୫ଟି ରାଜ୍ୟରେ ହେବ ବିଧାନସଭା ନିର୍ବାଚନ: ତାରିଖ ଘୋଷଣା କଲେ ନିର୍ବାଚନ କମିଶନର
ନୂଆଦିଲ୍ଲୀ: ୫ ଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନର ତାରିଖ ଆଜି ଘୋଷଣା କରାଯାଇଛି । ଏକ ସାମ୍ବାଦିକ ସମ୍ମିଳନୀରେ ନିର୍ବାଚନ ଆୟୋଗ ନିର୍ବାଚନ ତାରିଖ ଘୋଷଣା କରିଛି । ମଧ୍ୟପ୍ରଦେଶ, ଛତିଶଗଡ, ରାଜସ୍ଥାନ, ତେଲେଙ୍ଗାନା ଏବଂ ମିଜୋରାମରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।
ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ, ୫ ଟି ରାଜ୍ୟର ସମସ୍ତ ୬୭୯ ବିଧାନସଭା ଆସନରେ ନିର୍ବାଚନ ଅନୁଷ୍ଠିତ ହେବ । ମଧ୍ୟପ୍ରଦେଶରେ ୫.୬ କୋଟି ଭୋଟର ଅଛନ୍ତି । ରାଜସ୍ଥାନରେ ୫.୨୫ କୋଟି ଭୋଟର ଅଛନ୍ତି । ଛତିଶଗଡରେ ୨.୦୩ କୋଟି ଭୋଟର ଭୋଟ୍ ଦେବେ । ମିଜୋରାମରେ ୮.୨୫ ଲକ୍ଷ ଭୋଟର ଭୋଟ୍ ଦେବେ । ଏହି ରାଜ୍ୟଗୁଡିକରେ ୬୦.୨ ଲକ୍ଷ ଭୋଟର ଅଛନ୍ତି ଯେଉଁମାନେ ପ୍ରଥମ ଥର ପାଇଁ ଭୋଟ୍ ଦେବେ ।
-ମଧ୍ୟପ୍ରଦେଶରେ କେବେ ମତଦାନ ଓ କେବେ ଭୋଟ ଗଣନା ?
ଭୋଟିଂ -୧୭ ନଭେମ୍ବର ଗଣନା -୩ ଡିସେମ୍ବର
-ରାଜସ୍ଥାନରେ କେବେ ମତଦାନ ଓ କେବେ ଭୋଟ ଗଣନା ?
ଭୋଟିଂ -୨୩ ନଭେମ୍ବର ଗଣନା -୩ ଡିସେମ୍ବର
-ଛତିଶଗଡରେ କେବେ ମତଦାନ ଓ କେବେ ଭୋଟ ଗଣନା ?
ଭୋଟ୍ -୭ ଏବଂ ୧୭ ନଭେମ୍ବର, ଭୋଟ୍ ଗଣନା -୩ ଡିସେମ୍ବର
-ତେଲେଙ୍ଗାନାରେ କେବେ ମତଦାନ ଓ କେବେ ଭୋଟ ଗଣନା ?
ଭୋଟ୍ -୩୦ ନଭେମ୍ବର ଗଣନା -୩ ଡିସେମ୍ବର
-ମିଜୋରାମରେ କେବେ ମତଦାନ ଓ କେବେ ଭୋଟ ଗଣନା ?
ମତଦାନ – ୭ ନଭେମ୍ବର, ଗଣନା – ୩ ଡିସେମ୍ବର
ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଆହୁରି କହିଛନ୍ତି ଯେ, ୫ ଟି ରାଜ୍ୟରେ ୭.୮ କୋଟି ମହିଳା ଭୋଟର ଅଛନ୍ତି । ୨୩.୬ ନୂଆ ମହିଳା ଭୋଟର ଏଥର ଭୋଟ୍ ଦେବେ । ନିର୍ବାଚନ ଆୟୋଗ ସମସ୍ତ ୫ଟି ରାଜ୍ୟ ପରିଦର୍ଶନ କରିଥିଲେ । ଆମେ ଦଳର ପ୍ରତିନିଧୀଙ୍କୁ ଭେଟିଛୁ । ମତଦାନ କେନ୍ଦ୍ରରେ ପ୍ରତ୍ୟେକ ସୁବିଧା ରହିବ । ବରିଷ୍ଠ ନାଗରିକମାନେ ଘରୁ ଭୋଟ୍ ଦେବେ । ୮୦ ବର୍ଷରୁ ଅଧିକ ଭୋଟରଙ୍କ ସଂଖ୍ୟା ହେଉଛି ୨୪.୭ ଲକ୍ଷ । ପ୍ରତ୍ୟେକ ମତଦାନ ବୁଥକୁ କଣ୍ଟ୍ରୋଲ ରୁମରୁ ତଦାରଖ କରାଯିବ । ୧ ଲକ୍ଷ ୭୭ ହଜାର ମତଦାନ କେନ୍ଦ୍ର ନିର୍ମାଣ ହେବ । ଭୋଟ୍ ଦେବାର ଦୁଇ ଦିନ ପୂର୍ବରୁ ପ୍ରଚାର ବନ୍ଦ ହେବ ।
ରାଜୀବ କୁମାର କହିଛନ୍ତି ଯେ, ସରକାରୀ କର୍ମଚାରୀମାନେ ଇସିଙ୍କ ନିର୍ଦ୍ଦେଶରେ କାର୍ଯ୍ୟ କରିବେ । c VIGIL ଆପ୍ ମାଧ୍ୟମରେ ନିର୍ବାଚନରେ ଅନିୟମିତତା ବିଷୟରେ ଆପଣ ଅଭିଯୋଗ କରିପାରିବେ । ଅଭିଯୋଗ ଗ୍ରହଣ କରିବା ପରେ ୧୦୦ ମିନିଟ ମଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ୨ କିଲୋମିଟର ଭିତରେ ମତଦାନ ବୁଥ୍ ରହିବ । ନିର୍ବାଚନ ସମୟରେ ସରକାର କୌଣସି ଘୋଷଣା କରିପାରିବେ ନାହିଁ । ୧୭ ଅକ୍ଟୋବର ସୁଦ୍ଧା ଭୋଟର ତାଲିକା ପ୍ରକାଶ ପାଇବ ।
ରାଜୀବ କୁମାର କହିଛନ୍ତି ଯେ, ୭ ନଭେମ୍ବରରେ ମିଜୋରାମରେ ନିର୍ବାଚନ ହେବ । ଛତିଶଗଡରେ ଦୁଇଟି ପର୍ଯ୍ୟାୟରେ ନିର୍ବାଚନ ହେବ । ପ୍ରଥମ ପର୍ଯ୍ୟାୟ ୭ ନଭେମ୍ବରରେ ଏବଂ ଦ୍ୱିତୀୟ ପର୍ଯ୍ୟାୟ ୧୭ ନଭେମ୍ବରରେ ହେବ । ଗୋଟିଏ ପର୍ଯ୍ୟାୟରେ ରାଜସ୍ଥାନରେ ନିର୍ବାଚନ ଅନୁଷ୍ଠିତ ହେବ । ନଭେମ୍ବର ୨୩ ରେ ଏଠାରେ ନିର୍ବାଚନ ହେବ । ଡିସେମ୍ବର ୩ ତାରିଖରେ ୫ ରାଜ୍ୟ ବିଧାନସଭା ନିର୍ବାଚନର ଭୋଟ୍ ଗଣତି ହେବ ।
