ବୋହୂ ଐଶ୍ୱର୍ଯ୍ୟାଙ୍କ ଉପରେ ନାରାଜ ଅମିତାଭ ବଚ୍ଚନ! ସୋସିଆଲ ମିଡିଆରେ ଘୁରି ବୁଲୁଛି ବିଗ୍ ବିଙ୍କ ଘର କଥା
ନୂଆଦିଲ୍ଲୀ: ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସଂପର୍କ ବଚ୍ଚନ ପରିବାର ସହ ଠିକ୍ଠାକ୍ ଚାଲୁନାହିଁ । ଏହି ପ୍ରଶ୍ନ ଏଇଥିପାଇଁ ଉଠୁଛି କି ଗତ କିଛିଦିନ ତଳେ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦାଙ୍କ ପ୍ରଥମ ଫିଲ୍ମ ‘ଦି ଆର୍ଚିଜ୍’ ପ୍ରିମିୟରରେ ପୁରା ପରିବାରକୁ ଏକ ସଙ୍ଗେ ଦେଖିବାକୁ ମିଳିଥିଲା କିନ୍ତୁ ଏହାପରେ ବଚ୍ଚନ ପରିବାରରେ ଏପରି କିଛି ଘଟିଥିଲା ଫଳରେ ବିଗ୍ ବି ବୋହୂ ଐଶ୍ୱର୍ଯ୍ୟାଙ୍କ ଉପରେ ନାରାଜ ହୋଇଯାଇଥିଲେ । ଏପରିକି ଏହି ମାମଲା ସୋସିଆଲ ମିଡିଆ ପର୍ଯ୍ୟନ୍ତ ପହଞ୍ଚି ଯାଇଥିଲା ।
ଫିଲ୍ମ କ୍ୟାରିୟର ବ୍ୟତିତ ଏକ ସୁନ୍ଦର ହସଖୁସିର ପରିବାରକୁ ନେଇ ବଚ୍ଚନ ବି ପ୍ରଶଂସା ସାଉଁଟିଥାନ୍ତି । କିନ୍ତୁ ଏବେ ମନେ ହେଉଛି ବଚ୍ଚନ ପରିବାରରେ ଅଶାନ୍ତି ସୃଷ୍ଟି ହୋଇଛି । ଏହାର କାରଣ ବଚ୍ଚନ ପରିବାରର ବୋହୂ ତଥା ବି ଟାଉନ୍ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ । ବିଗ୍ ବି ନିଜ ଝିଅ ଶ୍ୱେତା ନନ୍ଦାଙ୍କୁ ନିଜ ଘର ପ୍ରତୀକ୍ଷା ଉପହାର ଆକାରରେ ଦେଇ ଦେଇଛନ୍ତିି । ଫ୍ୟାନ୍ସଙ୍କ ମତ ଏହି ସଂପତ୍ତିକୁ ନେଇ ବଚ୍ଚନ ପରିବାରେ ଅଶାନ୍ତି ସୃଷ୍ଟି ହୋଇଛି । ଏହି କାରଣରୁ ଅମିତାଭ ବୋହୁ ଉପରେ ନାରାଜ ହୋଇଛନ୍ତି ଓ ତାଙ୍କୁ ଇନଷ୍ଟାଗ୍ରାମରେ ଅନଫଲୋ କରି ଦେଇଛନ୍ତି ।
ଅମିତାଭ ବଚ୍ଚନ ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହିଥାନ୍ତି । ଇନଷ୍ଟାଗ୍ରାମରେ ବିଗ୍ ବିଙ୍କର ୩୬.୩ ମିଲିୟନ ଫଲୋୟର୍ସ ରହିଛନ୍ତି । ଏହା ବ୍ୟତିତ ୭୪ଜଣଙ୍କୁ ଅମିତାଭ ଫଲୋ ବ୍ୟାକ୍ କରିଥାନ୍ତି । ଏହି ତାଲିକାରେ ସଲମାନ ଖାନ୍, ଅଭିଷେକ ବଚ୍ଚନ, କାଟ୍ରିନା କୈଫ, ଶ୍ୱେତା ବଚ୍ଚନ, ଆଲିଆ ଭଟ୍ଟ, ବିରାଟ କୋହଲି, ନାତୁଣୀ ନବ୍ୟା ନଭେଲି ନନ୍ଦା ପ୍ରଭୃତି ରହିଛନ୍ତି । କିନ୍ତୁ ଏହି ତାଲିକାରେ ବୋହୂ ଐଶ୍ୱର୍ଯ୍ୟା ରାୟ ବଚ୍ଚନ ନାହାନ୍ତି ।
