ଅଟୋ-ଟ୍ୟାକି୍ସ ଓ ରିକ୍ସା ଚାଳକଙ୍କୁ ମିଳିବ ୫ ହଜାର
ନୂଆଦିଲ୍ଲୀ,୨ ।୪: ଅଟୋ-ଟ୍ୟାକ୍ସି ଓ ଇ-ରିକ୍ସା ଚଳାଉଥିବା ଲୋକଙ୍କୁ ୫-୫ ହଜାର ଟଙ୍କାର ଦେବାକୁ ଘୋଷଣା କରିଛନ୍ତି ଦିଲ୍ଲୀ ସରକାର । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ, ତାଙ୍କ ପାଖକୁ ଲଗାତାର ଅଟୋ-ଟ୍ୟାକ୍ସି ଓ ରିକ୍ସା ଚାଳକଙ୍କଠାରୁ କଲ୍ ଆସୁଛି । କରୋନା ଭାଇରସ୍ ଓ ଲକ୍-ଡାଉନ୍ କାରଣରୁ ସେମାନେ ଅନାହାରରେ ଅଛନ୍ତି । ସେମାନଙ୍କ ଘରେ ଖାଦ୍ୟ ସାମଗ୍ରୀ ନାହିଁ । ସେମାନଙ୍କ ସୂଚନା ଆମ ପାଖରେ ନଥିବାରୁ ସେ ବିଷୟରେ ତଦନ୍ତ ଆରମ୍ଭ ହୋଇଛି । ଖୁବଶୀଘ୍ର ସେମାନଙ୍କୁ ସହାୟତା ପ୍ରଦାନ କରାଯିବ ।’
ଏଥିସହ ସେ କହିଛନ୍ତି ଯେ, ପ୍ରତିଦିନ ୫ରୁ ୬ ଲକ୍ଷ ଲୋକ ଆଶ୍ରୟ ଗୃହରେ ଖାଦ୍ୟ ଖାଉଛନ୍ତି । ସମସ୍ତଙ୍କୁ ଲକ୍-ଡାଉନ୍ ନିୟମ ଅନୁସରଣ କରିବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି ।
