Beastର ଟ୍ରେଲରରେ ବିଜୟଙ୍କ ଦମଦାର ଆକ୍ସନ୍ : ୧୬ ଘଣ୍ଟାରେ ଦେଖିଲେଣି ୨.୪ କୋଟି ଦର୍ଶକ [Video]

ନୂଆଦିଲ୍ଳୀ: ରିଲିଜ ହୋଇଛି ଥାଲାପଥି ବିଜୟଙ୍କ ବହୁ ପ୍ରତୀକ୍ଷିତ ଫିଲ୍ମ ବିଷ୍ଟର ଟ୍ରେଲର । ଏପ୍ରିଲ ୧୩ ତାରିଖରେ ଫିଲ୍ମ ରିଲିଜ ହେବାକୁ ଥିବା ବେଳେ ଟ୍ରେଲରକୁ ଦର୍ଶକ ବେଶ ପସନ୍ଦ କରିଛନ୍ତି । ରିଲିଜ ହେବାର ୧୬ ଘଣ୍ଟା ମଧ୍ୟରେ ଏହା ପ୍ରାୟ ୨.୪ କୋଟି ଦର୍ଶକ ଦେଖି ସାରିଲେଣି । ଏହା ସହିତ ୨.୧ ମିଲିୟନ୍ ଲୋକ ଏହି ଭିଡିଓକୁ ଲାଇକ୍ କରିଛନ୍ତି । ଫିଲ୍ମରେ ବିଜୟ ଦମଦାର ଆକ୍ସନ କରିଥିବା ବେଳେ ଏହା ଫ୍ୟାନଙ୍କୁ ବେଶ ପସନ୍ଦ ଆସିଛି । ଏହି ଫିଲ୍ମର ଟ୍ରେଲରକୁ ପ୍ରାୟ ୧ ଲକ୍ଷ ଥର ରିଟ୍ୱିଟ କରାଯାଇଛି । ଏହା ସହିତ ଇନଷ୍ଟାଗ୍ରାମରେ ମଧ୍ୟ ଏହା ବେଶ ଭାଇରାଲ ହୋଇଛି ।

୨ ମିନିଟ ୪୭ ସେକେଣ୍ଡର ଟ୍ରେଲରରେ ବିଜୟ ଜଣେ ଗୁପ୍ତଚର ଭୂମିକାରେ ନଜର ଆସିଛନ୍ତି । ଗୋଟିଏ ମଲକୁ ଆତଙ୍କବାଦୀ ମାନେ ବନ୍ଧକ ରଖିଥିବା ବେଳେ କେମିତି ଲୋକଙ୍କୁ ଉଦ୍ଧାର କରାଯାଉଛି ତାହା ଦେଖିବାକୁ ମିଳିଛି । ଏହା ସହିତ ଫିଲ୍ମରେ ବିଜୟଙ୍କ ଚରିତ୍ରର ପୂର୍ବ କାହାଣୀର ସାମାନ୍ୟ ଝଲକ ଦେଖିବାକୁ ମିଳିଛି । ଫିଲ୍ମରେ ବିଜୟ ଜବରଦସ୍ତ ଆକ୍ସନ କରିଛନ୍ତି । ପୂଜା ହେଗଡେ ହିରୋଇନ ରହିଥିବା ବେଳେ ମଲମ ବିତା ଗୀତଟି ଭାଇରାଲ ହୋଇ ସାରିଛି । ଅନିରୁଦ୍ଧ ରବିଚନ୍ଦର ସଙ୍ଗୀତ ନିର୍ଦ୍ଦେଶନା ଦେଇଥିବା ବେଳେ ନେଲସନ ଦୀଲିପ କୁମାର ନିର୍ଦ୍ଦେଶନା ଦେଇଛନ୍ତି । ବିଜୟଙ୍କ ପୂର୍ବ ଫିଲ୍ମ ମାଷ୍ଟର କରୋନା ସମୟରେ ମଧ୍ୟ ବକ୍ସ ଅଫିସରେ ଧମାଲ ମଚାଇଥିଲା । ମାଷ୍ଟର ୨୬୦ କୋଟି ଟଙ୍କାର ବ୍ୟବସାୟ କରିଥିବା ବେଳେ ଏହି ଫିଲ୍ମଟି ବକ୍ସ ଅଫିସରେ ଭଲ କରିବା ନେଇ ଆଶା କରାଯାଉଛି ।