ଗିରଫ ହେଲେ ଦେଶଦ୍ରୋହୀ ଯବାନ, ପାକିସ୍ତାନୀ ISIକୁ ଦେଉଥିଲେ ଗୁପ୍ତ ତଥ୍ୟ, ଫିରୋଜପୁର ଜେଲ୍ ସହିତ ଅଛି ସମ୍ପର୍କ

ଅମୃତସର: ଗିରଫ ହେଲେ ଦେଶଦ୍ରୋହୀ ଯବାନ । ପାକିସ୍ତାନର ଗୁଇନ୍ଦା ସଂସ୍ଥା ISIକୁ ଗୁପ୍ତ ସୂଚନା ଯୋଗାଇବା ଅଭିଯୋଗରେ ଜଣେ ସେନା ଯବାନ ଦବିନ୍ଦର ସିଂହଙ୍କୁ ଗିରଫ କରିଛି ପଞ୍ଜାବ ଷ୍ଟେଟ ସ୍ପେଶାଲ ଅପରେସନ ସେଲ (SSOC) । ସ୍ପେଶାଲ୍ ସେଲ୍ ଜମ୍ମୁ ଓ କାଶ୍ମୀରର ଉରି ଜିଲ୍ଲାର ବାରାମୁଲ୍ଲାରୁ ଦବିନ୍ଦର ସିଂହଙ୍କୁ ଗିରଫ କରିଛି। ସେ ମୂଳତଃ ପଞ୍ଜାବର ସଙ୍ଗରୁର ଜିଲ୍ଲାର ନିହାଲଗଡ଼ ଶାଦିହାରୀ ଗ୍ରାମର ବାସିନ୍ଦା।

ଗିରଫ ଗୁପ୍ତଚରଙ୍କ ସୂଚନା ଉପରେ କାର୍ଯ୍ୟାନୁଷ୍ଠାନ

ସ୍ପେଶାଲ୍ ସେଲ୍ ଅନୁଯାୟୀ, ପୂର୍ବରୁ ଗିରଫ ପୂର୍ବତନ ସେନା କର୍ମଚାରୀ ଗୁରପ୍ରୀତ ସିଂହ ଓରଫ ଗୁରିଙ୍କ ସୂଚନା ଉପରେ ଅଭିଯୁକ୍ତ ଦବିନ୍ଦର ସିଂହଙ୍କୁ ଗିରଫ କରାଯାଇଛି। ଉଭୟ ଗୁପ୍ତଚର କାର୍ଯ୍ୟକଳାପରେ ଜଡିତ ଥିଲେ। ପଚରାଉଚରା ସମୟରେ ଏହା ମଧ୍ୟ ସାମ୍ନାକୁ ଆସିଛି ଯେ ଦବିନ୍ଦର ସିଂହଙ୍କର ଫିରୋଜପୁର ଜେଲ୍ ସହିତ ମଧ୍ୟ ସମ୍ପର୍କ ଅଛି । ସେ ଫିରୋଜପୁର ଜେଲରେ ବନ୍ଦୀ ଥିବା ସମୟରେ ଗୁରପ୍ରୀତ ସିଂହଙ୍କୁ ସାହାଯ୍ୟ କରିଥିଲେ। ଅଭିଯୋଗ ହେଉଛି ଯେ ଦବିନ୍ଦର ଭାରତୀୟ ସେନାର ଗୁପ୍ତ କାଗଜପତ୍ର ସଂଗ୍ରହ କରିବାରେ ଗୁରୁପ୍ରୀତଙ୍କୁ ସାହାଯ୍ୟ କରିଥିଲେ। ଏହି ମାମଲାରେ ଏନେଇ ଅଧିକ ତଦନ୍ତ ଚାଲିଛି।