ଚନ୍ଦ୍ରକୁ ଯିବେ ବାଲବୀର ଫେମ୍ ଦେବ ଯୋଶୀ; ୩ ଲକ୍ଷ ଲୋକଙ୍କ ମଧ୍ୟରେ ହେଲେ ଚୟନ

ନୂଆଦିଲ୍ଲୀ: ମହାକାଶ ରହସ୍ୟରେ ପରିପୂର୍ଣ୍ଣ ଏଣୁ ମହାକାଶ ସହିତ ଜଡିତ ସବୁକିଛି ଲୋକଙ୍କୁ ଆକର୍ଷିତ କରିଥାଏ । ମହାକାଶର ଆକର୍ଷଣ କରୁଥିବା ସମସ୍ତ ଗ୍ରହ ନକ୍ଷତ୍ର ମଧ୍ୟରୁ ଚନ୍ଦ୍ର ହେଉଛି ଅନ୍ୟତମ । ଏହି ଚନ୍ଦ୍ର ଆମର ସବୁଠୁ ପ୍ରିୟତର ହୋଇଥାଏ । ତେଣୁ ଆମେ ଏହାକୁ ଜହ୍ନମାମୁଁ ମଧ୍ୟ କହିଥାଉ । ତେବେ ପୃଥିବୀରୁ ଦେଖାଯାଉ ଥିବା ଚନ୍ଦ୍ର ସାମାନ୍ୟ ହଳଦିଆ ରଙ୍ଗର ହୋଇଥାଏ ଯାହା ଆମ ଆଖିକୁ ଶାନ୍ତ କରିଥାଏ । ଥରେ କଳ୍ପନା କରନ୍ତୁ ଯଦି ଆପଣ ଏହି ଚନ୍ଦ୍ରରେ ବୁଲିବାର ସୁଯୋଗ ପାଇବେ ତେବେ ଆପଣଙ୍କୁ କିପରି ଲାଗିବ । ଆପଣ ହୁଏତ ଏହାର ସୁଯୋଗ ପାଇ ପାରି ନାହାଁନ୍ତି, କିନ୍ତୁ ପିଲାମାନଙ୍କର ଅତି ପ୍ରିୟ କଳାକାର ବାଲବୀର ଅର୍ଥାତ୍ ଦେବ ଯୋଶୀଙ୍କୁ ଏହି ସୁଯୋଗ ମିଳିଛି । ଏବଂ ବର୍ତ୍ତମାନ ସେ ଚନ୍ଦ୍ର ଯାତ୍ରା କରିବାକୁ ଯାଉଛନ୍ତି । ଜାପାନର ଜଣେ ଆରବପତି ଏହି ଯାତ୍ରାକୁ ଫାଇନାଲ କରିଛନ୍ତି ଏବଂ ଏହି ଯାତ୍ରାରେ ଯାଉଥିବା ଲୋକଙ୍କୁ ସର୍ଟଲିଷ୍ଟ କରାଯାଇଛି ।

ଜାପାନର ଆରବପତି ୟାସୁକା ମେଜାୱା “ଡିଆନ୍ ମୁନ୍ ମିଶନ୍’ ଆରମ୍ଭ କରିଥିଲେ । ଯାହାର ସମସ୍ତ ଟିକେଟ୍ କିଣି ସେ ଚନ୍ଦ୍ର ଯାତ୍ରା ପାଇଁ ଆଗ୍ରହୀ ଥିବା ବ୍ୟକ୍ତିଙ୍କଠାରୁ ଆବେଦନ ମାଗିଥିଲେ । ଯେଉଁଥି ପାଇଁ ଅନେକ ପଞ୍ଜୀକରଣ ମଧ୍ୟ କରାଯାଇଥିଲା, ଏଥିପାଇଁ ମୋଟ ୩ ଲକ୍ଷ ଲୋକ ଆବେଦନ କରିଥିଲେ ଯେଉଁମାନଙ୍କ ମଧ୍ୟରୁ ଅଧିକାଂଶ ଭାରତୀୟ ଥିଲେ । ତେବେ ସେମାନଙ୍କ ମଧ୍ୟରୁ କେବଳ ୮ ଜଣଙ୍କୁ ବଛାଯାଇଛି ଏବଂ ସେହି ୮ ଜଣଙ୍କ ମଧ୍ୟରେ ଦେବ ଯୋଶୀ ଚୟନ ହୋଇଛନ୍ତି । ଦେବ ଯୋଶୀ ପ୍ରତ୍ୟେକ ଘରେ ବାଲବୀର ଭାବେ ବେଶ ଜଣାଶୁଣା । ଏଲୋନ୍ ମସ୍କଙ୍କ କମ୍ପାନୀ ସ୍ପେସ୍ ଏକ୍ସ ଦ୍ୱାରା ଏହି ଯାତ୍ରା ପୂରା ହେବାକୁ ଯାଉଛି ।

ସୂଚନା ଅନୁଯାୟୀ, ଦେବ ଯୋଶୀ ଆସନ୍ତା ବର୍ଷ ଏହି ଯାତ୍ରା ପାଇଁ ଯିବେ । ଦୀର୍ଘ ଏକ ବର୍ଷ ପରେ ମନୁଷ୍ୟମାନଙ୍କୁ ଚନ୍ଦ୍ରକୁ ପଠାଯିବାର ଏହି ଯାତ୍ରା ଦ୍ୱିତୀୟ ଥର ହେବାକୁ ଯାଉଛି । ଡାକ୍ତରୀ ପରୀକ୍ଷା ପରେ କେବଳ ୮ ଜଣଙ୍କୁ ଚୟନ କରାଯାଇଛି । ଏହି ଯାତ୍ରା ପାଇଁ କଳାକାର ଦେବ ଯୋଶୀ ବହୁତ ଉତ୍ସାହିତ ଅଛନ୍ତି । ସେ ଏହି ସୂଚନା ଇନଷ୍ଟାଗ୍ରାମରେ ମଧ୍ୟ ସେୟାର କରିଛନ୍ତି ।