ଭାରତରେ କେତେ ଲୋକେ ବ୍ୟବହାର କରୁଛନ୍ତି ନିଶା? ଗୃହମନ୍ତ୍ରୀ ଅମିତ ଶାହ ଦେଲେ ଉତ୍ତର

ନୂଆଦିଲ୍ଲୀ: ଭାରତରେ ୭ ପ୍ରତିଶତ ଲୋକ ନିଶାର ବ୍ୟବହାର କରୁଛନ୍ତି। ଯେଉଁଥିରେ ଅନେକ ପ୍ରକାରର ବିଷାକ୍ତ ପଦାର୍ଥ ଅନ୍ତର୍ଭୁକ୍ତ ଅଛି। କେନ୍ଦ୍ର ଗୃହମନ୍ତ୍ରୀ ଅମିତ ଶାହା ନିଜେ ଶନିବାର ଏହି ସୂଚନା ଦେଇଛନ୍ତି।

ସେ ଏହି ବିପଦକୁ ହ୍ରାସ କରିବା ପାଇଁ ଡ୍ରଗ୍ସ ଏଜେନ୍ସିମାନଙ୍କର ସଂକଳ୍ପ ଉପରେ ଗୁରୁତ୍ୱାରୋପ କରିଛନ୍ତି। ସେ କହିଛନ୍ତି ଯେ, ଏହି ବିଷକୁ ସମାଜରୁ ସମ୍ପୂର୍ଣ୍ଣ ରୂପେ ହଟାଇବାକୁ ପଡିବ। ଏଥିରେ ଅନେକ ଚ୍ୟାଲେଞ୍ଜ ଅଛି, ତଥାପି ଏଥିପାଇଁ ଆମକୁ କାମ କରିବାକୁ ପଡିବ।

କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ, କେବଳ 2024 ମସିହାରେ 16,914 କୋଟି ଟଙ୍କା ମୂଲ୍ୟର ନିଶା ସାମଗ୍ରୀ ଜବତ କରାଯାଇଛି। ଯାହା ଆଜି ପର୍ଯ୍ୟନ୍ତ ସର୍ବାଧିକ ପରିମାଣ ଅଟେ।

ଏହି ସମୟ ମଧ୍ୟରେ ସେ ‘ଡ୍ରଗ୍ ଡିସପୋଜାଲ୍ ଫୋର୍ଟନାଇଟ୍’ ମଧ୍ୟ ଲଞ୍ଚ କରିଥିଲେ, ଯାହା ଅଧୀନରେ ଆସନ୍ତା ଦଶ ଦିନ ମଧ୍ୟରେ ପ୍ରାୟ 8,600 କୋଟି ଟଙ୍କା ମୂଲ୍ୟର ଏକ ଲକ୍ଷ କିଲୋଗ୍ରାମ ନିଶା ନଷ୍ଟ ହୋଇଯିବ। ଏହା ଦ୍ୱାରା ଡ୍ରଗ୍ସ ବିଲୋପ ପାଇଁ ସରକାରଙ୍କ ପ୍ରତିବଦ୍ଧତା ବିଷୟରେ ଜନସାଧାରଣଙ୍କୁ ଏକ ବାର୍ତ୍ତା ପଠାଯିବ।

10 ବର୍ଷରେ ଡ୍ରଗ୍ସ ଜବତ ବୃଦ୍ଧି ପାଇଲା 7 ଗୁଣା:
ଶାହା କହିଛନ୍ତି ଯେ, 2004 ରୁ 2014 ମଧ୍ୟରେ 3.63 ଲକ୍ଷ କିଲୋଗ୍ରାମ ଡ୍ରଗ୍ସ ଜବତ କରାଯାଇଛି, ସେହିଭଳି 2014 ରୁ 2024ରେ 10 ବର୍ଷ ମଧ୍ୟରେ ସାତ ଗୁଣ ବୃଦ୍ଧି ପାଇ 24 ଲକ୍ଷ କିଲୋଗ୍ରାମରେ ପହଞ୍ଚିଛି।

2004 ରୁ 2014 ମଧ୍ୟରେ 10 ବର୍ଷ ମଧ୍ୟରେ ନଷ୍ଟ ହୋଇଥିବା ଡ୍ରଗ୍ସର ମୂଲ୍ୟ ଥିଲା 8,150 କୋଟି ଟଙ୍କା। ସେ କହିଛନ୍ତି, ଯାହା ଗତ 10 ବର୍ଷରେ ସାତ ଗୁଣ ବୃଦ୍ଧି ପାଇ 56,861 କୋଟି ଟଙ୍କା ହୋଇଛି।

ଡ୍ରଗ୍ସ ବ୍ୟବହାରରେ ବୃଦ୍ଧି ବୋଲି ଏହାକୁ ବ୍ୟାଖ୍ୟା କରାଯିବା ଉଚିତ ନୁହେଁ ବୋଲି ଗୃହମନ୍ତ୍ରୀ କହିଛନ୍ତି। ବରଂ ବର୍ତ୍ତମାନ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ଏବଂ ଫଳାଫଳ ହାସଲ କରାଯାଉଛି। ଭବିଷ୍ୟତରେ ମଧ୍ୟ ଏପରି କାର୍ଯ୍ୟ ଜାରି ରହିବ। ଡ୍ରଗ୍ ମାଫିଆଙ୍କୁ କୌଣସି ଉପାୟରେ କ୍ଷମା କରାଯିବ ନାହିଁ।

ଧରାପଡିଲା 50 ବେଆଇନ ଲାବୋରେଟୋରୀ :
ଶାହା କହିଛନ୍ତି ଯେ, precursor chemicals ଉତ୍ପାଦନ କରୁଥିବା ଦେଶ ମଧ୍ୟରେ ଭାରତ ଅନ୍ୟତମ। ନିଶା ବିରୋଧରେ ଲଢେଇରେ ଏହା ଚିନ୍ତାର ବିଷୟ ପାଲଟିଛି ବୋଲି ସେ ଦର୍ଶାଇଛନ୍ତି।

ଦେଶରେ ଅତି କମରେ 50 ଟି ବେଆଇନ ଲାବୋରେଟୋରୀ ଧରାପଡିଛି। ଆମକୁ ତୁରନ୍ତ ଏହାକୁ ବନ୍ଦ କରିବାକୁ ପଡିବ। ମୋଦୀ ସରକାର 2019 ଠାରୁ ଡ୍ରଗ୍ସ ବିରୋଧରେ ଆଭିମୁଖ୍ୟ ବଦଳାଇଛନ୍ତି।