(Video) ପୁଣି ଏକ ବଡ଼ ଟ୍ରେନ ଦୁର୍ଘଟଣା: ରେଳ ଧାରଣାରୁ ଖସିଗଲା ୮ଟି ବଗି
ନୂଆଦିଲ୍ଲୀ: ଗତ ଜୁନ ମାସ ୨ ତାରିଖ ସନ୍ଧ୍ୟାରେ ବାହାନଗାରେ ଘଟିଥିବା ଭୟଙ୍କର ଟ୍ରେନ ଦୁର୍ଘଟଣା ଆଜି ପର୍ଯ୍ୟନ୍ତ ମନରୁ ଲିଭି ନାହିଁ । ଏହା ମଧ୍ୟରେ ଦେଶର ବିଭିନ୍ନ ସ୍ଥାନରେ ଛୋଟବଡ଼ ଏକାଧିକ ଟ୍ରେନ ଦୁର୍ଘଟଣା ଦେଖିବାକୁ ମିଳିଛି । ତେବେ ଆଜି ପୁଣି ଏକ ଟ୍ରେନ ଦୁର୍ଘଟଣା ଘଟିଛି । ଛତିଶଗଡ଼ର ବିଳାସପୁର ରେଳ ଡିଭିଜନରେ ଦେଖିବାକୁ ମିଳିଛି ଏକ ବଡ଼ ଟ୍ରେନ ଦୁର୍ଘଟଣା ।
ସୂଚନା ମୁତାବକ, ଛତିଶଗଡ଼ରେ ହୋଇଥିବା ଟ୍ରେନ ଦୁର୍ଘଟଣାରେ ଗୋଟିଏ ମାଲବାହୀ ଟ୍ରେନର ୮ଟି ବଗି ରେଳ ଧାରଣାରୁ ଖସି ଯାଇଛି । ଫଳରେ ରେଳ ଲାଇନ୍ କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି । ଏହି ଦୁର୍ଘଟଣା ଫଲରେ ଏବେ କୌଣସି ଯାତ୍ରୀବାହୀ ଟ୍ରେନ ଚଳାଚଳ କରିପାରିବ ନାହିଁ । ଏହି ଖବର ପାଇଁ ରେଳବାଇର ଏକ ଟିମ୍ ଦୁର୍ଘଟଣା ସ୍ଥଳରେ ପହଞ୍ଚିଛି । ଯାଞ୍ଜଗୀର ଚାମ୍ପା ଜିଲ୍ଲାର ଅକଲତରା ଓ ନୈଲା ରେଲୱେ ଷ୍ଟେସନ ମଧ୍ୟରେ ଏହି ଦୁର୍ଘଟଣା ଘଟିଥିଲା । ଏହି ରେଳ ଲାଇନରେ ଦୈନିକ ବହୁ ସଂଖ୍ୟାରେ ପାସେଞ୍ଜର ଟ୍ରେନ ଓ କୋଇଲା ଭର୍ତ୍ତି ମାଲବାହୀ ଟ୍ରେନ ଯାତାୟାତ କରିଥାଏ ।
ଆଜି ଦ୍ୱିପ୍ରହର ସମୟରେ ମୁମ୍ବାଇ-ହାୱଡ଼ା ରେଳ ଲାଇନରେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ଘଟିଥିବା ସ୍ଥାନରେ ୩ଟି ଲାଇନ ରହିଥିବା ବେଳେ ସେଠାରେ ମାଲଗାଡ଼ିର ବଗିଗୁଡ଼ିକ ଏଣେତେଣେ ବିକ୍ଷିପ୍ତ ଭାବେ ପଡ଼ିଛି । ଏହି କାରଣରୁ ଉକ୍ତ ରୁଟରେ କୌଣସି ଟ୍ରେନ ଚଳାଚଳ କରିପାରିନଥିଲା । ଏଥିସହିତ ଦୁର୍ଘଟଣା ଫଳରେ କୋଇଲା ଟ୍ରାନ୍ସପୋର୍ଟିଂ କାମ ମଧ୍ୟ ପ୍ରଭାବିତ ହୋଇଛି । ଏହି ଦୁର୍ଘଟଣାରେ କାହାର ମୃତ୍ୟୁ ଘଟିନଥିବା ବିଳାସପୁର ରେଳ ମଣ୍ଡଳର ସିପିଆରଓ ସଙ୍କେତ ରଞ୍ଜନ ସୂଚନା ଦେଇଛନ୍ତି ।
बिलासपुर रेल मंडल में मालगाड़ी की 8 बोगी बेपटरी हो गई है.
रेल लाइन क्षतिग्रस्त होने से पैसेंजर ट्रेन प्रभावित हो रही है।
ये हादसा जांजगीर चांपा जिले के अकलतरा और नैला रेलवे स्टेशन के बीच हुई है।
@gyanendrat1 pic.twitter.com/8tMTrYwHSX
— Ravi Miri ABP News (@Ravimiri1) July 27, 2023