SBIକୁ ଛାଡ଼ି ସବୁ ସରକାରୀ ବ୍ୟାଙ୍କର ହେବେ ପ୍ରାଇଭେଟ ! ଜାଣନ୍ତୁ ଅପଡେଟ୍

ନୂଆଦିଲ୍ଲୀ: ଦେଶରେ ଘରୋଇକରଣକୁ ନେଇ ସରକାର ଆଗକୁ ବଢ଼ୁଛନ୍ତି । ସରକାର ଖୁବଶୀଘ୍ର ଦୁଇଟି ସରକାରୀ ବ୍ୟାଙ୍କକୁ ଘରୋଇକରଣ କରିବାକୁ ଯାଉଛନ୍ତି । ଅନେକ କମ୍ପାନୀ ଏଥିପାଇଁ ନିଲାମୀ ମଧ୍ୟ ଡାକିଛନ୍ତି । ସୂଚନାନୁସାରେ ଚଳିତ ବର୍ଷ ସେପ୍ଟେମ୍ବର ମଧ୍ୟରେ ପ୍ରାଇଭେଟାଇଜେସନ ଆରମ୍ଭ ହୋଇପାରେ । ଅନ୍ୟପଟେ ସରକାରୀ କର୍ମଚାରୀ ଏହାର ବିରୋଧରେ ଲଗାତାର ବିକ୍ଷୋଭ କରୁଛନ୍ତି । ଏହାରି ମଧ୍ୟରେ ଦେଶର ଦୁଇ ପ୍ରମୁଖ ଅର୍ଥଶାସ୍ତ୍ରୀଙ୍କ କହିବାନୂଯାୟୀ ସରକାରଙ୍କୁ ଭାରତୀୟ ଷ୍ଟେଟ ବ୍ୟାକଙ୍କୁ ଛାଡ଼ି ଅନ୍ୟ ସବୁ ସରକାରୀ ବ୍ୟାଙ୍କକୁ ପ୍ରାଇଭେଟ କରିଦେବା ଦରକାର ।

ନୀତି ଆୟୋଗର ପୂର୍ବତନ ଡେପୁଟି ଚେୟାରମ୍ୟାନ୍ ତଥା କଲମ୍ବିଆ ୟୁନିଭରସିଟିର ପ୍ରଫେସର ଅରବିନ୍ଦ ପାନାଗରିଆ ଏବଂ ଏନସିଏଇଆରର ମହାନିର୍ଦ୍ଦେଶକ ତଥା ପ୍ରଧାନମନ୍ତ୍ରୀଙ୍କ ଆର୍ଥିକ ପରାମର୍ଶ ପରିଷଦ ସଦସ୍ୟ ପୁଣମ୍ ଗୁପ୍ତା ସରକାରଙ୍କୁ ଏହି ବଡ଼ ପରାମର୍ଶ ଦେଇଛନ୍ତି।

ଦ୍ୱାରା ଦିଆଯାଇଥିବା ରିପୋର୍ଟ ଅନୁଯାୟୀ, କୁହାଯାଇଛି ଯେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ସମେତ ସମସ୍ତ ସରକାରୀ କ୍ଷେତ୍ର ବ୍ୟାଙ୍କଗୁଡିକ ଘରୋଇକରଣ କରାଯିବା ଉଚିତ। କିନ୍ତୁ ଭାରତର ଅର୍ଥନୈତିକ ଏବଂ ରାଜନୈତିକ ଢ଼ାଞ୍ଚାରେ କୌଣସି ଚାହିବେନି ଯେ ତାଙ୍କ ହାତରେ କୌଣସି ସରକାରୀ ବ୍ୟାଙ୍କ ନରହୁ । ଏହାକୁ ଦୃଷ୍ଟିରେ ରଖି ବର୍ତ୍ତମାନ ଲକ୍ଷ୍ୟ ହେଉଛି ଏସବିଆଇ ବ୍ୟତୀତ ସମସ୍ତ ବ୍ୟାଙ୍କକୁ ଘରୋଇକରଣ କରିବା। ଯଦି କିଛି ବର୍ଷ ପରେ ସ୍ଥିତି ଅନୁକୂଳ ଦେଖାଯାଏ, ତେବେ ଏସବିଆଇ ମଧ୍ୟ ଘରୋଇକରଣ ହେବା ଉଚିତ୍  । ଅର୍ଥାତ୍ ବ୍ୟାଙ୍କଗୁଡିକ ପ୍ରାଇଭେଟ ହେବା ପାଇଁ ଉଭୟ ଅର୍ଥନୀତିଜ୍ଞ ସେମାନଙ୍କର ସମ୍ପୂର୍ଣ୍ଣ ସମର୍ଥନ ଦେଉଛନ୍ତି।

ସୂଚନାଯୋଗ୍ୟ ଯେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଚଳିତ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନବେଳେ ୨୦୨୨ ଆର୍ଥିକ ବର୍ଷରେ ଆଇଡିବିଆଇ ବ୍ୟାଙ୍କ ସହିତ ଦୁଇଟି ସରକାରୀ କ୍ଷେତ୍ରର ଘରୋଇକରଣ ଘୋଷଣା କରିଛନ୍ତି। ଏହା ବ୍ୟତୀତ ନୀତି ଆୟୋଗ, ଘରୋଇକରଣ ପାଇଁ ଦୁଇଟି ପିଏସୟୁ ବ୍ୟାଙ୍କକୁ ସର୍ଟଲିଷ୍ଟ କରିଛି  । ଲଗାତାର ବିରୋଧ ସତ୍ତ୍ୱେ ସରକାର ଘରୋଇକରଣ ସମ୍ପର୍କରେ ନିଜର ଆଭିମୁଖ୍ୟ ସ୍ପଷ୍ଟ କରିସାରିଛନ୍ତି । ଏହା ସହିତ ଚଳିତ ଆର୍ଥିକ ବର୍ଷରେ ଏକ ବୀମା କମ୍ପାନୀ ବିକ୍ରି ହେବ ବୋଲି ଅର୍ଥମନ୍ତ୍ରୀ ମଧ୍ୟ କହିଥିଲେ।

ଏବେ ପ୍ରଶ୍ନ ହେଉଛି, କେଉଁ ଦୁଇଟି ବ୍ୟାଙ୍କ ହୋଇପାରେ ଯାହା ପ୍ରଥମେ ଘରୋଇକରଣ କରାଯିବ । କୁହାଯାଉଛି  ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଇଣ୍ଡିଆନ୍ ଓଭରସିଜ୍ ବ୍ୟାଙ୍କର ଘରୋଇକରଣ ହୋଇପାରେ ।