିଆଯାଇଛି । ଯେଉଁମାନଙ୍କର ପୂର୍ବରୁ ହାର୍ଟ ରୋଗ ରହିଛି, ସେମାନେ କୌଣସି ପ୍ରକାରର ମଦ୍ୟପାନରୁ ଦୂରେଇ ରହିବା ଉଚିତ୍ । ଏହି ପ୍ରସଙ୍ଗରେ ଡାକ୍ତରଙ୍କ ସହିତ ପରାମର୍ଶ କରିବା ମଧ୍ୟ ଜରୁରୀ ଅଟେ । ପ୍ରତିଦିନ ଅତ୍ୟଧିକ ପରିମାଣର ମଦ୍ୟପାନ କରିବା ଦ୍ୱାରା କର୍କଟ ରୋଗ ହେବାର ଆଶଙ୍କା ମଧ୍ୟ ବଢ଼ିଯାଏ ଏବଂ ମାନସିକ ସ୍ୱାସ୍ଥ୍ୟ ମଧ୍ୟ ଖରାପ ହୋଇଯାଏ ।