ଲୋକଙ୍କୁ ଆଶ୍ୱସ୍ତି ; ଫେବୃଆରୀ ୨୮ରୁ ମାର୍ଚ୍ଚ ୨ ଯାଏଁ ବର୍ଷା, ଏହି ରାଜ୍ୟରେ ପବନ ବହିବା ସହ ବର୍ଷା ସମ୍ଭାବାନା
ନୂଆଦିଲ୍ଲୀ : ଦେଶର ଅଧିକାଂଶ ରାଜ୍ୟରେ ତାପମାତ୍ରା କ୍ରମାଗତ ଭାବେ ବୃଦ୍ଧି ପାଉଛି । ଉତ୍ତରରୁ ଦକ୍ଷିଣ ପର୍ଯ୍ୟନ୍ତ ରାଜ୍ୟଗୁଡିକରେ ହାରାହାରି ତାପମାତ୍ରା ଉଚ୍ଚରହିଛି । ୟୁପି, ଦିଲ୍ଲୀ, ବିହାର ଭଳି ରାଜ୍ୟ ଫେବୃଆରୀରେ ତାପମାତ୍ରା ଏପ୍ରିଲ-ମେ ଭଳି ଅନୁଭବ ହେଉଛି । ଏଭଳି ପରିସ୍ଥିତିରେ ଲୋକଙ୍କୁ ଆଶ୍ୱସ୍ତି ମିଳିବା ଭଳି ଏକ ଖବର ମିଳିଛି । ପାଣିାପଗରେ ପରିବର୍ତ୍ତନ ହେବା ସହ କେତେକ ରାଜ୍ୟରେ ବର୍ଷା ସହ ବଜ୍ରପାତ ଏବଂ ପ୍ରବଳ ବେଗରେ ପବନ ବହିବା ବୋଲି କେନ୍ଦ୍ରୀୟ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଉଛି ।
ପାଣିପାଗ ବିଭାଗର ସୂଚନାନୁସାରେ, ହିମାଚଳ ପ୍ରଦେଶ ପାଣିପାଗରେ ପରିବର୍ତ୍ତନ ହେବାକୁ ଯାଉଛି । କେତେକ ରାଜ୍ୟରେ ଏହାର ପ୍ରଭାବ ଫେବୃଆରୀ ୨୮ ରୁ ମାର୍ଚ୍ଚ ୨ ପର୍ୟ୍ୟନ୍ତ ରହିବ । ଏଥି ସହିତ ଆସନ୍ତା ୪୮ ଘଣ୍ଟା ପାଇଁ ପଞ୍ଜାବ, ହରିୟାଣା ଏବଂ ଗୁଜୁରାଟର ସର୍ବାଧିକ ତାପମାତ୍ରାରେ ବୃଦ୍ଧି ହେବ ନାହିଁ ।
ଏହି ରାଜ୍ୟଗୁଡିକରେ ବର୍ଷା ପୂର୍ବାନୁମାନ
ପାଣିପାଗ ବିଭାଗ ଅନୁଯାୟୀ, ଫେବୃଆରୀ ୨୮ ରୁ ହିମାଳୟ ଅଞ୍ଚଳ ଏବଂ ଉତ୍ତର ପଶ୍ଚିମ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି। ମାର୍ଚ୍ଚ ୨୮ ରୁ ମାର୍ଚ୍ଚ ୨ ମଧ୍ୟରେ ଉତ୍ତର ଭାରତର ପାହାଡ଼ିଆ ରାଜ୍ୟଗୁଡ଼ିକ ହାଲୁକା ରୁ ମଧ୍ୟମ ଧରଣର ବର୍ଷା ଏବଂ ତୁଷାରପାତ ହେବ । ଏହି ସମୟରେ ବଜ୍ରପାତ ହେବାର ସମ୍ଭାବନା ମଧ୍ୟ ରହିଛି। ଏଥି ସହିତ ପଞ୍ଜାବରେ ବର୍ଷା ପାଇଁ ସତର୍କ ସୂଚନା ଥିବାବେଳେ ମାର୍ଚ୍ଚ ୧ ଓ ୨ରେ ହରିୟାଣା ଓ ଚଣ୍ଡିଗଡରେ ହେବାର ସମ୍ଭାବନା ରହିଛି।
ମାର୍ଚ୍ଚ ୧ରେ କାଶ୍ମୀର ଉପତ୍ୟକା ଏବଂ ହିମାଚଳ ପ୍ରଦେଶରେ ପ୍ରବଳ ବର୍ଷା ହୋଇପାରେ। ପାଣିପାଗ ବିଭାଗ ଅନୁଯାୟୀ, ହିମାଚଳ ପ୍ରଦେଶର ଜାମ୍ମୁ କାଶ୍ମୀରରେ ଫେବୃଆରୀ ୨୮ ବର୍ଷା ସହ ପବନ ବହିବାର ସମ୍ଭାବନା ରହିଛି । ସେହିପରି ମାର୍ଚ୍ଚ ୧ ଓ ୨ରେ ଉତ୍ତରାଖଣ୍ଡ ବଜ୍ରପାତ ହେବାର ସମ୍ଭାବନା ରହିଛି । ଏଥିସହିତ ଫେବୃଆରୀ ୨୮ ଏବଂ ମାର୍ଚ୍ଚ ୧ ରେ ପଞ୍ଜାବ, ହରିୟାଣା ଏବଂ ଚଣ୍ଡିଗଡ଼ରେ ୩୦ରୁ ୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଛି।
ଗତ ୨୪ ଘଣ୍ଟାରେ ମଧ୍ୟରେ ତେଲେଙ୍ଗାନା, ଆନ୍ଧ୍ରପ୍ରଦେଶ, ଆଭ୍ୟନ୍ତରୀଣ ମହାରାଷ୍ଟ୍ର, ଗୁଜୁରାଟ, ମଧ୍ୟପ୍ରଦେଶ ଏବଂ ଛତିଶଗଡର କିଛି ଅଞ୍ଚଳରେ ସର୍ବାଧିକ ତାପମାତ୍ରା ୩୫-୩୭ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ଅରୁଣାଚଳ ପ୍ରଦେଶ, ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ, ଜାମ୍ମୁ କାଶ୍ମୀର, ଉତ୍ତରପ୍ରଦେଶ, ହିମାଚଳ ପଶ୍ଚିମବଙ୍ଗ, ସିକ୍କିମ, ଆସାମ, ମେଘାଳୟ, ନାଗାଲାଣ୍ଡ, ମଣିପୁର, ମିଜୋରାମ ଏବଂ ତ୍ରିପୁରା ଉପରେ ହାଲୁକା ବର୍ଷା ରେକର୍ଡ କରାଯାଇଛି।
