ମୁସଲମାନ ଯୁବକ ପହଞ୍ଚିଲା ମନ୍ଦିରରେ, ଇସଲାମ ଛାଡ଼ି ପାଲଟିଲା କୃଷ୍ଣ ଯାଦବ, ଆଉ ତା’ପରେ…

କାନପୁର: ଉତ୍ତର ପ୍ରଦେଶର ଅଯୋଧ୍ୟାରୁ ସାମ୍ନାକୁ ଆସିଲା ଏକ ଆକର୍ଷଣୀୟ ଖବର । ଏଠାରେ ଜଣେ ମୁସଲିମ ଯୁବକ ମନ୍ଦିରରେ ପହଞ୍ଚି ସମ୍ପୂର୍ଣ୍ଣ ରୀତିନୀତି ସହିତ ସନାତନ ଧର୍ମ ଗ୍ରହଣ କରିଛନ୍ତି । ଏବେ ଜଣେ ସାଧାରଣ ଯୁବକରୁ ବନିଯାଇଛନ୍ତି ସେ କୃଷ୍ଣ ଯାଦବ । ସନାତନ ଧର୍ମର ସୁନ୍ଦରତା ଦେଖି ସେ ଏହି ଧର୍ମ ଗ୍ରହଣ କରିଥିବା କହିଛନ୍ତି ଯୁବକ । ଚାଲନ୍ତୁ ଜାଣିବା ତା ପରେ କଣ ହେଲା ।

ଯୁବକ ଜଣକ ଥାନା କ୍ୟାଣ୍ଟ ଅଞ୍ଚଳର କରମଅଲିର ପୂର୍ବାରେ ଭଡ଼ାରେ ରୁହନ୍ତି। ସେ ଅଯୋଧ୍ୟାର ଏକ ମିଠା ଦୋକାନରେ କାମ କରନ୍ତି। ତାଙ୍କ ପିତାମାତାଙ୍କ ମୃତ୍ୟୁ ହୋଇସାରିଛି। ଏବଂ ତାଙ୍କ ଭଉଣୀ ଶବନମ ରାୟପୁର ରୋଡ୍ କୋଟସରାଇରେ ରୁହନ୍ତି।

ମୁସଲମାନରୁ ହିନ୍ଦୁ ହୋଇଥିବା କୃଷ୍ଣ ଯାଦବ କହିଛନ୍ତି ଯେ, ସେ ନିଜ ଧର୍ମ ଅପେକ୍ଷା ସନାତନ ଧର୍ମରେ ଅଧିକ ଆଗ୍ରହୀ ଥିଲେ। ସେ କିଛି ସମୟ ପାଇଁ ସନାତନ ଧର୍ମର ଶିକ୍ଷା, ପରମ୍ପରା ଏବଂ ସଂସ୍କୃତି ଦ୍ୱାରା ଗଭୀର ଭାବରେ ପ୍ରଭାବିତ ହୋଇଥିଲେ।

ମନ୍ଦିରରେ ଆରତୀ, ପୂଜା-ପାଠ ଏବଂ ଧାର୍ମିକ ଗ୍ରନ୍ଥର ବ୍ୟାଖ୍ୟା ତାଙ୍କ ମନରେ ଗଭୀର ଭକ୍ତି ସୃଷ୍ଟି କରିଥିଲା। ଏହି ଭାବନାରେ ଅନୁପ୍ରାଣିତ ହୋଇ ସେ ସନାତନ ଧର୍ମ ଗ୍ରହଣ କରିବାକୁ ନିଷ୍ପତ୍ତି ନେଇଥିଲେ।

ଦିକ୍ଷା ସମୟରେ କଣ କହିଥିଲେ ?

ଧର୍ମ ଦୀକ୍ଷା ସମୟରେ ଭାରତକୁଣ୍ଡରେ ଅବସ୍ଥିତ ମନ୍ଦିରର ମହନ୍ତ ପରମାତ୍ମା ଦାସ ଏବଂ ଅନ୍ୟାନ୍ୟ ଭକ୍ତମାନେ ଉପସ୍ଥିତ ଥିଲେ। ଧାର୍ମିକ ରୀତିନୀତି ଅନୁସାରେ ସମସ୍ତେ କୃଷ୍ଣ ଯାଦବଙ୍କୁ ସ୍ୱାଗତ କରିଥିଲେ।

ଏହି ଅବସରରେ ତାଙ୍କୁ ହନୁମାନ ଚାଳିଶା ପ୍ରଦାନ କରାଯାଇଥିଲା ଏବଂ ପ୍ରସାଦ ମଧ୍ୟ ଦିଆଯାଇଥିଲା।

ସେହି ସମୟରେ ମହନ୍ତ ପରମାତ୍ମା ଦାସ କହିଥିଲେ ଯେ, “ଧର୍ମ କୌଣସି ଜାତି କିମ୍ବା ସମ୍ପ୍ରଦାୟର ବନ୍ଧନ ନୁହେଁ, ବରଂ ଏହା ଆତ୍ମାର ଆହ୍ୱାନ। କୃଷ୍ଣ ଯେଉଁ ଭକ୍ତି ସହିତ ସନାତନ ଧର୍ମ ଗ୍ରହଣ କରିଛନ୍ତି ତାହା ସମାଜ ପାଇଁ ଏକ ସକାରାତ୍ମକ ବାର୍ତ୍ତା”।

ଏବେ ସେ ସନାତନ ଧର୍ମ ଅନୁସାରେ ନିଜ ଜୀବନ ଅତିବାହିତ କରିବେ ଏବଂ ମନ୍ଦିରରେ ନିୟମିତ ପୂଜା ପାଠ କରିବେ ବୋଲି ଯୁବକ ଜଣକ କହିଛନ୍ତ ।