ମହାକୁମ୍ଭ: ୫.୫୧ କୋଟି ରୁଦ୍ରାକ୍ଷ, ୧୧,୦୦୦ ତ୍ରିଶୂଳରେ ସଜେଇ ହେବେ ଦ୍ୱାଦଶ ଜ୍ୟୋତିର୍ଲିଙ୍ଗ

ପ୍ରୟାଗରାଜ: ମହାକୁମ୍ଭ ପାଇଁ ସଜେଇ ହେଉଛି ପ୍ରୟାଗରାଜ । କୁମ୍ଭମେଳା ଅଞ୍ଚଳର ସେକ୍ଟର-୬ସ୍ଥିତ ବଜରଙ୍ଗ ଦାସ ମାର୍ଗରେ ମୌନି ବାବାଙ୍କ ଏକ ଭବ୍ୟ ଶିବିର ପ୍ରସ୍ତୁତ କରାଯାଉଛି।

ଏଠାରେ ଦ୍ୱାଦଶ ଜ୍ୟୋତିର୍ଲିଙ୍ଗର ଭବ୍ୟ ସଜ୍ଜାରେ ୫.୫୧ କୋଟି ରୁଦ୍ରାକ୍ଷ ଓ ୧୧,୦୦୦ ତ୍ରିଶୂଳ ସଜ୍ଜିତ ହେବ। ବୈଦିକ ମନ୍ତ୍ରରେ ଗୁଞ୍ଜରିତ ହେବ ପୁରା ପରିବେଶ, ଏହା ସହ ୧୦୮ ହୋମକୁଣ୍ଡରେ ଦିଆଯିବ ଆହୁତି।

ଆମେଠିର ଗୌରୀଗଞ୍ଜର ବାଲ ବ୍ରହ୍ମଚାରୀ ସ୍ୱାମୀ ଅଭୟ ଚୈତନ୍ୟ ଫାଲାହାରୀ ଓରଫ ମୌନି ବାବା ମହାରାଜ କହନ୍ତି, “ମହାକୁମ୍ଭକୁ ଭବ୍ୟ ଓ ବିଶ୍ୱାସରେ ପରିପୂର୍ଣ୍ଣ କରିବାର ସଂକଳ୍ପ ନେଇ ଆମେ ୧୦,୦୦୦ ଗାଁ ବୁଲି ଏଠାକୁ ଆସିଛୁ।

ସ୍ୱତନ୍ତ୍ର ଯଜ୍ଞ: ଭାରତକୁ ହିନ୍ଦୁ ରାଷ୍ଟ୍ର ରେ ପରିଣତ କରିବା ପାଇଁ ଏକ ସ୍ୱତନ୍ତ୍ର ଯଜ୍ଞର ମଧ୍ୟ ପ୍ରସ୍ତୁତି ଚାଲିଛି । ଶିବିରରେ ନିର୍ମାଣ ହେଉଥିବା ଦ୍ୱାଦଶ ଜ୍ୟୋତିର୍ଲିଙ୍ଗକୁ ୫.୫୧ କୋଟି ରୁଦ୍ରାକ୍ଷ ଓ ୧୧,୦୦୦ ତ୍ରିଶୂଳରେ ସଜ୍ଜିତ କରାଯିବ ବୋଲି ବାବା କହିଛନ୍ତି।

ଏଠାରେ ୧୦୮ଟି ହବନ କୁଣ୍ଡ ନିର୍ମାଣ କରାଯାଉଛି। ଏଥିରେ ୧.୨୫ କୋଟି ଦୀପ ପ୍ରଜ୍ୱଳନ କରାଯିବ। ଜାନୁଆରୀ ୧୩ ରେ ପ୍ରଥମ ସ୍ନାନ।

ଅନ୍ୟପକ୍ଷରେ ଶିବିରରେ ନିର୍ମିତ ତ୍ରିଶୂଳ କାନ୍ଥ ଓ ବସ୍ତାରେ ରଖାଯାଇଥିବା ରୁଦ୍ରାକ୍ଷ ମାଳ ଲୋକଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। ଶିବିରର ଭବ୍ୟତାକୁ ଦେଖି ପଥଚାରୀମାନେ ସେଲ୍ଫି ନେବାରୁ ନିଜକୁ ଅଟକାଇ ପାରୁନାହାନ୍ତି।

ପ୍ରଥମ ଥର ପାଇଁ କମାଣ୍ଡୋ ମୁତୟନ: ଆତଙ୍କବାଦୀ ପୁନ୍ନୁର ଆକ୍ରମଣ ପରେ ପ୍ରଥମ ଥର ପାଇଁ ପ୍ରୟାଗରାଜ ଜଙ୍କସନରେ କମାଣ୍ଡୋ ମୁତୟନ ହୋଇଛନ୍ତି।