Smart Phone ୟୁଜର ଧ୍ୟାନ ଦିଅନ୍ତୁ! Facebook, Instagram-YouTubeରେ ଆପଣଙ୍କ ଉପରେ ରହିଛି ନଜର: ହୋଇପାରେ ବିପଦ
ଓଡ଼ିଶା ଭାସ୍କର: ସ୍ମାର୍ଟପୋନ୍ ୟୁଜରମାନଙ୍କ ପାଇଁ ଆସିଛି ଏକ ବଡ଼ ଖବର । ଆଇଓଏସ, ଆଣ୍ଡ୍ରଏଡ ଏବଂ ୱିଣ୍ଡୋଜ ଡିଭାଇସ ଜରିଆରେ ୟୁଜରମାନଙ୍କ ଉପରେ ନଜର ରଖୁଛନ୍ତି କିଛି କମ୍ପାନୀ । ଏଭଳି କିଛି କମ୍ପାନୀ ଉପରେ ମେଟା ପ୍ଲାଟଫର୍ମ ଏବେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ୟୁଜରମାନଙ୍କ ଉପରେ ନଜର ରଖିବା ଏବଂ ସେମାନଙ୍କ ତଦାରଖ କରିବା ପାଇଁ ସ୍କ୍ରାପିଙ୍ଗ, ଫିସିଙ୍ଗ ଆକ୍ଟିଭିଟି ସହିତ ସୋସିଆଲ ଇଞ୍ଜିନିୟରିଂ ମଧ୍ୟ ଜାରି ରଖିଥିଲେ । ଯାହା ବିରୋଧରେ ବର୍ତ୍ତମାନ ମେଟା ବଡ଼ କାର୍ଯ୍ୟାନୁଷ୍ଠାନ ନେଇଛି ।
ଫିସିଙ୍ଗ ଆକ୍ଟିଭିଟି ଏବଂ ସୋସିଆଲ ଇଞ୍ଜିନିୟରିଙ୍ଗ ଇତ୍ୟାଦିରେ ପପୁଲାର ସୋସିଆଲ ମିଡିଆ ପ୍ଲାଟଫର୍ମ ଫେସବୁକ, ଇନଷ୍ଟାଗ୍ରାମ, ୟୁଟ୍ୟୁବ ଭଳି ପ୍ଲାଟଫର୍ମର ବ୍ୟବହାର କରାଯାଉଥିଲା । ତେବେ ଏକ ସ୍ପେଶାଲ SMS ମେଥଡକୁ ଏଥିପାଇଁ ବ୍ୟବହାର କରୁଥିଲେ ଏହିସବୁ କମ୍ପାନୀ । ଇଟାଲୀ, ସ୍ପେନ୍ ଏବଂ ୟୁଏଇର ମୋଟ ୮ଟି କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ନିଆ ଯାଇଥିବା ସୂଚନା ଦେଇଛି ମେଟା ।
ଏହିସବୁ କମ୍ପାନୀ ଥିଲେ ସାମିଲ:
- Cy4Gate/ELT Group
- RCS Labs
- IPS Intelligence
- Variston IT
- TrueL IT
- Protect Electronic Systems
- Negg Group
- Mollitiam Industries
ରିପୋର୍ଟ ଅନୁସାରେ, କମ୍ପାନୀ ବ୍ୟବହାର କରୁଥିବା ମାଲଓୟାର ଦ୍ୱାରା ୟୁଜରଙ୍କ ଲୋକେସନ୍, ଫଟୋ, ମିଡିଆ ସହିତ କଣ୍ଟେଣ୍ଟସ, କ୍ୟାଲେଣ୍ଡର, ଇ-ମେଲ, ଏସଏମଏସ ଏବଂ ସୋସିଆଲ ମିଡିଆ ତଥା ମେସେଜିଙ୍ଗ ଆପ୍ ଗୁଡ଼ିକୁ ଡାଟା ଚୋରି କରାଯାଉଥିଲା । ଏହାସହିତ ୟୁଜରଙ୍କ କ୍ୟାମେରା, ମାଇକ୍ରୋଫୋନ୍ ଏବଂ ସ୍କ୍ରିନସଟକୁ ମଧ୍ୟ ଆକ୍ସେସ କରିପାରୁଥିଲା ଏହି ମାଲଓୟାର ।
